محلات الكلف والزيوت العطرية

[ديالى الفهد]

السلام عليكم
كيفكم ياغاليات
انا ديالى من الخبر ونازلة قريب على الكويت وحابة استفسر منكم ياغاليات عن احسن محلات الكلف حق الفساتين والعبايات
وعن الزيوت العطرية اللي تجي نفس ريحة عطور الماركات شانيل وديور وتوم فورد بس على زيوت اوتركيب عطور
انا عارفة انكم ماراح تقصرون باللي تقدرون علية
وربنا يعطيكم الف عافية

 

[الجوهرة777]

هلا وغلا بالسعودية

حبيبتي كل اللي تبينه بسوق اسمه سوق الكويت


الكلف تلقينها في سوق اسمه البلوكات


في بلوكات خام وفي وراها مبنى ثاني بلوكات كلف عجيبه غريبة


انتي بس توصلين البلوكات اسأليهم وين الكلف يدلونج


الشي الثاني الزيوت العطرية

موجود في سوق الكويت محلات عطور جملة تلقينه عندهم

تقريبا فوق سرداب الشايع <<<<<<<<< لا يطوفج يهبل حق المكياج والشباصات الجملة وكل شي


يعني بس توصلين سوق الكويت اسأليهم وين محلات عطور الجملة ؟؟

ووين سرداب الشايع ؟؟؟


وحياج الله بالكويت


الجوهرة777​

 

[ديالى الفهد]

جزاك اللة الف خير جواهر ماقصرتي
اسم على مسمى
بس سوق الكويت هو نفسة قريب من المباركية اللي فية جلسات برا وسوق سمك وخضار ودشاديش؟

 

[بواسم]

هلا فيج اختي وحياج الله بالنسبه للكلف بسوق الصفاة بالديره وبعد قريب منهم محلات العطور تروحين سرداب الشايع

العطور فوق سرداب الشايع وان شاء الله تحصلين الي تبينه بس كله بالديره وقريب من بعضه .

 

[AooDoo]

اب اب

 

[ديالى الفهد]

مشكورين وماقصرتم يالغاليات وماخاب ضني فيكم حبايبي