السلام عليكم ورحمة الله وبركاته
بنات هذي سالفة وحدة قريبة مني حيييل الله يهديها !
البنت هذي انخطبت من 6 شهور تقريبا من ريال والنعم طيب وحبوب و ولد ناس وما عنده خرابيط
ابد وهو يحبها حيييل ومتعلق فيها يعني فتح عينه عليها وطاير فيها
وهي استغفر الله كانت على علاقة مع واحد لمدة 3 سنوات .. تقول ان هالريال بالنسبه لها كل شي
تحبه وتموت فيه على قولتها وكانت مستعدة تنتظره المدة الي هو محتاجها عشان يتقدم لها لانه
كان متعذر بشغله انه دايم السفر وانه اذا رجع دايم مجابل امه لانها مريضة ( الله يرحمها ) لانها
توفت من فترة . المهم .. بعد سنة كاملة معاه اكتشفت انه مجذب عليها بكل شي .. انه متزوج
وعنده عيال وانه جذب عليها بإسمه وعمره .. في البداية انهارت ولكنها بعدين صدقت اعذاره انه
يموت فيها وما يبي يخسرها عشان جذي جذب عليها ومن هالكلام الفاضي . ولما لامته وقالت له
ليش علقتني فيك وتخون زوجتك قال لها الي يجمعني مع زوجتي هو العيال والعشرة وبس . طبعا
هي مشى عليها هالكلام . واستمرت بعلاقتها معاه ومرت السنة الثانية والثالثة مروا بمشاكل بين
بعض والسبب انها مو متحملة ولا عارفة مصيرها هل هو يبي يتقدم لها ولا بس مخليها جذي .
تقول انها اختبرته كذا مرة وتقول له متقدمين لي ناس ومن هالكلام وبكل قواة عين يسألها بتوافقين
ولا لا ؟ وليش لا ؟ !!! المهم لين فاض فيها وقالت له خلاص ما اقدر اتحمل .. وبهالفترة قربت من
ربها وتقدم لها خطيبها حاليا وكانت مستعده انها تبتدي حياة يديدة معاه .. بس بعد الشهر الاول
ابتدت تطلع مشاكل بسيطة .. هو الريال تعلق فيها وحبها حيييل وهي لا مو قادرة تنسى ودايم تقارن
بينه وبين هذاك وتقول شكله مو متقبلته تلوع جبدي منه ومن هالكلام . مرت الشهور وتقول انه
بين فترة والثانية كان يدز لها حبيبها مسج ومرة هي ترد ومرة ما ترد .
لين قبل اسبوعين دز لها اذا عندها وتس اب وردت عليه وقاموا من ذاك اليوم وهم يتكلمون
بالوتس اب .
صدمتي فيها كبيرة طبعا ما عرفت شرد وشقول . تعبت اقول لها خافي من الله وحرام شذنب خطيبج
الي طاير فيج وانتي مو مهتمة فيه وما تكلمينه بإسلوب عدل وتخونينه بعد . تقول انا ما اخونه
مجرد سوالف وتس اب لاني قاعدة اتعذب مو قادرة انساه ومتعلقة فيه حيل ومن هالكلام الفاضي
يا بنات انا قلت لها اني بنزل موضوعها بالمنتدى وبخليها تقرى ردودكم تكفون نصحوها وادعوا لها
ولبنات المسلمين بالهداية والصلاح عاجلا غير آجلا يارب
بنات هذي سالفة وحدة قريبة مني حيييل الله يهديها !
البنت هذي انخطبت من 6 شهور تقريبا من ريال والنعم طيب وحبوب و ولد ناس وما عنده خرابيط
ابد وهو يحبها حيييل ومتعلق فيها يعني فتح عينه عليها وطاير فيها
وهي استغفر الله كانت على علاقة مع واحد لمدة 3 سنوات .. تقول ان هالريال بالنسبه لها كل شي
تحبه وتموت فيه على قولتها وكانت مستعدة تنتظره المدة الي هو محتاجها عشان يتقدم لها لانه
كان متعذر بشغله انه دايم السفر وانه اذا رجع دايم مجابل امه لانها مريضة ( الله يرحمها ) لانها
توفت من فترة . المهم .. بعد سنة كاملة معاه اكتشفت انه مجذب عليها بكل شي .. انه متزوج
وعنده عيال وانه جذب عليها بإسمه وعمره .. في البداية انهارت ولكنها بعدين صدقت اعذاره انه
يموت فيها وما يبي يخسرها عشان جذي جذب عليها ومن هالكلام الفاضي . ولما لامته وقالت له
ليش علقتني فيك وتخون زوجتك قال لها الي يجمعني مع زوجتي هو العيال والعشرة وبس . طبعا
هي مشى عليها هالكلام . واستمرت بعلاقتها معاه ومرت السنة الثانية والثالثة مروا بمشاكل بين
بعض والسبب انها مو متحملة ولا عارفة مصيرها هل هو يبي يتقدم لها ولا بس مخليها جذي .
تقول انها اختبرته كذا مرة وتقول له متقدمين لي ناس ومن هالكلام وبكل قواة عين يسألها بتوافقين
ولا لا ؟ وليش لا ؟ !!! المهم لين فاض فيها وقالت له خلاص ما اقدر اتحمل .. وبهالفترة قربت من
ربها وتقدم لها خطيبها حاليا وكانت مستعده انها تبتدي حياة يديدة معاه .. بس بعد الشهر الاول
ابتدت تطلع مشاكل بسيطة .. هو الريال تعلق فيها وحبها حيييل وهي لا مو قادرة تنسى ودايم تقارن
بينه وبين هذاك وتقول شكله مو متقبلته تلوع جبدي منه ومن هالكلام . مرت الشهور وتقول انه
بين فترة والثانية كان يدز لها حبيبها مسج ومرة هي ترد ومرة ما ترد .
لين قبل اسبوعين دز لها اذا عندها وتس اب وردت عليه وقاموا من ذاك اليوم وهم يتكلمون
بالوتس اب .
صدمتي فيها كبيرة طبعا ما عرفت شرد وشقول . تعبت اقول لها خافي من الله وحرام شذنب خطيبج
الي طاير فيج وانتي مو مهتمة فيه وما تكلمينه بإسلوب عدل وتخونينه بعد . تقول انا ما اخونه
مجرد سوالف وتس اب لاني قاعدة اتعذب مو قادرة انساه ومتعلقة فيه حيل ومن هالكلام الفاضي
يا بنات انا قلت لها اني بنزل موضوعها بالمنتدى وبخليها تقرى ردودكم تكفون نصحوها وادعوا لها
ولبنات المسلمين بالهداية والصلاح عاجلا غير آجلا يارب
