محل ((**((**مـــــــــــاكس وما أدراك ما مــــــــاكس**))**))لايطوفكم لكم ولعيالكم

[*ستايل*]

عدل كلامج شغله حلووو وعملى

 

[حبنا الله عليه]

رحت له برمضان وماتطمشت عدل

ان شاء الله اروحله مره ثانية ومشكوره مزيونه

 

[nouriya]

اى صح مزيونه انا سمعت عنه واختى توه من رايحه اللى بمجمع البحر اتقول مو طبيعى حتى حق الكبار فى اشيا حلوه ووبناطلين للطلعه عل 3د.ك
وفى فرع الري بس صراحه مارحتله
يعنى نفس استايل لاندمارك

 

[مسك]

رحتلــه قبــل يوميـــن

ملابـــس اليـهـــال حلــوه ويشوقـــون

قلــت حق اختــي تروح تاخــذ حــق عيالــهــا

امــا ملابــس لــي خذيتلي بـلــوزيــن عمليـيــن ولقيــت بعــد بجامــات حلويــن

حــتــى كسسواراتـهـــم تتلقطيــن اشيــاء حلــوه​

 

[اسكادا]

فعلا شغلاتهم وايد عمليه مشكوره حبيبتي

 

[ضحكة الدنيا]

بصراحه مارحت له ولا مره بس كلامج شجعنى اروحله دايما اشوفه وانا بحولى ماره على مجمع البحر محل شكبره وعليه اقبال

 

[تفاحة حمرة]

احبه اللي بحولي اشتري لولدي وهم لي بيجامات

يجنن لي فترة ما رحتله بروحله هالايام

 

[Brounzi_girlly]

تسلمين يامزيونة آنا بعد مطيحة فيه صارلي سنة تقريبا لبس اليهال حلو بس ترى مو كل شي
مع تحياااااااااااااااااااتي................

 

[سيدة الكويت]

بس سنتر بونت ارقى وبضاعته تكد احسن

 

[زهرة اللوتس]

يسلمو

 

[الملكيييية]

بنات ملاحظة بسيطة

ولاتزعلون مني ليش اشكره تذكرون الزلمات والحمامصه...؟ترى وايد بنات من الشام ويشاركون معانا حرام يمرون على الردود ويحسون فيه تنقيص من شانهم بالذوق او غيره

 

[مزيونه وشقره]

حياكم الله يا حبايب قلبي وصاجه الملكيييه



مع احتراماتي ياحياتي

مزيونه وشقره​

 

[سحيله_الحلوه]

واااااي استانس عليه هالمحل

 

[الملكيييية]

يابنات شنوووووووووووووووو يونس هالمحل

اخذت صندل رووعه شوي عليه جاي كعب وخيوط من جدام لونه جيشي بس قمه

واخذت 3بلايز صبيان لطلعه الوحدة 1,750 راااقيه نفس سوالف نكست
واخذت 3جينزات للصبيان بعد الواحد ب2,750روووووعه مقصص وفيه حركات

واخذت لبنتي للصغيرة بدلتين تركيب على ذوووقي بس رووووعه وتستاهل اكثر من السعر هذا

اخذت بيانووو للعيال كبير حلووو والله شغلهم وايد من امس لليوم وهم يلعبون فيه

واخذت شموع معطرة للجو

بالاخيررررررر يابنات جم طلع حسااااااااااااابي عند الكاشير والعربانة مترررروسه للاخر



حسابي 27دينار بس بس بس

صج يونس ويوفر وايد فلوس خاصه للي يحبون يتسوقون كل يوم

 

[marioom]

يعطيج العافيه عسولة
ماعرفه : (

 

[شجر الدر]

بصراحه ماكس حيل حلو واسعره احلى

 

[د.شريفة]

اي والله مريته ذاك اليوم وشريت حق ولدي شغلات حلوه

 

[نطوووعه]

واااي شلوووون ماعرفه بإذن وااااااحد احد بروووووووووووحله باسرع وقت شوقتووووووووووني

 

[الغاليه نونو]

رحت له يهبل شريت منه ستاندات حق المطبخ اللي يعلقون فيهم الاكواب وخذيت ماعين حق القفاش والسجاجين اللي ينحطون بدرج المطبخ وخذيت الربل حق البانيوهات وخذيت منهم هدوم حق عيال عيالي الصغار يهبلووون اشحلااااااااااتهم واسعارهم رخيصه والله رووعه لايطووفكم وخذيت شغلات وايده والله بس ماشريت لي شى ماعجبتني خلاجينهم

 

[xxx]

مشكورة مزيونة انا اروحله من زمان

من ايام ماكان بشويخ وعقب سكر ورحتله بمجمع البحر

يوم الخميس رحت الي بشويخ

خذيت منه تنانير حق بناتي وايد حلوين الوانهم شرحه

وبدلة حق ولدي

ونفنوف حق بنتي الصغيره

طلع حسابي 17 = عطوني كوبون بدينارين