مدارس خاصه أغلبهم أمريكيه .. كل أم عيالها بخاص تتفضل لمساعدة خواتنا المحتارات

[حلم الطفولة]

السلام عليكم أمهات حلوات ..

هذا الموضوع فيه استفتاء ... ها ؟؟ .. استفتاااااء ... ok ? :gr4uu:
أبي أفيد الخوات المحتارات مساكين .. كل وحده مو عارفه وين تحط عيالها ..
جزاكم الله خير عاد شاركو لكم الأجر لا تطلون وتروحون ... :tongue22: جنه ماشفتو !!

قلت يالغاليات بحط أكثر المدارس اللي أشوفها متداوله بهالمنتدى ,, وكاتبين فيها مواضيع وسائلين عنها ..
والأم اللي عيالها أو عيال أختها ..أو عيال صديقتها .. حاطتهم بوحده من هالمدارس ومرتاحه فيها تشارك بالتصويت جدام أسم المدرسه ..
ترى تقدرون تصوتون حق أكثر من مدرسه .. آنا صوت حق أربع


الله يخليكم اللي عيالها بمدرسه موعاجبتها وفيها مشاكل لإ تصوت .. نبي نفيد الخوات ..
وانشوف المدارس الخمس الأوائل بالتصويت... ماشي حبايب ؟؟ ..يالله التصويت .. فووووووق .. شفتوووووه ؟

والي عندها أي تعليق أو مشاركه بعد اتسجلها . حق يستفيدون منها الخوات.. وشكرا .

 

[ريماا]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

مااقصرتى حلم الطفوولة بس وين اسماء المدااارس؟؟؟

 

[أم أسيل]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

يعطيج العافية حبيبتي حلم الطفولة انا كان ودي اصوت بس ما اقدر لاني ماجربت المدرسه اللي مسجله فيها بنتي وما ابي اقول شي مو عن تجربه مدرسة بنتي اسرار القبندي وانا ناطرة نتايج التصويت ان شاءالله الامهات اللي عندهم خبره يفيدونه باذن الله

 

[حلم الطفولة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

يعطيج العافية حبيبتي حلم الطفولة انا كان ودي اصوت بس ما اقدر لاني ماجربت المدرسه اللي مسجله فيها بنتي وما ابي اقول شي مو عن تجربه مدرسة بنتي اسرار القبندي وانا ناطرة نتايج التصويت ان شاءالله الامهات اللي عندهم خبره يفيدونه باذن الله

ماقصرتي أم أسيل ... مشكوره عالمشاركه ., ان شاله تجربينها وتعودين للموضوع وتصوتين

......................

 

[اي اسم]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

حلم الطفولة
مو حاطة البيان بالتصويت؟

 

[اي اسم]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

انا تعبت من كثر ما كتبت عن البيان والابداع والرؤية
فراح ادور بمواضيعي القديمةواسوي كت و بيست واضيف عليهم شوي

 

[حلم الطفولة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

حلم الطفولة
مو حاطة البيان بالتصويت؟

ههه :eh_s(6): اي اسم هلا فيج .. البيان ماحاجه استفتاء معروفه حيل وقديمه ..
ومممتازه و.... غااااليه !!.... قلت أحط اللي متداولين بالمنتدى أكثر من غيرهم بالأسئله ..
لأن ماصير أحط أكثر من عشر خيارات << زين سوو جان الحين راصه كل المدارس !! >>

مشكوره عالمشاركه :q8: :q8: :q8:

 

[حلم الطفولة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

انا تعبت من كثر ما كتبت عن البيان والابداع والرؤية
فراح ادور بمواضيعي القديمةواسوي كت و بيست واضيف عليهم شوي

حبيبتي آنا حاسه فيج .. أحسج مثلي ليه كتبنا نكتب من قلب ..
يا جماعه اللي تحب تمدح مدرسه مو موجوده بالاستفتاء تقدر تضيف مشاركه بالموضوع .. حياكم الله .
وحرصو مانبي وايد أسئله عن المدارس .. بسمعلومات وتصويت .. وتقدرون تصوتون حق اكثر من مدرسه ..
واللي تبي تسأل وحده تدز لها عالخاص .. أو تسأل بموضوع المدارس الخاصه المثبت .. أحسن .

وعموما اخذو راحتكم .. و ... و .. وعاد يالله صوتوا !!

