محلات وأسواق بالأسماء تصلح لمشتريات السفر

[macintosh]

السلام عليكم

شلونكم بنات ..

رحتوا السوق ؟ جهزتوا حق السفر

ترا السوق هالأيام تنزيلااات مع اني ما احب موسم التنزيلات بالأيام العادية

غصب تحصلين قطعة تسوى + الزحمة واللوية ، بس حق السفر ينفع

توني رايحة الخميس اللي طاف من هالاسبوع الأفينيوز زززحمة

المشكلة ما فيني حيل اطلع الايام العادية مافي وقت ومهدود حيلي من الدوام

فصار ما عندي الا الويكند

المهم

بعد حوسة ولوية طلعت لي بخوش اقطع للسفر (5 بنطرونات حلووة واسعارهم مناسبة )

يت على بالي فكرة :
بنات شرايكم نخلي هالموضوع مرجع لنا بالأماكن والمحلات اللي حصلنا

فيهم مشتريات حلوة ومفيدة للسفر . يعني مثال المحل الفلاني في سوق كذا( توبات حلوة )

(جواتي ) عزكم الله ، بنطرونات ... جذي

نختصر وقت وحوسة وتعب . شرايكم

مع الصور والأسعار واي معلومات اضافية بالمحل إن امكن هالشي

وما عندي مانع أبلش أول وحدة

 

[^noonaa^]

والله خووش مووضووع

انا يوم الخميس كنت رايحه ٣٦٠

ودشيت غاب وماركس سبنسر كانوو مسوين سييل

وحوش تي شيرتات ومايوهات عند غاب اللي ابتاخذ حق عيالها

 

[macintosh]

the avenues mall

***

اسم المحل

www.jennyfer.com

عنده تشكيلة حلوة من البنطرونات العملية ( جنزات / سادة / مشير ) واسعاره مناسبة

خذيت من عنده بنطرونات اسعارهم على 12 ونص تقريبا

www.bershka.com

تشكيلة عملية واسعة من الملابس اسعاره معقولة

(خذيت منه الجينز الكامل العلاق على الكتف ) حلو مع توب جبنيز
الاثنين ب 26 ...

www.[B]forever21[/B].com

ما حصلت عنده شي يسوى زايد صراحة

بس فيه لينغزات وبديات سادة حق اللي يبي
( خذيت لينغنز تركوازي شوقني ) كان 2 دينار

River Island

بالنسبة للملابس فيه جينزات بس ما شريت لاني شريت من قبل

بس منزل تشكيلة حلوة من الجناط والجواتي صج حلوة وتستاهل

ما خذيت لأني كنت مستعيلة بدخل السينما

بروح له مرة ثانية على رواء :eh_s(6):


هاذي المحلات اللي دخلتها وتسوى تلقون نظرة عليها لتجهيزات السفر
الباجي ماكو خرابيط خصوصا مع التزيلات

ننتظركم تفيدونا بعد

 

[أم أنور]

برووح لندن والمنطقة اللي بقعد فيها ان شاءالله بارده وكله مطر ودي البس تريننجااااااات اشرايكم

 

[درة أهل الطولات]

للسفر ما أحب اقط وايد

اروح سوق السالمية واشتري توبات طوال على الجينزات وبسسسس

طبعا هذا قبل لا البس عباية

والحين كله عباية وفلاتات

 

[miele]

هااااي صديقاتي المسافرات انا اشوف ان سوق السالميه الحين اسعاره نفس زارا القميص الحلو ما يقل عن 9 ولا 10 دنانير الصراحه ما شفت التشكيله مالت السنه هاذي ودي بالستايل الطويل المكسي مع اليقنز وفلات بس لاني رايحه تركيا باذن الله

ريفا حلو بس اوووفر صراحه يعني بقط اهني وبقط بالسفر ماكو مجال الله يسهل

 

[HaYoOoMa]

انا شايفه نفانيف قطن عند نيو لك

الوان اصفر ووفوشي واخضر وزييتي والاورنج باخذلي منهم واحد مع كارديغات قصير وتحته لقنز اخاف يرتفع شي اشكالهم حلووه وذربه وعالموووضه

 

[macintosh]

أم أنور

التريننغات حلوة وعملية .. يالله اذا حصلتي محل تريننغاته حلوة
علمينا

درة أهل الطولات

معاج حق بس عشان لا نتوهق بغسيل الملابس خصوصا اذا بنقعد مدة طويلة شوي
وخصوصا اذا تعرفين محلات شغلهم حلو حق السفر وأسعارهم مناسبة وهاذي الفكرة
من الموضوع :eh_s(7):
ما فكرت بسوق السالمية .. يسوى نمر ؟

