المـادة: مدخل اعلام التاريخ: 2008-09-06
الطالب: FARFOURA رقم التقييم: 15240
دمه ثقيييييييييييل
وعلى ناس وناس
حتى دكاترة الاعلام يذمون فيه
يبا اللي يدش مزاجه
نفييييييسه انا عن نفسي اقولكم شغله اهو ممكن في ناس تحبه وتحترمه بس الاغلبيه يقولون انه شايف نفسه ويعامل الطلبه جنهم خدام عنده مومستوى طالب جامعي
بالنسبه لمحاضراته بالعكس الوقت يمر بسرعه ويسولف ويحب القرقه والمثقفات
اما امتحاناته فأنا ماجربتها لاني ماحضرت الفاينل وخذيت FAاحسنلي من Cوعدت الماده عن شنوفي وضمنت ال A
- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: مدخل اعلام التاريخ: 2008-09-01
الطالب: love4eng رقم التقييم: 15146
دكتور جدا راقي بالتعامل ومحترم جداا شرحه مبس\ وسهل لانه المادة جدااااا جدااا سهله انا هندسة وخذيتها وااايد وااايد سهلة وتافه فماتحتااج شرج ماادري الكتاب اللي يوزعونة صعب ولويه اما من البور بونت وايد سهله وتضمن الاي فيهاا واهو يعطي هوموركاات بس اهم شي تقعدوون جداام وتشاركون لانه كلشي يقوله عن الحياة العامة وحوالينكم حتى هوموركاتكم من الحياة العامة والاعلام والتلفزيون مادة حلوة وحيوية
المـادة: مدخل إعلام التاريخ: 2008-06-21
الطالب: TAZ رقم التقييم: 14359
دكتور أحمد شوي شرحه جامد ..
من الـ power point ..
ولكن وزع علينا هالـ power point و كل الإمتحان منه
و كان إمتحانه الميدتيرم مقالي..
و كلنا أقل درجة كانت 23/30!
و الفاينل كان اختياري و سؤال في الأخير بونص!
" كان عن استقاله الوزيرة نورية الصبيح" و رأيك بهالموضوع! يعني تضمن الدرجة و انته مغمض!
و الدكتور صراحة محترم جداً و شخصيا ساعدني كثيراً..
ما يحب الغياب.. و يحب تناقشه و تحاوره و تبين إنك مهتم و فاهم..
يعطي واجبات سهله وااااايد "اكتب تقرير عن برنامج تلفزيوني".. "اكتب رأيك بدعاية و شنو السلبيات و الايجابيات فيها".. يعني كلها أشياء عامة تكتبها من بالك ما تحتاج شيء محدد.. كل واحد و رأيه!
كان يعطينا واااايد امتحانات قصيرة .. بس كلها Open book و يقولنا من قبل.. بس لأنه يبينا نقرأ الكتاب.. و صريح جداّ يقولك إنته مقصر بهالنقطة.. إنته مجتهد.. إنته ما تصلح تتخصص إعلام! يقطها بويهك مهما كانت! كلش مو منافق..
الصراحة كلنا طلعنا منها A و أقل درجة كانت D لوحدة الله يهداها ما كانت تحضر و بالفاينل كانت يايه تقول أنا مو دارسة!!!!!!
و بالنهاية يمشي على مبدأ: فاز باللذات من كان جسوراً
المـادة: مدخل إعلام التاريخ: 2008-02-18
الطالب: النجاح رقم التقييم: 13391
كلش ما أنصح فيه وإلي بايع عمره ياخذ عنده وايد يظلم الطلبه مزاجي نفسيه خايسه وايد شايف نفسه وكل شوي يقولنا أن دارس بمريكا جن محد راح أمريكا غيره أنا خذيتها أول كورس دخلته الجامعه وندمت الصراحه وعلى فكره أنا من أوائل الطالبه المتفوقين وكنت ناويه أتخصص إعلام ودكتور أحمد كرهني بالجامعه وكرهني بالإعلام ؛ يحط الدرجات على كيفه نصيييييييييييييييييييييييييييييحه لاحد ياخذ عنده وحسبي اللله ونعم الوكيل
وبالنسبه للشرح أصلا ما يشرح يقري من البور بوينت
المـادة: مدخل إعلام التاريخ: 2008-01-09
الطالب: sara_sweety899 رقم التقييم: 12500
والله الدكتور حده عجيييب..
والله انا طبعي غبيه ما افهم كلــــش لكن معاه قدرت أفهم.. والله شلوووون ؟؟
لأن اهوا واايد حبوب يحييكك بالماده والهوم ورك ماله حده اشوووق
ويطووف واايد بالإمتحان..
صج مرات يكون امتحانه واايد لكن انا حلي داايم غلط يعني السؤاال شي وانا احل شي ثاني فـ ما ينقصني واايد بس يقدر تعبكك والله الدكتور عجيييب أنصحكم اخذو عنده..
صيروا زينين معاه وايصير زين وياااكم ,, وهذا أول بي خذيته بالجامعه حده واااو
- النجوم: لا يستحق نجوم
- المستوى: صعب جدا
- الشرح: شرح ضعيف
- حصلت على: D
لا ننصح به
المـادة: علاقات عامة التاريخ: 2007-09-20
الطالب: bufatoma رقم التقييم: 11805
الدكتور أحمد الشريف بإختصار شديد, لا يستحق بأن يكون مربي أجيال.
- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: مدخل الى علم الاعلام التاريخ: 2007-07-12
الطالب: fa60om رقم التقييم: 10848
حبووووووب و طيب ,, مثل ما قلتوا تمشون معاه سيده يمشي سيده !
نوووعا ما يكدش P; يعني كله بونس و ووايد يعطي OFF
هممم .. امتحاناته سهله و من الPOWERPOINT
الصراحة من رايي انه خوش دكتور