 

[اي اسم]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

اولا مدرسة الحياة

الجزء الاول

المنهج
منهجهم تبع scott foresman هذا اللي مكتوب على كتبهم , طبعا بالنسبة للانجليزي والعلوم والرياضيات ويقول الخليفي ان هذا منهج كندي
اما العربي والدين وااتربية الوطنية ومهارات الحياة فيدرسون منهج وزارة التربية

مبنى المدرسة
المبنى الحالي زين وجديد ونظيف وحلو ومرتب بس في نواقص واهم اكيد راح يحتاجون يتوسعون اذا زاد عدد الطلبة وان شا الله اذا بيغيرونه يغيرونه لمكان ومبنى احسن
النواقص مثلا ما في صالة العاب وما في مسرح والمكتبة صغيرة
واول السنة سووا اللقاء التنويري لاولياء الامور اوال open house بالساحة وكان الجو حار ..يعني المفروض اذا ما عندهم قاعة تناسب اللقاء ياجرون قاعة بفندق - والله فشله
وكان اللقاء صراحة فوضى الميكروفون مو مضبطينه واخر الشي من كثر ازعاج المكروفون هد الخليفي المكرفون وقام يصارخ وما فهمنا نص كلامه وبعدين قالوا لنا اتفضلوا على الصفوف طبعا انا متعودة بهالحالة ان المدرسة تنطر عدد من اولياء الامور يتجمعون بعدين تتكلم عن الخطة الدراسية والمنهج والكتب والوسائل التعليمية مو عن مستوى كل طالب ...للاسف كان اللقاء كل ام تسال عن ولدها واللي استفدت منه ان المدرسة يحليلها مانت طابعة ورقة عن الخطة الدراسية وعن نفسها وكانت مرتبة الصف عشان تشرح عن المنهج وعارضة الكتب والوسائل التعليمية بس الامهات الله يهداهم ما عطوها فرصة تتكلم كل وحدة بس تبي تتكلم عن ولدها

الموقع
بنظري ممتاز وغير مزدحم وهي في السالمية بين مستشفى المواساة والجامعة الامريكية واللي يستخدم طريق الخليج صباحا فهو غير مزدحم يعني انا ادخل خط الخليج من الدائري السادس قبل الساعة السابعة صباحا واوصل المدرسة والطريج سالك ومافي ازدحام ولكن فيه عدة اشارات وبس اوصل عند مدخل المدرسة الحارس يتقدم للسيارة ويفتح الباب للطفل وكثير من المرات تكون بالاضافة الى الحارس متواجدة رئيسة الفراشات والناظرة خيرية واحيانا رجاء الصالح في استقبال الطلبة
مواقف السيارات المخصصة حاليا للمدرسة كافية والحارس بعد الساعة 8 صباحا تقريبا يسكرها بسلسلة عشان ما يستخدمونها طلبة الجامعة الامريكية ويفتحها فقط لاولياء امور طلبة الحياة
للاسف موقع المدرسة يخلو من المسطحات الخضراء اللي ممكن ان الطلبة يلعبون فيها عندهم بس الساحة اللي بنص المدرسة واهي للطابور واللعب بالفرصة وولدي يقول لمادة الرياضة بعد وحاطين فيها ستاند وشبكة لكرة السلة وايضا مرميين لكرة القدم

التدريس
في الحياة مدرستين للانجليزي (اساسية ومساعدتها- الاساسية لغتها الام انجليزية ) ومدرسة واحدة للعربي
الدين له مدرس , في مدرسة لمادة التربية الوطنية ومهارات الحياة والمكتبة
ومدرس للتربية البدنية ومدرسة للكمبيوتر
الhome room teacher تدرس انجليزي ورياضيات وعلوم ورسم و English social studies
منهج الانجليزي مال الحياة قوي
بس انا اعتبر العربي ضعيف مقارنة بالبيان لان في مدرسة واحدة بالصف وتركض في المنهج مادري ليش طايرة وما احس انها تقعد مع كل طالب وتحاول تقوي نقاط ضعفه او تعدل طريقة رسمته للحرف مثل ما كانت تسوي المدرسة المساعدة في البيان
في البيان كانو اول اسابيع بالعربي بس يراجعون الاحرف وياخذون العاب لغوية وتمارين اضافية على مسكة القلم وما يبدون باول درس الاباخر الشهر الاول من الدراسة