 

[الأميرة كيرارا]

آنا ألبس عبي بس خذيت بنطرونات و توبات حق اليهال من ماكس أسعارهم حلوة حق السفر
و حقي تكرمون جواتي من naturalizer
من الأفنيوز طبعا واحد فلات و واحد رياضي
جواتي اليهال من من سكيتشر

 

[macintosh]

^noonaa^

ما انتبهت على ردج :eh_s(7):
حياج الله حبيبتي وصاجه شفت ذاك اليوم اعلان غاب مسوي تنزيلات
في شغلات حلوة للكبار ولا بس أطفال ؟

 

[jen2n]

بنات بخصوص الجواتي وانتي بكرامه الحين النصر مسوي تنزيلات ويقولون اللي بالشاميه عنده تشكيله حلوه

 

[زوغه]

بنات الي مالها خلق تروح تفتر بالاسوقه تروح المعارض تاخذلها جم قميص هالايام البنات هابين اسوون معارض مستلزمات السفر. وبالنسبه حق الجواتي وانتوبكرامه ماكو اريح من كرووكس

 

[سماء الشرقية]

طيب وين هالمعارض الا يسوونها البنات وبعدين عادي نلبس عباية بلندن او يكون شكلي غلظ

 

[macintosh]

miele

ريفا حلو بس جنه مو عملي .. يبيله نلقي نظرة


HaYoOoMa

صح نيولوك ساعات تطيحين على قطع حلوة . يعطيج العافية

 

[الكادي 1981]

جبتهااا عالجرح .... الاسبوع اللي طاف رحت الافينيوز وانوتاا تنزيلات حلووووة اخذت نفنوووف قبل 24 الحين 7,500

تخيلووو !!! بني حلو بدون اكمام بالبس معاااه توينز بيييج ... وبما اني حاااامل شريت من h&m

بنطلون حواامل ابيض بناااات رووعه اشوية عليييه مع قصه فوووق قطن عرفتوهااا 16,900 بس يستااهل

وركبت معاااه من انوتا مثل قمييص راااهي وقصته مريييحه مشمشي 15 دينااار وسلامتكم

 

[زهور_2008]

 

[مشتطة وبس]

في شغلة مهمة للاطفال ............ من رد تاغ الحزام اللي تربطين الياهل معاج فاهمين طبعا حق الاماكن المزدحمة خصوصا للي عيالها ماينقضبون بسم الله عليهم مثل عيالي,,,, ولقيت جنطة تصير سيارة وهي جنطة عجيبة بسنتر بوينت ب 18 وبرد تاغ ب 5 خذيت وحدة حق الرحلات الداخلية السريعه( ماعرف انزل صور) ................ وعموما جناط سنتر بوينت عجيبة حق السفر .. وخذيت لي خام خيطت جاكيت طويل مرقع الوان مع بوت حق السفر بس

وقاعدة ادور كروس ذربة اهم شي

 

[macintosh]

الأميرة كيرارا

jen2n

بخصوص الجواتي صج محتارة .. ابي مريحين وكشخة بنفس الوقت

زوغه

اي معارض ؟ دورت ما حصلت اعلان جذي ؟

 

[زوغه]

الأميرة كيرارا

jen2n

بخصوص الجواتي صج محتارة .. ابي مريحين وكشخة بنفس الوقت

زوغه

اي معارض ؟ دورت ما حصلت اعلان جذي ؟

حبيبتي ساعات جريده الوطن تحط اعلانات يعني في معرض بالعديليه في بيت 44 على طول اسوون فيه معارض انا خذيتلي قميصين ايننون غريبين وارخاص وفي بعد بيت البصير اتوقع معروف همن كانت مسويه خصومات القميص الي 25 مسوينه على خمسه وبيت ديفا الي جدام الاميري واااييد في معارض

 

[macintosh]

يعطيكم العافية بنات :eh_s(7):

زوغه

صج يبيله فرة ع المعارض حتى حق سوالف رمضان نخلص مبجر عن اللوية
مشكورة يالغالية


بناات صج برشكا رحت له قبل جم يوم منزل شغلات يديدة وحلوة .. استاانس عليه عملي
وحلو حق السفر .