محتويات الاركان الدائمة ما هي ؟

[راقية باخلاقي]

السلام عليكم

اخواتى المعلمات

لا يخفى عليكم ان رياض منطقة غرب الجليب جديدة

والاركان :krkrkr: يقولون لنا فقيرة يا ابلة

اريد كل وحدة تعلمينى


شنو احط بكل ركن بحيث محد يقدر يكلمنى ولا يوجه لى نفقد

ويقولى العبارة اللى ما احبها

اركانج فقيرة يا ابله :eh_s(14)::eh_s(14):

( المكعبات - فنيه - مكتبه - رمل وماء - مطبخ - علوم - منزل - حاسوب -العاب تربويه )


وشكرا للجميع مقدما

 

[^ليلاس^]

المكعبات : مكعبات فلينيه وخشبيه هذي اهم يوفرونها
ومجسم بيت وشخصيات وسيارات كثري من السيارات

الحاسوب ما تحطين شي ؟؟ بعد شيبون بالحاسوب

رمل وماي : ادوات الرمل والماي وصداري

مكتبة : قصص وهيدفون وشخصيات

وبعد شنو اتذكر وارجعلج

 

[أم شواقه]

بكتب الي اذكره الحين :eh_s(6):

العلوم : حيوانات ، عدسه ، حبوب ، ريش ، صوف ، قطن ، ميزان ، منشزو ، مقاييس

المكعبات : مكعبات مختلفه ، شخصيات ، وسائل مواصلات

الالعاب التربويه ،،، اغلبها الروضه اتوفرها ،، لعبه التركيب ،، الخرز والخيظ ،، وشغات ثانيه سألي امينه المخزن عندكم

الماي والرمل: ادوات الماي و الرمل ، صداري ، قبعات ، حوض للماي وحوض للرمل ،، الروضه اتوفرها

البيت : عرايس ، ملابس اولاد وبنات ، فراش ، قعدات ، كبت ، تسريحه وممكن اتزيدين تلفاز اذا عندج وماتبينه // انا حاظه تلفزيون صغير ،، طاوله الكي ، مكنسه

المطبخ : عاد اهما يوفرون لج ،، المطبخ والثلاجه ،، انتي حطي علبه بودر تانج برتقال ، طحين ،، خضار وفاكهه بلاستيك ،، ووفري وجبه يوميا لفترة الاركان

الفميه : الوان متنوعه ،، اوراق ،، تطبيقات فنيه ، صلصال وادواته ،، سوي مشاريع مع الاطفال وحطيها

المكتبه : قصص الخبرات ، هيدفون ، شريط قصه الخبرة وصور مكبرة لقصص الخبرة

الحاسوب ما اتحطين شي علييييهم

 

[راقية باخلاقي]

ليلاس وام شواقه مشكورين

ابي بعد

انجنيت

اهم يبون نفس اللى بالهم ومدري شنو بالهم !!

 

[أم شواقه]

مو على كيفهم الي في بالهم ،،، شوفي اخذي دليل المعلمه كاتبين فيه محتويات الاركان الاساسيه او سألي المشرفه اشفايدتها يعني ؟؟؟

احنا مشرفتنا من اول السنه عطتنا مذكرة فيها اساسيات الاركان

 

[nero]

راقيه طلبي من المشرفه ورقه الاركان

احنا يوزعون علينا ورقه الاركان فيها كل المحتويات الاساسيه نلزقها بالدفتر

وتقريبن فيها كل الي قالتهم ام شواقه

وانتي مبدائين حطي هالاشياء وبعدين شوي شوي مع كل خبره تبدا تنترس الاركان

 

[راقية باخلاقي]

نيروا

مشكورة يا حياتي

احنا مشرفتنا قالت مدري مو عندى انتم ابحثوا يا لهوى نبحث فين والله فين

 

[راقية باخلاقي]

مشكورة يا حياتي

 

[kajool_80]

اختي رجعي حق المرشد الخاص بمعلمات رياض الأطفال متوفر في الروضة ويكتبون فيه كل محتويات الأركان

 

[عاليه2008]

أختي عندك مرشد المعلمة فيه محتويات كل ركن واحرصي كل خبرة تجددين اشياء مرتبطة بالخبرة

 

[هديل الروح]

السلام عليكم
هلا بنات / معلمات
اعرفكم ع نفسي انا معلمة روضة ودي اتعرف عليكم وتقبلوني ضيفة معاكم اذا حبيتو

 

[doweha]

الله اكون بعونج شوفي رجعي للمرشد ووفري المطلوب فية بعدين على فكرة احنا المدرسات القدم الحين قمنا انشيل شغلنا لان الوزارة وفرت كل الاركان اللهم الفنية والعلوم والمكتبة فحرام تشترين واشلونة فانتي حطي في كل ركن لمستج الخاصة وطريقه العرض خليها ملفتة يمكن الى يبونه طريقة عرضج بحيث يطلع الركن يجذب الله اوفقج

 

[عبااير]

اقولج شي ....اخذي المرشد اسالي عنه امينة مخزنكم تلقين فيه عن محتوى الاركان بشكل نموذجي ..طبعا في شغلات الاداره اتوفرها لج غصب عن خشم ام اللي جابهم هههههههههههههههههههههههه
وفي شغلات انتي لاااازم اتجيبينها خخخخخخخخخخخخخخخخخ
وربي يوفقج ويكون صفج احلى صف