مادة الانجليزي كمنهج ممتاز ة جدا وواجباتها معقولة يعني الطفل يحلها بسهولة مع اشراف الام طبعا
وانا صراحة ولدي صار يحب الانجليزي اكثر من العربي وحتى يعتبر الكتابة بالانجليزي اسهل من العربي
مدرسة العربي فلسطينية وتدرس كل جريد 1 اللي هو 3 فصول بس وكل صف من 19 الى 20 طالب واهي تذكرني بمدرساتنا واحنا صغار بالحكومة بس لو يحطون معاها مساعدة وخاصة لاولى ابتدائي يكون وايد احسن

كروت التهنئة والوسائل التعليمية
مس الانجليزي بعيد ميلادها وبمناسبة زواجها طلبت من الطلبة يسوون لها كرت تهنئة وولدي يحليله سووالها ...اساله بعدين شقالت لك يقول ولا شي
يحليلهم في البيان كانوا يطلبون من الطلبة كروت مرات بس لما الطالب يسوي المس تحضنه وتبوسه وتشكره وتبتسم له ...اهني احسهم جامدين شوي ما دري يبون شي ثاني غير الكرت ...الله اعلم
الوسائل التعليمية: مدرسة العربي تطلب من الطلبة يسوون الدرس على لوحة اللي يقدر وانا سويت مرة لولدي عشان يستانس بس شجعته وخلت الصف يصفقون له وشكرته



الزي
البلوزة خضرة والبنطلون بيج وملابس الرياضة سماوية
وجاكيت المدرسة اللي ينباع بمحلهم مفروض انهم حاطين له كبوس للبرد
الجواتي (تكرمون) اي لون ما يشددون
مشكلة اللبس مال الرياضة بعد ان البلوزة والبنطلو ن نفس اللون وهذا اللي مخلي شكلهم بايخ وجنة بجامة

الاجازات والعطل
يقولون انهم مع اجازات الحكومة

الترفيه
ودو ا الروضة الاكواريوم وطفل المستقبل والابتدائي اي ماكس وحديقة الشعب مع ماكدونالدز)اللي داخل حديقة الشعب)
قبل اجازة عيد الاضحلى سووا بيتزا بارتي مع مسابقات قدمها فريق ليتل سيزرس بالمدرسة للطلبة وقسم الدين قدم عرض لمناسك الحج وايضا بنفس اليوم كان في فري درس وخلص اليوم الدراسي مبجر على الساعة 12 الظهر
وسوو حفلة القرقيعان في رمضان
وسووا دوري كرة قدم للابتدائي حق الصبيان
وراح يسوون نهاية الاسبوع حفلة العيد الوطني واهما متفقين مع شركة تنظم الحفلة وتسوي مسابقات للطلبة وراح يكون في نفيش وشعر بنات ورسم على الوجوه و...الخ بالاضافة الا ان كل صف يقدم فقرة مع لبس الزي الوطني
المفروض يسوون فري درس للطلبة و اسبوع القراءة عشان يلبسون ملابس لشخصيات احبوها في قصة قروها من قبل وcrazy hair day ويكثرون من هالاشياء اللي تفرح الطلبة ...يمكن راح يسوونها بعدين ننطر ونشوف


المدرسات
يمكن ما يعرفون يختارون المدرسين عدل نظرا لمشكلتنا السابقة مع مدرس الدين ومدرسة الانجليزي اللي كانت في 1B واللي سمعت انها ما كانت تقدر تشرح للصف لانها مو قادرة تحفظ النظام بالفصل وتسيطر على شغب الطلبة
بس المدرسيين اللي يدرسون صف ولدي الحمدلله زينيين
والخليفي كان يشتكي من صعوبة ايجاد المدرسين بسبب عدم استقرار الشرق الاوسط ومشاكل الارهاب
بس اهما للامانه اي مدرس موزين وعليه شكاوي يشيلونه ويحطون غيره

العيوب
جديدة ومالها تاريخ والاستمرار فيها في نوع من المغامرة مع انها لحد الحين جيدة وتبشر بالخير قلة الخبرة
المستقبل غامض من حيث موقع المدرسة او الخطة المستقبلية التعليمية
عدم وجود مسطحات خضراء اطلاقا
عدم وجود مسرح او ساحة العاب
ما في رئيسة قسم لكل مادة لتنظيم المنهج – شلون التنظيم الاداري ومنو يحط الخطة الدراسية

ابراهيم الخليفي
احد مؤسسين مدرسة التكامل وحاليا مؤسس مدرسة الحياة بفرعيها في الكويت وقطر
ومؤلف كتاب في بيتنا مكار
وهذا الكتاب الكثير من الناس مدحوه لي
وهو عن التعامل مع الطفل من الولادة وحتى المراهقة
شخص تربوي وله خبرته

