مدرسات رياض الاطفال العزيزات>>>ارجو المساعدة

[فراشتي]

:eh_s(22):

السلام عليكم ورحمة الله وبركاته



ارجوكم انقذوني والله تكسبون فيني اجر والحين رمضان اجركم ان شاءالله مضاعف{{{صج مبارك عليكم الشهر وتقبل الله طاعتكم}}}:eh_s(8)::eh_s(8):



انا قصتي قصة انقلوني روضة جديدة انا اول وحدة داومت فيها افتتحتها قبل الناظرة:eh_s(15):


المهم الروضة فاضية عالبلاط وفيها نقص معلمات والطامه الكبرى سلموني صف بروحي ويبوني أأثثه والمشكلة انا خبرتي اقل من سنة


باجي الفصول كلهم بلشوا تجهيز وانا ماني عارفة شي ولاشي وحاجيت الناظرة ماكو فايدة تقولي لاتضيعين وقتج لازم يجي اليوم اللي تعلمين فيه واعتبري هالشي تحدي لج



ارجو المساعدة علموني وفيدوني شلون اجهز الفصل؟؟؟؟؟؟ وشنو احتاج ؟؟؟ووين اروح ؟؟؟ابي صفي يطلع حلوووو



اسفه طولت عليكم:eh_s(6):​

 

[شادية]

جهزي تسع اركانج
المنزل(سرير+تواليت(تسريحه) طاوله كراسي+دمى+ملاب+كبت
المطبخ(تلقيينه بلاند مارك مطبخ ) وبعد لازم يكون طاوله وكرسي+اواني
فرى على الى جهزوا وكتبي بمسوده الاشياء الى حطوها

 

[روحـ روحه]

انا اقول تفترين على البنات اللي جهزوا فصولهم واذا تنحرجين اذا عندج المرشد مال رياض الاطفال كل شي موجود فيه عن الاركان ومحتوى كل ركن بالتفصيل

بس انا اقول جهزي الاساسيات مطبخ وطاوله وكراسي وشويه خضار وفواكه
ومكتبه وشويه قصص + هيدفون والمكعبات اهم شي المكعبات واخذي لج جم لعبه تربويه وركن الفنون الوان ومقصات وصمغ وقص ولصق واوراق اي فور ولاتنسين اشارات الاركان وركن البيت اهم شي الغنفات بعدين تاثثينه شوي شوي وركن العلوم حطي الاساسيات طبعا مذكووره بالمرشد وحوض رمل وحوض ماي بركن الرمل والماي والحاسوب مايبيله الا اوراق والبرمجيات ومومفقه

 

[أم الجوري]

أنتى بروحج ؟؟ ذكرتيني باللذي مضى
كنت نفسج بيوم من الايام
بقولج ابتدى بالاشياء المهمه
-سجاد يجلسون عليه الاطفال
- ركن المطبخ مطبخ جاهز من لاندمارك او غيره وسلة اللى يحطون فيها المواعين
- ركن البيت الله يعينج على طول للنجار وسوي لج غرفه صغيره وجهزيها بالملابس الشعبيه
وكلها اخذيها من البيت عندكم - وشوية عرايس - احذيه مختلفه الاحجام كله من البيت عندكم
- ركن المكتبه طاوله وكرسيين تلقينهم بكل مكان لاندمارك - سناء- الاسواق الشعبيه
وتحتهم زوليه صغيره وجم كوشيه ملونه مولوت الاطفال
- ركن العلميه روحى دسمان نصيحه او السنافر بالاندلس وجمعى اللى تقدرين عليه
- ركن الفنيه الاساسيات الالوان الصلصال القص واللصق المقصات وعلب فاضيه حوالى 12
تترسينها بكل شي

والله يعينج وخلى اللى معاج تساعدج وتشيل عنج جم ركن

 

[dark-sound]

الله يكون بعونج

 

[ضحـاوي]

البنات ما قصروا

الله يعينج وان شالله قدها وقدود

 

[اللؤلؤه]

شوفي صفوف الابلات الثانيين

 

[معلمة رياض اطفال]

شنو ناقصك بالبط وانا اساعدك من الى

يالغاليه

 

[3so0ola]

أول شي زهبي ألف دينار اذا مو أكثر اذا تبين يطلع صفج حلو

ولا تقلدين الأبلات خلي شغلج مميز

وذكروا البنات اللي قبلي الأماكن ما قصروا

واضيف دسمان للوحات الجو واليوم وهالسواف

وعندج بالمثنى محل يبيع شغلات حلوة جنه الطقل الصغير مادري شنو انتي روحي وسالي عن محل يبيع شغلات رياض الأطفال

وسلمي على ناظرتج الحلوة تحدي ها لوووووووول قوليلها اتحدى بس ايديج عالألف هي هي هي

والله يكون بعونج حبيبتي