مدرسة اسرار القبندي

[المحاميه]

السلام عليكم خواتي شرايكم في مدرسة اسرار القبندي والي عندها اي معلومه يليت تفيدنا

 

[سيدة الكويت]

اختى سمعت انا ادارتها تغيرت من جم سنه بس ما ادرى عنها حاليا

ان شاء الله البنات يفيدونج

 

[بنت حمايل]

حبيبتي انا ولدي فيها

صج صج فيها طق ترى بس شنو نسوي الله كريم
طلعته منها وكانت بنتي فيها كي جي 1 و 2

 

[كويتية صغيرة]

والله ودي افيدك
بس ماعندي خبر
ان شا الله البنات مايقصرون

 

[ام مهاوش]

فيها طق ؟؟!! اشلون يعني يطقون اليهال؟؟؟
اوف اول مره اسمع والله
انا اختي الصغيره كانت فيها كان مستواها وايد عالي ولغتهم الانجليزيه قويه بس هالحجي من جم سنه مادري عنها الحين

 

[سيدة الكويت]

معقوله ....ما اعتقد يطقون يمكن نوع من التأديب

انا ما سمعت انا يطقون

 

[الفرسان الثلاثة]

في وحده من الخوات في المنتدى كانت كاتبه ان بنتها طاقينها وكانت في الروضه

 

[زوزو الحلوه]

يعطيكم العافيه بس بغيت اسأل عندهم موقع ولا لأ اذا تفيدوني ؟يعطيكم العافيه وجم رسومها؟

 

[P!ng P!ng]

اللي تعرف الموقع الالكتروني للمدرسة تكتبه لنا

وشكرا

 

[عيش و مرق]

والله المدرسه زينه الى الان بنتى بروضه كى جى 1والمدرسات هنديات وقويات وتكتب الاحرف والارقام وواجبات نفس طريقه الباكستانيه ورسومهم الروضه 800 دينار

والابتدائى 1000دينار واهى مالت الشيخه لطيفه الفهد زوجت بابا سعد الله يرحمه والاخصائيه ابله هيام وايد زينه شقرديه وفيها ممرضه وااااااايد زينه بعد وهذه شي مهم مع فلونزا الخنازير

وكل يوم الصبح عند الباب داخل يقيسون حراره الطفل اول مايدش ويعطونه معقم جل ينضف ايده

وعندهم فرصه للكبار وفرصه للصغار مايتلاقون مع بعض والحمامات وانتو بكرامه على طول فيها فراشات ماتفضى وملمومه مافيها دواعيس وهذه الى انا ماحبه واخاف منه

وصفوف الروضه كل صف فى ابلتين وفراشه حق اليهال

عيوبها قديمه المبنى عتيج موكشخه ومايعطون وجبات حق الروضه نفس الحكومه بس اهم شي التعليم نفس طقت الباكستانيه قويه وهذه اهم شي عندى و الزين فيها

قريبه بالدسمه هم هذه شجعنى ادخل بنتى فيها القرب لان مثل ماتدرون 90 بلميه من المدارس الخاصه بحولى والسالميه وله سلوى وله شرق كله بعيد مو يم المناطق السكنيه وبس