الاسم
انا ما ادري ليش الحياة ما خلت اسم ما حطته باسم المدرسة جنهم خايفين يطوفهم شي
مدرسة الحياة العالمية ثنائية اللغة ... ليش
انا اعتقد ان اسم مدرسة الحياة الامريكية انسب لها لانها ما تستحق تكون ثنائية لان العربي والانجليزي مو قاعدين يدرسون بنفس القوة وهذا رايي لحد الحين ويمكن اغيره بعدين والله اعلم

موقعهم الالكتروني
http://hayatschool.com

• الواجبات
الحياة يدزون الرسالة الاسبوعية مع الطالب كل خميس وفيها يكتبون شراح يدرسون واذا في اي نشاط او رحلة او اذا يبون صور ...الخ بس ما يذكرون فيها اي شي عن الواجبات
في دفتر خاص اسمة homework and communication diary وبهالدفتر تكتب الهوم روم تيشر اذا في اي واجب للانجليزي او الماث او العلوم وبعد يكتبون فيه واجب العربي بس غالبا ما يكون كتابه يدوية ولكن ورقة مطبوعة تلصق في الدفتر وتقريبا في يوميا واجب عربي مع واجب انجليزي او ماث
وفي واجب واحد بالاسبوع دين ويكون بسيط جدا ويخلصه الطالب بدقيقة وحدة لانه اختار الاجابة لسوال واحد فقط او تلوين والاستاذ مال الدين يكتب او يلصق ورقة الواجب بنفسه في دفتر الدين

• التكريم
يكون في توزيع شهادات للطلبة في الطابور بعد كل quarter وبعد تسليم التقارير الدراسية وبس هذا اللي عندهم بالنسبة للتكريم

دكتورة المدرسة
الموقف الاول
من مذكراتي هذا المقطع ولكم الحكم
"اليوم ولدي الله يهداه ما دري شفيه يوم وصلنا المدرسة ووديته صفه وحط جنطته والا يقعد يبجي ويقول ابي اروح معاج البيت ولامني حيل
شفيك ليش
يقول بطني تعورني قلت له خلاص اوديك لل nurse تشربك دوا فرحت للاستقبال وسالتها عن الممرضة فقالت احنا عندنا دكتورة مو ممرضة واهي بالسرداب فرحت لها تحت
عيادتهم حلوة ومرتبة وعندهم كبت ادوية ورحبت بولدي وقاست حرارته وفحصت بطنه وقالت يمكن عنده غازات وعطته حبة disflatyl وقالت خلاص وديه صفه وانا بعد ساعة امره الصف واتطمن عليه - اسمها دكتورة غادة وكانت حيل حبوبة
طبعا ولدي استمر بالبجي واصر انه يرجع البيت - انا احترت شسوي ما ادري اهو صج بطنه تعوره والا دلع
اخر شي خذيته البيت وانا معصبه وبالسيارة قالي ان اهو نعسان ويبي ينام يعني لا بطنه تعوره ولا شي ورديته البيت ونام
انا صراحة خفت انه يكون احد مضايقة بالمدرسة ومو راضي يقول
المهم على الساعة 10 والا تدق علي دكتورة غادة وتسالني عن ولدي وتقول انها راحت الصف وما لقته
فقلت لها اني اخذته واعتذرت منها لاني ما بلغتها بس صراحة عجبني اهتمامها
انا اليوم كنت ميته بشوف شهادة ولدي واعرف مستواه بس للاسف غاب وما استلمها
دوختكم بس حبيت اذكر لكم موقف الدكتورة الحليوة
"

TO BE CONTINUED ​

 

[أم أسيل]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

انشالله ياعمري اجربها اعطيكم خبر

 

[ريماا]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

شكرا مرة ثانية حلم الطفولة ع الموضوع وانا ماعندى خبرة حيييل
انا عيالى باجيال ثنائية اللغة مكانها بالرقعى
ونفس نظام اغلب المدارس الخاصة بالكلاس فى مدرستين الاساسية والمساعدة وفى مدرسة دين ومدرسة عربى
فى رسالة اسبوعية تتوزع على الطالب تعرفين شنو بياخذ الاسبوع الجاى وشنو خذة عشان تكونين بالصورة
المبنى جدا رااااااقى والصفوف تشوق لوحات والوان وصور شى مرتب
المعلمات اللى صادفتهم تعاملهم ممتاز وراقى وعيالى مستفدين بس انا ماعندى خبرة بالمدارس الخاصة فماادرى اذا فى مدارس عندها افضل من هالمميزات
عندهم بعد يوم سباحة ويوم رياضة
وعندهم دكتورة مرة كان ولدى تعبان وودوة للدكتورة واتصلو على بلغونى وقالولى عنة وهم قالولى لاتحاتين اهو الحين بخير
فى تواااصل واضح بين الام والمدرسة
الهوم ورك اسبوعى ينعطى من اول يوم للاسبوع ويتسلم اخر يوم من الاسبوع الواجبات مووايد بس جم صفحة انجليزى وجم صفحة عربى
عندهم فعاليات حييل حلوة وممتعة ورحلات
اسعار المدرسة زينة
وعندهم من الحضانة الى الابتدائى

