مدرسة الشايع .... ابي رايكم

[Heavenz]

السلام عليكم بنات

شلونكم شخباركم؟

انا ابي رايكم بمدرسة الشايع بالشامية ...

ولد رفيجتي بثانيه ابتدائي راحت لاجتماع اولياء الامور عشان تشوف مستوى ولدها لانها تعبانه عليه مجابلته و حاطتله مدرسة ممتازة و اوراق عمل رايحه و جايه ومستواه فوق الممتاز سألت ابلة الانجليزي لانها حاطتله ممتاز في القراءة و جيد في باجي المهارات

سألتها عن السبب ماعرفت ترد و اجاباتها غير مقنعه تالي طلبت رفيجتي الامتحانات تخيلوا شقالت لها

ممنوع اولياء الامور يشوفون امتحانات عيالهم!!

شهالحجي وين التوجية ؟ وين المنطقه التعليمية ؟ قالت رفيجتي انا شكايه جان تقولها الاخصائيه راح يسوون حق ولدج تحقيق و يروحون لبيتكم و بالاخر انتى اللي خسرانه ...

شورو علينا الله ينور عليكم ... الولد انظلم و المشرفه مالت الانجليزي قالت انها مدرسة تعيين جديد

يعني شنو تخربط علينا و تلعب بدرجات عيالنا و العذر ان ماعندها خبره

وينج انتي يا مشرفه يا رئيسه قسم وين الموجهه و الناظرة


ابي رايكم ... اهي محتره وانا اكثر منها ...

 

[ضحـاوي]

والله بعذركم تحترون :0bee2e8d89:

الي اعرفه عن هالمدرسه انها نظامها اليديد ونظام المبنى بالمبنى يديد

واذكر رفيجتي كانت مفكره تنتقل لها وعقب هونت

بس ما هقيت انهم مو حريصين على المستوى لهدرجه

 

[Heavenz]

بعد قلبي ضحاوي ...


انا حدي متضايقه ... تخيلي المشرفه شلون تبرر تدني مستوى مدرسة الانجليزي تقول انها مدرسه مالت بنات مو مالت

صبيان !!! شهالحجي؟


والاخصائيه تقول ان قسم الانجليزي اكثر قسم عليه شكاوي؟؟؟


استغفر الله ... شالحل يعني؟ لهالدرجه يعني مستوى نظامنا التعليمي منحط وماكو تقويم له!!

 

[marim]

Thanks a lot its fantastic

 

[ضحـاوي]

strawberry عاد المشكله ان ابتدائي تاسيس

والانجليزي حلاته اول باول يتابعونهم

بصراحه الرد مو منطقي

شدخل الصبيان والبنات

انا اخبر الانجليزي منهجهم واحد بنات وبنين

 

[sushia]

انا كنت مدرسة في هالمدرسة كلش موشي ما انصح اي وحدة تدخل اعيالها لانه الظاهر غير عن الداخل المبنى حلو لكن اللي داخل ناس ماعندهم خبرة يلعبون بعيالنا بس .

 

[caramel]

زين عرفت منكم عن المدرسه عشان مااتوهق وادخل ولدي عندهم لاني كنت ناويه على المدرسه والله يعين اللي عيالهم بالمدرسه هذي