مدرسات اولى روضه ممكن تتفضلين

[كاشونه الاصليه]

السلام عليكم
حبيت أسأل عن الطلبات لاولى روضه شنو ابي اجهز من الحين هذي اول طفل لي يدش الروضه ممكن تعطوني الطلبات من الى ومشكورين

 

[saroon_143]

حبيبتي على حسب اي روضه فيها ولدج
لانه في روضات ياخذوون منج اول السنه 10 دنانير واهما يزهبووون كل شي من كراسه رسم- الوان - صدريه - ادوات نظافه ... وغيره
او انهم يعطونج ورقه الطلبات اول السنه

وانا تعجبني الطريقه الاولى لانه الاغراض تكون موحده وكل شغلهم نفس الشي وهم اولياء الامور يرتاحون

 

[مشغوله و محتاسه]

الله يخلي لج وليدج و يوفقه يارب


نصيحتي لا تشترين شي الحين .. الا اللبس لو حبيتي ..

لان كل روضه طلباتها غير عن الثانيه ... و يبون الوان معينه و شغلات مختلفه

 

[كاشونه الاصليه]

مشكورييين يا بعد عمري و على دعوتكم الحلوه والله يوفكم ان شاء الله

 

[زلابيا]

مثل ما قالت لج سارون ..

ونطري لما يبدي الدوام وان شاءالله يوزعون عليكم ورقة الطلبات

والله يخليلج وليدج وتبلغين فيه يارب

 

[ArEEj]

أهم شي تجهزينه هو

نفسيته وتقبله للروضه

وكل شي مقدور عليه

 

[ArEEj]

شوفي هالرابط

http://q8yat.net/showthread.php?t=86783

 

[زين البدر]

كل روضه تختلف عن الثانيه بالطلبات


صبري لي اول السنه وبيعطونج ورقة الطلبات

او مثل ماقالت سارون في روضات تطلب فلوس علشان يوفرون الطلبات