 

[HoOoriah]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

الله يعطيكم العافيـــــــــــــه انا لي الحين ماعندي خبره بالمدارس الخاصه مقدمه اوراق ولدي بال ais & bsk
وانشالله الاسبوع الياي المقابله

 

[Q8NV]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

نصيحه بنات مدرسه دسمان فاشله انا كنت اشتغل فيها مساعده مدرسه وطلعت قلت ادب البنات والخلط وحركات حسبالهم بامريكا وابشركم نص المدرسين ما عندهم شهادات تدريس يعني مو مدرسين الاجانب الي كان مهندس وطبيب ويمشونهم بالوزاره على كل مدرس يدفعون 200 دينار ويمشونهم ماكو اهتمام باليهال كلش اصرخون ويزفون اليهال لصفوف لوعه الوحده تخر والطوفه امشلعه وحشرات داخل الصف ووين ووين ينظفون الصف لغبار بكل مكان والاداره يضحكون بويهج ولما تدفعين تشوفين الويه الثاني انا اشوفهم وتهاوشت معاهم كذا مره ووانصدمت من السوالف الي اهناك امبييييييه واستقلت مديرهم مصري ما يحب لكويتيات عطونا خصم علشان اندخل اعيالنا ولما اهو مسك شال الخصم وخلالالالالاه ابلاش الاجانب يدخلون اعيالهم والله يعني مدرسه فاشله صراحه ورسومها وايد عليها

ومدرسه اسرار القبندي دخلت بنتي وعقدوها دروس امتحانات وكانت اواى روضه وكانت اول ايام تبجي تاخذها الاخصائيه وتمصعها من ايدها وتسحبها وتقولي خليها تبجي وخليها تعور روحها مره مرتين وراح تتعود والله تحسفت اني دخلتها وما قامت اداوم وعطوني شهادتها ساقطه وعلى الفكره اصبيان لبتدائي يدشون على اليهال بالروضه يطقونهم ومدرسه قاعده جنه ماكو احد هالهنود الي اهناك بس يعرفون يصارخون سويت حفله حق بنتي اهناك عيد ميلادها نزلو المدرسه كلها جان يقولون اليوم المفتوح مال المدرسه اليوم و على احسابي صج والله مصخره

 

[حلم الطفولة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

مشكورين عالمشاركات حبايبنا .........
...وانتبهو عالسؤال : أي مدرسة جربتيها وتحسينها ممتازه وارتحتي فيها ؟ أو تسمعين وايد يمدحونها ؟؟
هذا هو سؤال الاستفتاء....

 

[حلم الطفولة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

شكرا مرة ثانية حلم الطفولة ع الموضوع وانا ماعندى خبرة حيييل
انا عيالى باجيال ثنائية اللغة مكانها بالرقعى .....
:
:

العفو حبوبه ... ومشكوره على مشاركتج عن مدرسة أجيال .

الله يعطيكم العافيـــــــــــــه انا لي الحين ماعندي خبره بالمدارس الخاصه مقدمه اوراق ولدي بال ais & bsk
وانشالله الاسبوع الياي المقابله

بالتوفيق ... يارب.

 

[الصابرة المحتسبة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

اولا مدرسة الحياة

الجزء الاول

المنهج
منهجهم تبع scott foresman هذا اللي مكتوب على كتبهم , طبعا بالنسبة للانجليزي والعلوم والرياضيات ويقول الخليفي ان هذا منهج كندي
اما العربي والدين وااتربية الوطنية ومهارات الحياة فيدرسون منهج وزارة التربية

