أحلى همبه كويتية
**مشرفة قسم مائدتك**
المقادير :
كوسا - حسب عددكم
جزر مقطع طوال
بطاط مكعبات
راس الباذنجان ( اختياري )
شلغم ( اختياري )
بصلة مفرومة
زيت
علبة معجون طماط
4-5 طماط ( مطحون بالبلاندر الخلاط )
فلفل علوب حار ( حسب الرغبة )
2 حبة لومي اسود صحيح
2-3 ماجي
شوية كركم
1/2 1 ملعقة صغيرة بهاراتك المعتمدة للمرق
شوية سلق ممفروم ( انا أحبه بالمرق يعطيها طعم حلو ) يمكن الأستغناء عنه او استبداله ببقدونس مفروم
ماء
الخضار المضافة اختيارية ، انا حطيت كل الخضار الموجودة بالثلاجة عندي
ممكن تسوين الطبق بالكوسا بسسسسسسسسسسسسسس
الحشوة :
عيش مصري مغسول
2 طماط مقطعة صغار
بصل مفروم
شوية زيت
1/4 ربطة بقدونس مفروم
1 ملعقة كبيرة نعاناع ناشف
1 ملعقة صغيرة لومي ناعم
1 ملعقة ةصغيرة بهارات مشكلة - او بهاراتك المعتمدة
1 ملعقة كبيرة دبس الرمان
عصير ليمونة
ربع ملعقة صغيرة كركم ناعم
الطريقة :
- تخلطين كل المقادير مع بعض بماعون .
- قطعي راس الكوسا ( احتفظي فيها عشان نسكر عليها بعد ما نحشي الكوساية ) واحفريها عدل بدون ما تتشقق .
- غسلي الكوسات وصفيهم من الماي بمشخال .
- حشي الكوسا بالحشوة السابقة وغطيها براس الكوسا اللي احتفظنا فيه عشان ما تطلع الحشوة اثناء الطبخ .
طريقة المرق :
- تحمسين البصلة بالجدر لما تشقر وتحطين عليها زيت
- تضيفين البطاط والجزر وروس الباذنجان والشلغم ( كل الخضار اللي تحبينها حسب رغبتك ) والسلق وتحمسينهم شوي
- تضيفين عليهم الكركم والطماط المطحون والماجي ومعجون الطماط واللومي الصحيح وتقلبينهم عدل وتتركينهم لمدة 5 دقايق على النار المتوسطة
- ضيفي كمية الماء المناسبة حتى تغطي الكوسات واتركي الماء حتى يغلي - ذوقي المرق اذا محتاج ملح او لا :eh_s(15):
- سقطي الكوسات في المرق واتركيها لمدة نصف ساعة على نار عالية نوعا ما لما تثخن
- بعد النصف ساعة الأولي ضعي فلفل العلوب الحار ( حسب الرغبة ) ثم اتركيها تطبخ لما تستوي واختبري العيش داخل الكوسا اذا استوى او يحتاج بعد .
وعلينا و عليكم بالعافية وان شاء الله يعجبكم الطبق
والحمد لله على النعمة والله يحفظها من الزوال
