محتره

[:: لورا ::]

السلام عليكم ورحمة الله وبركاته

فيني حره ومنقهره وااااايد لدرجة اني طحت بالمستشفى اسبوع من الصدمة

يابنات انا زواجي بعد شهر ويو اهله ويابو الدزه تخيلو يابولي " ولاشي "

بس قطو مهر الحكومة ! واحنا بنات عايلتنا دزتهم 10 !!

شنو قصدهم بالسالفة احتروا اهلي واييييييييييد

ودقت الوالده تقول لهم انه مايصير شنو هذا ردت عليها خالتي وقالت لاتدمرون حياتهم ولاحد يدخل بالموضوع !

اي شي

صج الردي يبقى طول عمره ردي

والله اكتب لكم وانا ميته قهر

ومحتره ومحترق قلبي

ناويه ما اكمل بصراحة معاه وباخذ كل شي وبحطه بالذهب

:nocommint:

 

[GA GA]

صدمتيني ..ّّ!!!

 

[العذرااااااااء]

رد : محتره

اي والله صدمه

 

[وينج يا غناتي]

رد : محتره

..............................!

من بدايتها جذي ...!

حبيبتي بعدج بالبر .. هذول ناس مايستحون ..!
لو مسوين هالسالفه ومتعذرين جان اهووون ...!
بس رد خالتج يبط الجبد ...!
وعععععع شهالناااس ..!
استخيييييييري وسوي اللي يريحج ولا تضااااايقين لان تو الناس كل شي بيدج

 

[قلبي شمري..~]

رد : محتره

.
.
اقلهن مهور اكثرهن بركه
.
.

 

[سمبتيكا ~]

ليش مو متفقين على المهر بعقد الزواج ؟!
إذا متفقين على 10 فـ لازم يجيبون مهرج 10

بس ليش جايبين لج 4 بس صاير شي بينكم ؟!

​

 

[♥ ݤليے ﻁﻔووله ♥]

رد : محتره

استخيري

 

[غير كل الناس]

ليش انتو ماتفقتوا قبل الملكه ؟؟؟ غريبه

 

[ام عيالها الغاليين]

ما ادري شقولج والله

أنتوا متفقين على المهر ؟؟؟؟؟؟؟؟؟؟

لان ما أتوقع ملجتوا وانتوا مو متفقين على المهر؟؟؟؟؟؟؟؟؟؟؟

وهذا غلطة اللي ماياخذون المهر يوم الملجة !!

احنا لوشنو يكون مانملج إلا لما يسلم المهر جدام الملا

 

[زهراء الركابي]

رد : محتره

شكوووووووووووو صدمه

الزواج ستر واستقرار ليشششششششششش فكرتو بالمادة والفلوس بس؟؟؟؟؟؟؟؟؟؟

 

[eng-khadkhad]

اذا انتوا متفقين على المهر واهم يابولج بس اربعه فالسالفه فيها شي غريب لكن اذا ماكو اتفاق بينكم يمكن هذي ميزانيتهم ماعندهم اكثر وانتي اخبر بوضعهم المادي

 

[فـرفـر]

الله ييسر امورج حبوبه
واستخيري قبل كل شي

 

[:: لورا ::]

مشكورين بنات

هالمهر معروف بعايلتنا واهم يعرفوووون عندهم خبر ليش اييبون جذيه ؟

والعقد مكتوب 4 لكن احنا نمشي مثل اهلنا كلهم جذي الكل تخيلوا

حتى والله المكسورة ماترضى بهالدزه

انا والله خلاص مابي شي حسبي الله عليهم حتى خربوا فرحتي والحين مابي حتى ادش الصاله بالعرس

اشوف فيهم يوم يارب

حسبي الله عليهم حروا قلب يدتي

 

[:: لورا ::]

لا ميزانيتهم اكثر يقدرون بدل ال 10 ييبون مليون

بس رداة الحظ اللي قطتني على هالاوادم

 

[قطوطه حلوه]

رد : محتره

يمكن على قد حالهم او يبون يقطون الباجي على الصاله والبوفيه وغيره او حق اثاث شقتج مثلا ..اذا اهو رجال زيين لا تطوفيييييييييينه

 

[بدوية بملامح كشميرية 86]

ياحياتى لاتحترين ولاشئ استخيرى

وانتم كنتوا متفقين معاهم ع مهر معين ؟؟ كاتبينه بالعقد ؟؟

 

[سمبتيكا ~]

دام مكتوب بالعقد 4 بس فـ خلاص الناس رايتهم بيضا ماعليهم غلط ..
آنتوا المفروض تكتبون شروطكم بـ العقد حتى لو اهم عندهم خبر هم لازم تكتبونها
هذا عقد زواج ، في ناس تكتب حتى شرط الوظيفه شرط السكن شرط السواقه
فما بالج مهر ..

حتى والله المكسورة ماترضى بهالدزه

تدرين آحنا قبيلتنا ناخذ 4 بس ؟ واللحين عشان الدنيا غلت صارو يعطون 5 و 6
والحمدلله ما آنكسرنا بالعكس الله مبارك لنا بالزواج الحمدلله ومسهل علينا ..
وماعندنا نسبة عنوسه بـ قبيلتنا آلف الحمدلله والشكر ..
الرسول عليه الصلاة والسلام: { آقلهن مهور آكثرهن بركه }
يعني المهر القليل مو يعني آنكسار ، بالعكس مثل مانتي شايفه بركه وتسهيل من الله الحمدلله ..




عشان جذي آنا آقول لو كاتبين المهر بـ العقد آفضل "حتى لويعرفون"
وحبيبتي آنتي معصبه اللحين لاتاخذين قرارات تندمين عليها بعدين
السالفه ماتسوى والآربع آلاف فيهم خير وبركه ..
لاتضيقين خلقج وتحرمين عمرج من دشة الصاله : )
هونيها وتهوووون

​

 

[الدلال]

الفلوس مو كل شي

اذا الريال زين واهله ناس زينين ترى هذا اهو المهم

 

[سفيرة العشق]

رد : محتره

حبيبتي حتى لو يعرفون عاداتكم لازم ينكتب بالعقد المبلغ كامل واللي متفقين عليه

واذا الريال زين كلموا اهله يمكن يزيدونكم شوي بصراحة فلوس الحكومة ما تكفي كلش هالايام

 

[:: لورا ::]

تدرين آحنا قبيلتنا ناخذ 4 بس ؟ واللحين عشان الدنيا غلت صارو يعطون 5 و 6



هذا انتي قلتيها يزيدون حتى لو 4 يعني ماتاخذون هالدزه الحين يزيدونكم !! شلون احنا !

فمابالج بال10

واضحه السالفه