محـــتاره .... (( اي تخصص )) بناات ساعدوني

[ريميه الكويت]

السلام عليكم ورحمه الله وبركاته

شلونكم ,, بنات. ان شاء الله بخير ..

ابصراحه موضوعي .. انا محتاااره خلصــت الثانــويه ,, وابي ادش تخصص بس مو عارفه شنو اختار
وعلفكره انا عندي شهاده الثانويه مخلصتهاا براا ...في هولندا

وحبيت اسأل شنو التخصصات المطلوبه اكثر شي عندكــم ؟؟..
او الامكان اذ خلصت وين اتوظف ..؟؟؟؟

لاني ناويه اخذ الشهاده وارد الديره

فا اتمنى تفيدوني بهل الخصوص .

 

[MaTaDoRy]

على حسب ميولج ..

اختيار التخصص = اختيار حياتج المستقبليه

 

[ريميه الكويت]

ابصراحه احب كل شي عااادي ماعندي مشكلــه ... ؟

على العموم مشكوووره ويعطيج العافيه

وينكم بنااااااات؟؟

 

[بنوته كلي طموح]

محاسبه مطلوبه وادارة اعمال و تي يو مطلوبين او فرنسي اذا تبين تصيرين مدرسه ،،، بس عندي فضول اعرف ليش دارسه الثانويه برا:eh_s(15):

 

[ريميه الكويت]

بنوته كلي طموح ..

مشكوره ياقلبي على المرور

وابصراحــه انا ودي ادش محاسبه او اصير مدرسه ,, ( ومحتاره بهل الاثنين ,,)

لان انا عايشه من زمااااان في هولندا من الابتدائي هههه

 

[LuLiTa]

اختاري وظيفة اتعزج و اترزج و مستقبلها مضمووون ,,,,

 

[Dewdrops]

كل شي ممكن نساعدج بس التخصص صعب هذا مستقبلج

بس عجبتني فكرة الفرنسي

 

[عاشقه رويشد]

شوفي انتي شنو تميلين له اكثر واختاريه والله يوفقج

 

[ريميه الكويت]

lulita والله ياقلبي انا ابي وظيفه على قولتج ترزني هههه

بس ماادري شنو اختااار ؟؟

 

[ريميه الكويت]

سوشي مشكوره ياقلبي على المرور

ادري بس والله ماعندي شي محدد ..

يعني انا كتبت الموضوع عشان البنات يقولون لي وانا بالاخير اختاار الانسب لي ,,

يعني لو تعرفين تخصصات مستقبلها مضمون فل الكويت ..؟؟

 

[ريميه الكويت]

عاشقه رويشد

يوفق الجميع ياربيي
بس والله ماادري .. انا ابي تخصص يكون لا خلصت القى وظيفه مضمونه فل الكويت

فهمتو علي ..؟

 

[black_arno0oBa]

حبوبه دول العالم كلها نفس التخصصات فيزياء وكيمياء يعني مواد ادبيه ومواد علميه واهم شيء طبعا تنقين التخصص الي تحبينه عشا انشالله لي تخرجتي تحبين شغلج وتبدعين بتخصصج وموفقه قلب

 

[ريميه الكويت]

ارنوووبه فاهمه ياقلبي ..
بس ابي تخصصاااااااااااااات تكون مطلوبه عندكم ,,,

يعني عددو لي ..؟؟

ويوفق الجميع ان شاء الله

 

[طالبة1990]

ادب انجليزي

لغويات انجليزي

او تربية انجليزي << تخصص نادر بالجامعة

احس هالتخصص قليل الاقبال عليه بس بسرعة تتوظفين وبكل الوزارات

 

[Dewdrops]

ادب انجليزي

لغويات انجليزي

او تربية انجليزي << تخصص نادر بالجامعة

احس هالتخصص قليل الاقبال عليه بس بسرعة تتوظفين وبكل الوزارات

نفس الكلام

والتربية بعد يتوظفون بعد التخرج ع طول
الانجليزي والفرنسي مطلووووووب



بالتوفيق

 

[المـــــها]

حبيبتي إنتي شوفي شنو ميولج اول شي .. بعدين شوفي دليل الكليات و التخصصات .. و اختاري اللي تحسين إنج راح تعطين فيه ..

 

[my world]

بقولج التخصصات اللي بكليتنا مااا ادري ااذا في بهولندا ولا لأ لووووووول

علم نفس احم احم تخصصصي
علم اجتماع
علوم سياسيه
جغرافيا
خدمه اجتماعيه
وتقدرين تاخذين تخصص مساند ... مثل اداره و ادب انقلش و علوم ومعلومات و تاريخ او فلسفه وفي من الكليه نفسها يعني وحده تخصصها علم نفس تاخذ مساند سياسه عادي ........

 

[Miss samora]

نصيحه تخصصي انجليزي
من كل صوب راح تقدرين تتوظفين
مدرسه بنوك بترول ترجمه اذاعه
كل الابواب راح تتبطلج
موفقـــــــــــــــــــــه
تقبلي مروري..

 

[Amano]

حسب انتي شنو تحبين .. أنصحج بعدي عن التربية الوزارة فاشلة من قلب و على قولت امي تسمي المدرسة سجن النساء !! صج ان بسرعه تتوظفين بس بتكرهين حياتج من كثر الشغل

الباجي الأغلب مطلوب .. كل التخصصات العلمية مطلوبة و الإنجليزي و الفرنسي و ادارة الأعمال و الحقوق كله تمام
ما أدري أحس تخصصات العلوم الإجتماعية ما تنفع وايد مستقبلا علم نفس + رعاية اجتماعية و هالسوالف في الآخر يا مدرسة يا اخصائية اجتماعية ! و العلوم السياسية توظيفها صعب وايد للبنت ! الصبيان و غصب
شوفي انتي شنو مايلة له اكثر و حددي و ان شاء الله أكون فدتج

 

[ريميه الكويت]

بنااااااات فديتكم

والله يعطيكم الف عافيــه ,,

وبالنسبه للتدريس مااادري احس اني مالي بال طويل ):

والانجليزي والماني وهولندي ,, ميه ميه

بس محتااره ابي لا خلصت من التخصص القى وظيفه بمعااش زين وبمكان مناسب

ومشكورين بنات رعلى الافاده وعسى ربي يوفق الجميع