محتاره وين اسافر ؟

[فرروووشه]

اشلونكم بنات شخباركم مع الحر والغبار
بنات بستشيركم بشغله آنا ودي اسافر وحاطه في بالي اروح اسبانيا او لندن وزوجي يقول نروح امريكا بس مشكلتي انه عندي بيبي عمره شهرين :bbbiu:

خايفه يتأذى بالطياره شسوي ؟؟ ووينتنصحوني اسافر خصوصا مع الفايروس والامراض اللي طالعه باوروبا الحين !!!!!!! :ch12:

 

[شوكلاتة سويسرية]

على حسب انتي وين رحتي من قبل
ووش مزاجك انتي وزوجك
روحي سويسرا وباريس
او لندن وبرايتون وبلاك بول
او باريس والنمسا
اما اسبانيا انا ماقد رحت لها
ونصيحة اختاري دولة ماتطولين بالطيارة عشان مايقعد يصيح البيبي وتتورطين
وكان قدرتي تخلينة عند اهلك يكون احسن لك والله

 

[• الْـڪَـونّتيسَـہٌ «]

حبيبتي الامراض هاذي كلها اشاعه

مالاحظتو كل بدايه يطلع لنا شي يديد ؟

اممم صراحه لندن روووعه وعندج فرنسآآ و ماليزيا بعد حلوه

 

[q8tiaa81]

والله البيبي شهرين شوي مشكلة مو لانه صغير بالعكس الغير يظل بالعربانة بس كل شوي يبي يرضع ويعني لازم يكون الجو زين عشان لايستعسر وصدقيني سالفة وجود البيبي بالسفرة متوقف على الام وطولة بالها واستعدادها انا متعودة اسافر مع عيالي صغار بس من تسع شهور وفوق ولامرة جربت اسافر مع بيبي عمره صغير وبالنسبة للمكان يتوقف مزاجج وين رحتي من قبل ميزانيتج تبين سوق تبي سياحة تبين طبيعه يعني

 

[بحب الحياة]

ما رحت امريكا بس من كلام البنات بالنت احس فيها نشاطات كثيرة ديزني يونيفرسال ستوديو و اشياء كثيرة و وجود البيبي راح يعوقك زيادة على انه طيرانها يطول غير الطيران الداخلي ..من رأيي خليك على اوروبا طبيعة و سوق و البيبي ان شاء الله ما راح يأذك الا بالرضاعة بس و الباقي بيكون بالعربية و نايم ..والله يسهل عليك حبيبتي

 

[A boss]

اذا عندج بس ياهل واحد بوشهرين لاتسافرين ابعز الزحمة انصحك سافري عقب العيد دام ماكو ياهل بالمدرسه و قوليلي شنو تحبين وانا ادورلج انا شاطره ابهالسوالف