مخدة / وسادة النوم

[cawcaw]

السلام عليكم خوااااااااااتي العزيزات..

عندي استفسار ماعليكم امر.. ممكن اعرف اذا ممكن اغسل المخده مالت النوم بالغساله؟؟ ماتخترب؟؟ او اوديها المصبغه؟؟ لان ساعات مع الاستعمال يصوفر لونها وتصير جلحه ملحه تلوع الجبد :cxxxp: ..

انا العاده لما اشوف لونها يتغير اقطها واشتري غيرها.. بس صارلي مده متوهقه لان حجم مخدتي كبير ومودايما احصله وموبأي مكان موجود.. ف ممكن تفيدوني ماعليكم امر؟؟

ومشكووووووووووووورين مقدماااا

 

[إستبرق]

والله انا بس اشوف المخده بدت تصير مو شي اقطها ولاني كله اشتري من ايكيا اعرف الي ابيهم فما اهتم

 

[توتيه]

والله حبيبتي انا اذا شفتها صوفرت اقطها بس اعتقد عند المصبغه يغسلونها بالبخار

 

[cawcaw]

مشكورين حبيباتي..

 

[بنوتة رقيقة]

والله احسلج اشتري غيييرها

 

[cawcaw]

المشكله مودايما احصلها.. عموما مشكوره عالمرور عزيزتي..

 

[حبشوش]

اش هالرفالة تقطونها حبيبتي نقعيها بالصابون وكلوركس بعدين اضغطي عليها وحطي كمفورت وغسليها ابيدج وخليها على المنشر وحطي تحتها طشت وبعد ساعة حطي تحتها بخور وانطري عاد ليما تنشف وشمي ريحتها يالله من فضلك بس لا تنسين تعطرينها :eh_s(8):

 

[عبق البنفسج]

أنا أبطل جيس المخدة الأصلي الأبيض .. أبطل الخياط من على جنب وأغسله وعقب أرد أخيطه

أنا كل شهرين تقريباً أسوي هالشغلة

 

[زيـنـه]

اغسلها بالغساله الاتوماتيك بالصابون و الكمفورت بين وقت و الثاني اذا في مجال مخداتج يدخلون الغساله
و يطلعون جنهم يدد

او نقعيهم بطشت و عصريهم جم مره و تالي خليهم ينشفون .. هم تنفع و يصيرون فريش .

 

[مس*فلحه*]

مع احترامي حق اختي حبشوش: لا تستخدمين الكلوركس وايد مو زين لانج بتنامين عليها فتره طويله مو زين حق الجسم وريحته بعد قويه.. انا رايي مثل ما قالوا البنات غسليها احسن..

 

[جمانه 99]

امبي تصدقون بنات آنا اقطها كل ماشوفها متصوفره كلش مافكرت اغسلها عاد توني قبل يومين مبدلتها وشاريه من هوم ار اس
بس المره اليايه راح اجرب واحطهم في غساله الأوتوماتيك واذا اختربو راح اقطهم

 

[بنت ناس وقلبها الماس]

ملوت ايكيا حلوين اذا غسلتيها ما تخترب لانه اسفنج رغوي
والغطا مالها بسحاب اسهل لما تفتحينه

 

[منورة المزيونة الحلوة]

حبيبتي غسليها بالغسالة بصابون حجر تلقينة عند العطار وشوية ديتول وعلقيها بالشمس 000000000منورة المزيونة

 

[Fantazya]

شوفي مخدة الوالد ذيج الصحيه اللي من داخل اسفنج قطعة واحدة

بالعادة نفج كيس المخدة ونغسله بالغساله والاسفنجه ننقعها بماي وصابون
وبعدبن نهدها بالشمس لين تنشف
والجيس وبعد ما ينشف نكويه ونرد ونحط الاسفنجه فيه ونخيطه بس سلامتج

 

[*جبرني الوقت*]

انا مع عبق البنفسج وزينه كلامهم معقووووووووووووووووول صج حريم

 

[kakooka]

والله انا رايي تقطينها احسن لان الاسفنج مع كثرة الاستعمال يذوب ويصير داخله حشرات صغيره

 

[الالماس واللولو]

والله انا اقطها واشتري غيرها

 

[cawcaw]

مشكووووووووورين بنات.. والله انا جربت وقطيتهم بالغساله صج ماطلعوا ناصعين بس اهون من قبل ومن مده رحت لاند مارك ولا يايبين منهم جان اخمطلي جم وحده للايام اليايه

 

[cawcaw]

مشكووووووووورين بنات.. والله انا جربت وقطيتهم بالغساله صج ماطلعوا ناصعين بس اهون من قبل ومن مده رحت لاند مارك ولا يايبين منهم جان اخمطلي جم وحده للايام اليايه

 

[خوش بنيه]

ومنكم نستفيد