مدارس الاحتياجات الخاصه ضيقوا خلقي

[shjoon]

بسم الله الرحمن الرحيم

بنات انا ولدي مواليد 95 شهر 11 وبالصف السادس بالحكومه وعايدها سنتين ....الولد مايبي يداوم رحت مدرسة للاحتياجات الخاصه


شافوا ولدي قالوا ضعيف بالعربي ما رضوا يستقبلونه ويالله قالوا نحطه تحت التجربه اذا مشى معانا خليناه او مايكمل

انا بدخله على حسابي لان المجلس يمكن يطول وما ابي تروح عليه هالسنه ,,,, سألتهم لو التحويل صار من مدرسته وعن طريق المجلس معقول راح يرفضون واذا كل المدارس كذا وين اودي ولدي

انا احس ظلم ,,, اهم احتياجات خاصه ويبون واحد ما يعاني من مشكله ,,, ...بنات خواتي شوروا علي

من تجاربكم وخبرتكم ,,,,,,,,,,وجزاكم الله خير

 

[الصابرة المحتسبة]

هلا يالغالية ليش تستعجلين وتسجلينه على حسابج نطري وجابليه بالبيت مع مدرسين مختصين هذا رايي.

 

[ام نوونه]

يمكن ولدج مافيه شي وما يحتاج مدرسة احتياجات خاصه
في وايد يهال مو شاطرين بالمدرسه بس شطااااااار
بشي ثاني هذا مو معناته ان اهوا من الاحتياجات الخاصه
واحسن لج ما تدخلينه
عمتي ولدها ضعيف بالمدرسه ومع ان شاطر بالكهربا
والشغل اليدوي دخلته معهد مادري والله شسمه
وماشالله خلص وتزوج وتوا ياله ولد
انا اخاف اذا وديته اهناك ينظلم حرام

 

[HearT ChocolaTe]

يعني ولدج ضعيف بس العربي وقالوا لج من الإحتياجات الخاصه ؟؟
في تقيم ذكاء يقدر لى اساسه نسبه وعلى اساسها يقيم المجلس المدارس اللي ينتمي لها !!
وبالنسبه إنج تدخلينه على حسابج اتوقع هذا يعتمد على ظروفج الماديه .. بس هي مكلفه ؟!

 

[shjoon]

هلا يالغالية ليش تستعجلين وتسجلينه على حسابج نطري وجابليه بالبيت مع مدرسين مختصين هذا رايي.

تكفيييييييين عطين ارقام مختصين ايون البيت وجزاج الله خير

 

[shjoon]

يمكن ولدج مافيه شي وما يحتاج مدرسة احتياجات خاصه
في وايد يهال مو شاطرين بالمدرسه بس شطااااااار
بشي ثاني هذا مو معناته ان اهوا من الاحتياجات الخاصه
واحسن لج ما تدخلينه
عمتي ولدها ضعيف بالمدرسه ومع ان شاطر بالكهربا
والشغل اليدوي دخلته معهد مادري والله شسمه
وماشالله خلص وتزوج وتوا ياله ولد
انا اخاف اذا وديته اهناك ينظلم حرام

هذا اللي معقدني ولدي من الصف الثاني يقولون حوليه وانا ارفض الحين لايعرف يقرا ولا يكتب


معنه الحمدلله يفهم المواد الثانيه بس تدرين كل المواد بالامتحان تعتمد على القرءة والكتابة وهذا خلاه ساقط بجميع المواد

 

[shjoon]

يعني ولدج ضعيف بس العربي وقالوا لج من الإحتياجات الخاصه ؟؟
في تقيم ذكاء يقدر لى اساسه نسبه وعلى اساسها يقيم المجلس المدارس اللي ينتمي لها !!
وبالنسبه إنج تدخلينه على حسابج اتوقع هذا يعتمد على ظروفج الماديه .. بس هي مكلفه ؟!

الحين كل ولد ساقط يسمونه صعوبات تعلم ويحولونه للاحتياجات الخاصه

جزاج الله خير ,,,,,,,,والله محتاره وين يروح بس الله كريم