محتاره

[قدساويهـ]

السلام عليكم ورحمه الله وبركاته

الحمدلله تخرجت من الثاانويه الغثه

ونسبتي مو شئ 77.32 ولكن الحمدلله علي كل حال

وكان ودي اصير مهندسه بترول واذا ما حصلي ادخل كليه شريعه بس للاسف نسبتي ما تساعد

واليوم دخلت موقع الجامعه عشان التسجيل وعبيت البيانات وطلع لي 6 رغبات وبما اني اول خريجه بالعايله فما اعرف بالجامعه ولا حاقه

وهذيل الرغبات اللي عطوني اياها وانا اخترتها بهالترتيب
1-كليه العلوم/رياضيات وطبيعة
2-كليه التربيه /التخصصات العلميه
3-كليه العلوم البيولوجيه
4-كليه العلوم الاداريه
5-كليه البنات الجامعيه
6-كليه العلوم الطبيه المساعده

فأنا بدش كليه العلوم/رياضيات وطبيعة بحطها رغبه اولي وان شاء الله يقبلوني فيها
فحبيت اسال شلون طبيعه الدراسه فيها وشنو المواد اللي ندرسها وشلون نقدر احول للهندسه

وشلون طبيعه الدراسه بكليات الثانيه

اتمنى تساعدوني :eh_s(16):

 

[شوق95]

الله يوفقج /

 

[Miss Basma ..}]

كلية العلوم : رياضيات و طبيعة فيها هالتخصصات
رياضيات –كيمياء – كيمياء تطبيقية – فيزياء أساسية – فيزياء هندسية – علوم الأرض والبيئة –إحصاء وبحوث وعمليات – إحصاء تطبيقي – الرياضيات المالية.

و طبعا الدراسة بالانجلش

و التحويل من العلوم للهندسة موجود بهالرابط
هنا شوفي آخر صفحتين

و ترا كلية العلوم مو صعبة و الي يقول أنها مقبرة و تعجيزية أكيد ما يدرس أو أنه زفت بالإنجلش و ما قوى نفسه فيه
و من نسبتج أتوقع أنج أهملتي بالثانوية
إذا راح تبقين على نفس نظامج بالثانوية لا تتوقعين أنج بتحولين للهندسة أو تستمرين بكلية العلوم لأنه يبيلها مجابل

يعني شدي حيلج و آخر شي تستانسين

 

[~mmm~]

دام تبين هندسه
حطي رغبه اولى علوم
والتحويل سهل ان شاءالله
بس شدي حيلج
بالتوفيج

 

[مـيـراس]

نصيحة وانتي كيفج

اخذي كلية العلوم الاجتماعيه
سهله واخذي معدل عالي وحولي للكلية اللي تبين


رفيجتي علمي ودشتها وحولت للعلوم الادارية

 

[FoFa stylish]

نصيحة وانتي كيفج

اخذي كلية العلوم الاجتماعيه
سهله واخذي معدل عالي وحولي للكلية اللي تبين


رفيجتي علمي ودشتها وحولت للعلوم الادارية

لا طبعا مو اي كليه تقدر تحول من الاجتماعية
لاجتماعيه ادبيه ما تقدر تحول منها للهندسه
العلوم الرياضيه اسهل لها من ناحيه التحويل و بينهم مواد مشتركه و بصادف معاها بالكلاس بنات هندسه عكس الاجتماعية