مدرسات الحاسوب فيدوني

[اسومة التونسية]

السلام كويتيات
انا ان شاء الله راح اصير مدرسة حاسوب :eh_s(15):
فياريت تقولولي شنو احسن مرحلة ؟
وانهي احسن مدرسة ؟؟ "ابي المبنى يكون جديد لول "
و كم نصاب حصص مدرسة الحاسوب ؟
و شنو يلزمني قرطاسية و اغراض ؟
و لازم نسوي اوراق عمل لكل درس و الا نكتفي باللي موجودين اخر الكتاب ؟
و صج انها متعبة لان شغل الادارة كله علينا ؟
و شنو يعني ميداني؟
الله يرزقها ما تتمنى اللي تجاوبني :eh_s(7):

 

[M!SS.LOBY]

ااب للافادة

 

[noran89]

أب للإفادة
و عندي سؤال إخواتي لو للحين ما أخذ الأي سي دي ال , ممكن يقبلوني و أخذها و أنا اشتغل ؟
و لا بيأخرون تعييني ؟

 

[Angel_store]

up up up

 

[Q8Buying]

- تقديم أوراقج للوزارة ..
- إذا ناقصهم ICDL .. يقولون لج اخذيها بعدين تعالي نكتب لج تقديم .. (يمديج أظن تاخذينها قبل لا يحسبون اسمج من التقديم..)
- شهادة الـ ICDL .. عباره عن 7 اختبارات .. بالنسبة لجمعية المعلمين، يسمحون لج تمتحنين 3 اختبارات بالأسبوع الواحد أظن .. أو اختبارين .. فقسميها: 7 على 2 ... يبيلج 4 أسابيع وإن شاء الله مخلصتها .. يطبعون لج شهادة مؤقته للتقديم..

عقب ما تقدمين طلب في الوزارة.. (كمعلمة..)..
راح يقدمون ملفج عشان تسوين مقابلة ...

وقت المقابلة ..
يقابلونج مجموعة من الموجهين .. ويسألون جم سؤال .. (موجودة أمثلة عن الأسئلة بالانترنت وبعض المنتديات .. باسم مقابلة الحاسوب.. شي جذيه .. بحثوا بقوقل لابد تلقون .. خاصة بموقع q8classroom.. موضوع متحدث)..

ومرّات بالمقابله يحددون انتي أي مرحلة بروحهم! حسب شهادتج أو حسب معرفتج بالبرامج .. وجذيه

المقابله يخلونج تطبقين جم سؤال على برامج تعرفينها وهكذا ..


بالنسبة لي .. أعتقد (الثانوية).. مرحلة زينه ..
لأن بس 3 مراحل .. 3 مناهج .. 3 تحاضير ..

أمّا الابتدائي ... 5 مراحل .. المتوسط 4 مراحل ..

وشوفي مستوى مناهجهم .. شنو يريحج بالتدريس .. وشنو الشريحة اللي تحبين تتعاملين معاها ..

كل مرحلة أظن فيها ايجابيات وسلبيات .. شوفي وين تجدين نفسج ..

الابتدائي أظن التركيز عالأنشطة والوسايل والالعاب .. اكثر من تعبج في المنهج وشرحه .. !

والمراحل الثانية مو مقصره! كله مطالبة بأنشطة ..

أقترح تشوفين شنو كل مرحلة فيها مناهج .. وتشوفين شنو يناسبج..

وتوجيه الحاسوب مدلعينا!.. حاطين لنا دليل المعلم .. فيه طريقة تفصيلية شلون تدرسين أو تتناولين المادة ..
وأوراق العمل وملفات أوراق العمل موجودة . والمناهج سهلة ... وأعدت بطريقة تفصيلية حلوة ..

 

[Q8Buying]

وطبعاً لابد من تكليف وضغوطات ادارية هيهيهي ! .. عرفي تخصصين وقت وحدود لها ..
و ... القرطاسية لاحقه عليهاااا