مدرسة الذكية ثنائيه اللغه منو مدخل عيالها ؟

[داريني]

مدرسة الذكية ثنائيه اللغه منو مدخل عيالها ؟ الي بسلوى
وشلون مستواهم ؟
وشنو منهجهم اميريكي ولا انجليزي​

 

[alshamali]

حبوبه انا مسجله عيالي واهو تغير اسمها اسمها الدانيه الامريكيه ثنائيه اللغه والله انا ولدي عندهم من الحضانه والحين بالروضه ماشاء الله مستواها روووعه واااايد اهتمام من قبل المدرسات من جميع النواحي الادب والدين
والاخلاق ويدلعون عيالج كانهم اهمه امهاتهم نظامهم امريكي وعنهم منهج امريكي للروضه انصحج فيها انتي مري وشوقي صف من الصفوف وشوفي مستواهم انصحج فيها

 

[أم أسيل]

حبايبي انا سمعت ان المدرسة مو معترف فيها سألو التعليم الخاص
لان عمي بنتى كانة فيها وطلعها يقول مو معترف فيها تاكدو يا بنات قبل لاتتوهقون

 

[alshamali]

حبوبه معترف فيها انا عندي ورقه من التعليم الخاص
ولا معترف فيها بكندا وامريكا ولندن يعني لو ولد بكمل بره ما ينزل مستواه وعندي اوراق التعليم الخاص

انا حماي يشتغل بالتربيه ويايبيلي اسماء المدارس
ولا معترف فيها من يوم ما كان اسمها الذكيه
الرواد الي للحين مو معترف فيها ويمكن تتصكر الي اهي قبل المعالي

 

[مع وقف التنفيذ]

بنات هالمدرسه حضانتها تاخذ من اي عمر؟


وجم اسعارهم للحضانه؟

 

[alshamali]

حبوبه تاخذ من عمر سنتين او اقل شوي وسعر الحضانه 840

 

[أم أسيل]

حبوبه والله انا بنت عمي فيها اللحين حضانه ولما سالته راح اتسجلها فيها روضه قالي لا لان قالولي مو معترف فيها ويمكن يسكرونها
وبالعكس لو معترف فيها جان سجل بنته فيها لانها يم بيته شلي يخلي يتعنى مدرسه ثانيه وانا ماكده من الكلام هذا

 

[alshamali]

والله ما ادري عن بنت عمج

بس انا وليه امر وعيالي فيها وساله حبوبه وعندي اوراق تثبت انها معترف فيها

يعني بالله بخلي ولدي يدس بمكان مو معترف في ليش اقط بالالاف عل الفاضي يعني يمكن بنت عمج سانعه غلط

وعلى فكره حبوبه انا عندي رقم مديره المدرسه مس ايما يوم قتله قامت تضحك قالت انا اول مره ادري انه مو معترف فيها ولو مو معترف فيها جان صكروها من اول سنه الحين صارلها 8 سنين حبوبه المدرسه

 

[أم أسيل]

والله ياقلبي انا اقولج اللي سمعته والله يعلم بس انتي دقي على التعليم الخاص وتاكدي منهم شوفي معترف فيها او لا او بيشيلون مكانها اضمن لج انج تساليين

 

[Bnt.Azmer]

بجم اولى وثانية ابتدائي؟

 

[alshamali]

ام اسيل حبيبتي انا عندي اوراق من التعليم الخاص اقولج ولد خال ريلي يشتغل اهناك معطيني الاوراق وقتلج الرواد الي اهي الممعالي مو معترف فيها

ومشكوره

 

[alshamali]

حبيبتي ام خالد 1350

 

[فراوله]

السلام عليكم حبيباتى....

مع احترامى لرأي الشمالى المدرسة مو بهذا المستوى و لا المعلمات....ودى عيالج الغانم اذا تبين القرب احسن...صدقونى يا جماعة انا عيالى بالمتوسط و المدرسين كلهم اردنيين و مصريين و مع احترامى للكل...يعنى الانجليزية ضعيفة وانتم لكم حرية الإختيار......و على فكره المدرسة تفتقر للأنشطة المرحة يعنى فاهمين القصد​

 

[zozozeze97]

7abebt ana b madresat e thakya ana 9af 7 now moo zena elmadressa waied w 8alya 3al fady

 

[مبايلي كويتي]

مع احترامي للجميع

المدرسة مستواها اي شي

المدرسة طال عمركم كانت في بداية اول سنه اسمها الذكية
الله كانت شحلوها اروع ما يمكن اروع مما تتخيلون المدرسة صج كانت مدرسة ايام ادارة غلوم والمديره وجيهه البهبهاني

كانت اكثر من روعه
بس بعد جذيه يو بعد الشخصيات الدخيله وغيروها الي ثنائية وبدأ التخبط من سنغفوري الي امريكي الي الي
الي ان وصل اسمها الدانه

كل المدرسين مثل ما قالت فراوله مصريين واردنيين والاداره مصريه تخيلو مديره مدرسة ووكيله ومدرسة اجتماعيات ورئيسة الاقسام العربية كلها شخص واحد
تخيلو تقولين وين المديرة تييج وحده اسمها نبيله تقولين ابي الوكيله تييج نفسها تقولين ابي مدرسة الاجتماعيات تييج نفسها تقولين ابي رئسة الاقسام العربية تييج اهيا نفسها شنو هذا والله شي يضحك وتقوليلها ليش جذي
تقولج انا بتاع كلووو
وين قاعدين
المهم الاخت اللي قاعده تمدح المدرسة اكيد انتي عيالج بالروضه او بالحضانه فمو حاسه بمستوي المدرسة
بس تدرين متى تحسين وتعضين اصابع الندم لما تروحين تبين بنتج او ولدج ينتقل من المدرسة ويقولوولج لا ما نجح بالاختبار ولدج ما يعرف شي مستوي مستوي عيال حضانه وانتي يكون راح اول الابتدائي والثاني تكون اهني الخساره الله لا يكنبها عليج ولا على المسلمين
وترى اذا على موضوع الاعتراف اهيا كانت قبل غير معترفه فيها ووايد لقيت مشاكل بس الحين احتمال تكون معترف احتمال انا مو متأكدا
وترى كانت من ضمن المدارس اللي كانو يكتبونها في الجرايد لازم تتسكر بس الظاهر فيتامين واو ياب فايده وطلع موافقه
انشاء الله اكون وضحت الصوره

 

[مبايلي كويتي]

7abebt ana b madresat e thakya ana 9af 7 now moo zena elmadressa waied w 8alya 3al fady

ترجمي
ههههههههههههههه