مبنى المدرسة
المبنى الحالي زين وجديد ونظيف وحلو ومرتب بس في نواقص واهم اكيد راح يحتاجون يتوسعون اذا زاد عدد الطلبة وان شا الله اذا بيغيرونه يغيرونه لمكان ومبنى احسن
النواقص مثلا ما في صالة العاب وما في مسرح والمكتبة صغيرة
واول السنة سووا اللقاء التنويري لاولياء الامور اوال open house بالساحة وكان الجو حار ..يعني المفروض اذا ما عندهم قاعة تناسب اللقاء ياجرون قاعة بفندق - والله فشله
وكان اللقاء صراحة فوضى الميكروفون مو مضبطينه واخر الشي من كثر ازعاج المكروفون هد الخليفي المكرفون وقام يصارخ وما فهمنا نص كلامه وبعدين قالوا لنا اتفضلوا على الصفوف طبعا انا متعودة بهالحالة ان المدرسة تنطر عدد من اولياء الامور يتجمعون بعدين تتكلم عن الخطة الدراسية والمنهج والكتب والوسائل التعليمية مو عن مستوى كل طالب ...للاسف كان اللقاء كل ام تسال عن ولدها واللي استفدت منه ان المدرسة يحليلها مانت طابعة ورقة عن الخطة الدراسية وعن نفسها وكانت مرتبة الصف عشان تشرح عن المنهج وعارضة الكتب والوسائل التعليمية بس الامهات الله يهداهم ما عطوها فرصة تتكلم كل وحدة بس تبي تتكلم عن ولدها

الموقع
بنظري ممتاز وغير مزدحم وهي في السالمية بين مستشفى المواساة والجامعة الامريكية واللي يستخدم طريق الخليج صباحا فهو غير مزدحم يعني انا ادخل خط الخليج من الدائري السادس قبل الساعة السابعة صباحا واوصل المدرسة والطريج سالك ومافي ازدحام ولكن فيه عدة اشارات وبس اوصل عند مدخل المدرسة الحارس يتقدم للسيارة ويفتح الباب للطفل وكثير من المرات تكون بالاضافة الى الحارس متواجدة رئيسة الفراشات والناظرة خيرية واحيانا رجاء الصالح في استقبال الطلبة
مواقف السيارات المخصصة حاليا للمدرسة كافية والحارس بعد الساعة 8 صباحا تقريبا يسكرها بسلسلة عشان ما يستخدمونها طلبة الجامعة الامريكية ويفتحها فقط لاولياء امور طلبة الحياة
للاسف موقع المدرسة يخلو من المسطحات الخضراء اللي ممكن ان الطلبة يلعبون فيها عندهم بس الساحة اللي بنص المدرسة واهي للطابور واللعب بالفرصة وولدي يقول لمادة الرياضة بعد وحاطين فيها ستاند وشبكة لكرة السلة وايضا مرميين لكرة القدم

التدريس
في الحياة مدرستين للانجليزي (اساسية ومساعدتها- الاساسية لغتها الام انجليزية ) ومدرسة واحدة للعربي
الدين له مدرس , في مدرسة لمادة التربية الوطنية ومهارات الحياة والمكتبة
ومدرس للتربية البدنية ومدرسة للكمبيوتر
الhome room teacher تدرس انجليزي ورياضيات وعلوم ورسم و english social studies
منهج الانجليزي مال الحياة قوي
بس انا اعتبر العربي ضعيف مقارنة بالبيان لان في مدرسة واحدة بالصف وتركض في المنهج مادري ليش طايرة وما احس انها تقعد مع كل طالب وتحاول تقوي نقاط ضعفه او تعدل طريقة رسمته للحرف مثل ما كانت تسوي المدرسة المساعدة في البيان
في البيان كانو اول اسابيع بالعربي بس يراجعون الاحرف وياخذون العاب لغوية وتمارين اضافية على مسكة القلم وما يبدون باول درس الاباخر الشهر الاول من الدراسة

مادة الانجليزي كمنهج ممتاز ة جدا وواجباتها معقولة يعني الطفل يحلها بسهولة مع اشراف الام طبعا
وانا صراحة ولدي صار يحب الانجليزي اكثر من العربي وحتى يعتبر الكتابة بالانجليزي اسهل من العربي
مدرسة العربي فلسطينية وتدرس كل جريد 1 اللي هو 3 فصول بس وكل صف من 19 الى 20 طالب واهي تذكرني بمدرساتنا واحنا صغار بالحكومة بس لو يحطون معاها مساعدة وخاصة لاولى ابتدائي يكون وايد احسن

