مدرسة الكويت الامريكية

[رناوي]

مرحبا بنات منو سمع عن مدرسة الكويت الامريكية هذا موقعهم kas.edu.kw والي اعرفه انهم بالسالميه ؟؟؟؟؟
مالقيت شي عنها بالمنتدى والي مار عليها شي ياريت تحط لي الرابط و مشكورين

 

[mr000]

أذا تقصدين اللي بالسالميه شارع البحرين صاحبتها بنت الحبيب نسيت أسمها..آنا رحتلها قبل سنتين كنت بنقل ولدي من مدرسته وكان بيروح غريد 7 وكانت عاجبتني أنها صغيره ملمومه ومافيها زحمة طلبه وبعدين مو كلها كويتيين وأنا أفضل هالشي عن الشطانه الزايده بس ماكان فيها غريد7 وقالولي راح نفتح فيها بس التعليم الخاص قالولي مو أكيد نوافق لهم يفتحون (هالكلام من سنتين) فمانقلت ولدي لهم .. بس كمستوى والله ماجربناها وناس تقول زينه وناس تقول لأ موذاك الزود.. الأفضل تروحين المدرسه ولو يكون الصبح أو نهاية الدوام أحسن علشان تسألين الأمهات عنها..آنا شخصيا أسوي جذي لما كنت أدور مدرسه حق ولدي!!

 

[حلم الطفولة]

تهبـّــل المدرسه يا حلوهم .. بنتي أسستها عندهم . كويت أميريكان سكول .. صاحبتها وجيهه الحبيب ,, أخت د.فريده الحبيب ..
وهي أيضا صاحبة حضانة المونتيسوري الشعب ..

لكن مشكلتهم من سنين ماعندهم صفوف عليا مادري ليش .. آنا حطيت بنتي كملت معاهم روضه وبس بعدين نقلتها ,, الحين بالابداع .

 

[sparkles]

المدرسة باختصار أكثر من رووووووووووووووووووعة

 

[mr000]

صج؟؟ والله زين ..هالسنه ولد اختي دخل بنته فيها بالكي جي..وتمدحها امها بس مادري اشلون مستواها بالابتدائي والمتوسطه..بعد الواحد ماوده كل شوي ينقل الياهل من مدرسه لي مدرسه..

 

[ranh]

يا ليت احد يفيدنا اكثر
بالموقع حاليا في جريد 9 واسعارهم اقل من باقي المدارس الامريكيه تقريبا نفس اسعار الانجليزيه

تسلمون على الموضوع

 

[iLLuMinaTion]

نبي الافاده

 

[pink Engineerah]

مو زحمه مكانهم ؟

 

[حلم الطفولة]

هذي المشكله
سابع ثامن .... .. خوفج حتى لو يفتحون مرحلتين هم بعد مايفتحون ثانوي

بنات المدرسه تهبل ، نظام وسنع وصغيره مافيها حوسه والمنهج حلو والتدريس جيد
لكن ماكو صفوف عليا .. ،، وشوي نظام أجانب
الأغلبيه غير كويتيه..

الي تحب تأسسهم بالروضه هناك ...
وممكن لين الصف الأول أو الثاني ابتدائي وتنقل عيالها بعدين مدرسه ثانيه

 

[pink Engineerah]

شلون سيايه القبول عندهم ؟؟ اقصد مستوى الامتحان شلون ؟ حق اللي بيروح يير 1 ؟؟

يا ريت اللي يعرف يفيدني باسرع وقت

 

[حلم الطفولة]

ماظن يتشددون إذا يايهم من خاص

بس انتي بتنقلين للصف الأول
وبعدين ؟؟ إذا وصل الصف السابع ومافتحو صفوف ، بتردين تنقلينه ؟؟

 

[ranh]

اخذت الابلكيشن وشفت الاداره بس الوقت كان متاخر ما اخذت تور بالمدرسه
باذن الله بحاول ازورهم مره ثانيه
مشكوره حلم الطفوله على الافاده وفعلا متردده بخصوص ما في ثانوي

 

[pink Engineerah]

والله رحت للمدرسه وااايد عجبتني وارتحت لهم وخذيت موعد للاختبار والله يسهل ويكتب اللي فيه الخير ويا ريت نتفاعل ونفيد بعض اللي عياله فيها بالذات يكون اخبر ومشكورين مقدما

 

[pink Engineerah]

نااااطره تفاعلكم خواتي الغاليات لمصلحه عيالنا الحلوين

 

[pink Engineerah]

اب اب اب

 

[اثمان]

بنات ممكن رقمهم وجم رسومهم للكى جى ون؟؟

 

[ipink]

أثمان
جيمي ساستهم www.kas.edu.kw

 

[pink Engineerah]

اب اب اب

 

[mrs_dalo3a]

السلام شلونج
sparkles


ادري انة الموضوع قديم بس بنتي بدخلها مدرسة زينة بعرف شلون مستوى مدرسة الكويت الامريكية :eh_s(10):


واكون شاكرتلج :eh_s(7):

 

[mrs_dalo3a]

السلام شلونكم:eh_s(17):

ادري انة الموضوع قديم بس بنتي بدخلها مدرسة زينة بعرف شلون مستوى مدرسة الكويت الامريكية :eh_s(10):

واكووون شاااكرة لكم:eh_s(7):