كروت التهنئة والوسائل التعليمية
مس الانجليزي بعيد ميلادها وبمناسبة زواجها طلبت من الطلبة يسوون لها كرت تهنئة وولدي يحليله سووالها ...اساله بعدين شقالت لك يقول ولا شي
يحليلهم في البيان كانوا يطلبون من الطلبة كروت مرات بس لما الطالب يسوي المس تحضنه وتبوسه وتشكره وتبتسم له ...اهني احسهم جامدين شوي ما دري يبون شي ثاني غير الكرت ...الله اعلم
الوسائل التعليمية: مدرسة العربي تطلب من الطلبة يسوون الدرس على لوحة اللي يقدر وانا سويت مرة لولدي عشان يستانس بس شجعته وخلت الصف يصفقون له وشكرته



الزي
البلوزة خضرة والبنطلون بيج وملابس الرياضة سماوية
وجاكيت المدرسة اللي ينباع بمحلهم مفروض انهم حاطين له كبوس للبرد
الجواتي (تكرمون) اي لون ما يشددون
مشكلة اللبس مال الرياضة بعد ان البلوزة والبنطلو ن نفس اللون وهذا اللي مخلي شكلهم بايخ وجنة بجامة

الاجازات والعطل
يقولون انهم مع اجازات الحكومة

الترفيه
ودو ا الروضة الاكواريوم وطفل المستقبل والابتدائي اي ماكس وحديقة الشعب مع ماكدونالدز)اللي داخل حديقة الشعب)
قبل اجازة عيد الاضحلى سووا بيتزا بارتي مع مسابقات قدمها فريق ليتل سيزرس بالمدرسة للطلبة وقسم الدين قدم عرض لمناسك الحج وايضا بنفس اليوم كان في فري درس وخلص اليوم الدراسي مبجر على الساعة 12 الظهر
وسوو حفلة القرقيعان في رمضان
وسووا دوري كرة قدم للابتدائي حق الصبيان
وراح يسوون نهاية الاسبوع حفلة العيد الوطني واهما متفقين مع شركة تنظم الحفلة وتسوي مسابقات للطلبة وراح يكون في نفيش وشعر بنات ورسم على الوجوه و...الخ بالاضافة الا ان كل صف يقدم فقرة مع لبس الزي الوطني
المفروض يسوون فري درس للطلبة و اسبوع القراءة عشان يلبسون ملابس لشخصيات احبوها في قصة قروها من قبل وcrazy hair day ويكثرون من هالاشياء اللي تفرح الطلبة ...يمكن راح يسوونها بعدين ننطر ونشوف


المدرسات
يمكن ما يعرفون يختارون المدرسين عدل نظرا لمشكلتنا السابقة مع مدرس الدين ومدرسة الانجليزي اللي كانت في 1b واللي سمعت انها ما كانت تقدر تشرح للصف لانها مو قادرة تحفظ النظام بالفصل وتسيطر على شغب الطلبة
بس المدرسيين اللي يدرسون صف ولدي الحمدلله زينيين
والخليفي كان يشتكي من صعوبة ايجاد المدرسين بسبب عدم استقرار الشرق الاوسط ومشاكل الارهاب
بس اهما للامانه اي مدرس موزين وعليه شكاوي يشيلونه ويحطون غيره

العيوب
جديدة ومالها تاريخ والاستمرار فيها في نوع من المغامرة مع انها لحد الحين جيدة وتبشر بالخير قلة الخبرة
المستقبل غامض من حيث موقع المدرسة او الخطة المستقبلية التعليمية
عدم وجود مسطحات خضراء اطلاقا
عدم وجود مسرح او ساحة العاب
ما في رئيسة قسم لكل مادة لتنظيم المنهج – شلون التنظيم الاداري ومنو يحط الخطة الدراسية

ابراهيم الخليفي
احد مؤسسين مدرسة التكامل وحاليا مؤسس مدرسة الحياة بفرعيها في الكويت وقطر
ومؤلف كتاب في بيتنا مكار
وهذا الكتاب الكثير من الناس مدحوه لي
وهو عن التعامل مع الطفل من الولادة وحتى المراهقة
شخص تربوي وله خبرته

الاسم
انا ما ادري ليش الحياة ما خلت اسم ما حطته باسم المدرسة جنهم خايفين يطوفهم شي
مدرسة الحياة العالمية ثنائية اللغة ... ليش
انا اعتقد ان اسم مدرسة الحياة الامريكية انسب لها لانها ما تستحق تكون ثنائية لان العربي والانجليزي مو قاعدين يدرسون بنفس القوة وهذا رايي لحد الحين ويمكن اغيره بعدين والله اعلم

موقعهم الالكتروني
http://hayatschool.com

• الواجبات
الحياة يدزون الرسالة الاسبوعية مع الطالب كل خميس وفيها يكتبون شراح يدرسون واذا في اي نشاط او رحلة او اذا يبون صور ...الخ بس ما يذكرون فيها اي شي عن الواجبات
في دفتر خاص اسمة homework and communication diary وبهالدفتر تكتب الهوم روم تيشر اذا في اي واجب للانجليزي او الماث او العلوم وبعد يكتبون فيه واجب العربي بس غالبا ما يكون كتابه يدوية ولكن ورقة مطبوعة تلصق في الدفتر وتقريبا في يوميا واجب عربي مع واجب انجليزي او ماث
وفي واجب واحد بالاسبوع دين ويكون بسيط جدا ويخلصه الطالب بدقيقة وحدة لانه اختار الاجابة لسوال واحد فقط او تلوين والاستاذ مال الدين يكتب او يلصق ورقة الواجب بنفسه في دفتر الدين

• التكريم
يكون في توزيع شهادات للطلبة في الطابور بعد كل quarter وبعد تسليم التقارير الدراسية وبس هذا اللي عندهم بالنسبة للتكريم

دكتورة المدرسة
الموقف الاول
من مذكراتي هذا المقطع ولكم الحكم
"اليوم ولدي الله يهداه ما دري شفيه يوم وصلنا المدرسة ووديته صفه وحط جنطته والا يقعد يبجي ويقول ابي اروح معاج البيت ولامني حيل
شفيك ليش
يقول بطني تعورني قلت له خلاص اوديك لل nurse تشربك دوا فرحت للاستقبال وسالتها عن الممرضة فقالت احنا عندنا دكتورة مو ممرضة واهي بالسرداب فرحت لها تحت
عيادتهم حلوة ومرتبة وعندهم كبت ادوية ورحبت بولدي وقاست حرارته وفحصت بطنه وقالت يمكن عنده غازات وعطته حبة disflatyl وقالت خلاص وديه صفه وانا بعد ساعة امره الصف واتطمن عليه - اسمها دكتورة غادة وكانت حيل حبوبة
طبعا ولدي استمر بالبجي واصر انه يرجع البيت - انا احترت شسوي ما ادري اهو صج بطنه تعوره والا دلع
اخر شي خذيته البيت وانا معصبه وبالسيارة قالي ان اهو نعسان ويبي ينام يعني لا بطنه تعوره ولا شي ورديته البيت ونام
انا صراحة خفت انه يكون احد مضايقة بالمدرسة ومو راضي يقول
المهم على الساعة 10 والا تدق علي دكتورة غادة وتسالني عن ولدي وتقول انها راحت الصف وما لقته
فقلت لها اني اخذته واعتذرت منها لاني ما بلغتها بس صراحة عجبني اهتمامها
انا اليوم كنت ميته بشوف شهادة ولدي واعرف مستواه بس للاسف غاب وما استلمها
دوختكم بس حبيت اذكر لكم موقف الدكتورة الحليوة
"

to be continued ​

تسلمين على المعلومات وجزاج الله خير

 

[ReeMaN]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

يعطيج الف عافيه اي اسم على الشرح الوافي صج كفيتى ووفيتى

 

[Queen-q8]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

هلا والله حلم

موضوعج وايد حلو

بس ما كتبتي الانجليزية للبنات

بصراحة المنتدى وايد ما يتكلم عن المدارس الخاصة للبنات يعني الامريكية والانجليزية للبنات

انا ابي اعرف عن التكامل والانجليزية للبنات

 

[حلم الطفولة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

هلا والله حلم

موضوعج وايد حلو

بس ما كتبتي الانجليزية للبنات

بصراحة المنتدى وايد ما يتكلم عن المدارس الخاصة للبنات يعني الامريكية والانجليزية للبنات

انا ابي اعرف عن التكامل والانجليزية للبنات

هلا كوين q8 .. المشكلة ماقدر أحط أكثر من عشر خيارات
يالله اللي تعرف عن الإنجليزيه للبنات تكتب لنا ..

 

[حلم الطفولة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

ماقصرت اي اسم .. شرح وافي ورائع .. جزاج الله خير ..
نبي تفاعل يالله خواتي ,, الحين وقته .. التسجيل عالأبواب , والناس بحيره .
حتى اذا المدرسه مو موجوده بالاستفتاء كتبو عنها مو مشكله .. وحياكم .. ومشكورين يالغوالي .