مدرسة نائلة بكيفان اشرايكم فيها؟؟

[نونو_الحلوة]

السلام عليكم
اشلونكم بنات
الموضوع واضح من عنوانه انا طالبة ميداني وحطوني في نائلة ابي اسال اشلونها ومنو ناظرتها ومنو المدرسة الاولى اجتماعيات ابيكم تعطوني فكرة عن المدرسة ونظامها؟؟؟؟؟؟؟
وشكرا مقدما

 

[غالية غاليها]

انحاشي والله يسبونها سب وخصوصا قسم الاجتماعيات وربي
بنات كانو ميداني رفيجاتي
تبين الهنا غيري روحي يالروضه
يا مدرسه القادسيه
اما نائله انحاشي وربي بنات انحاشو وهم ميداني وحده اشتكت بالمنطقهو غيرت ميدانيها وثانيه وحده وقفت ميدانيها وخذته الكورس اللي بعده معاي وهي اللي تسب فيهم
والله دشيت حبيت افيدج قبل لا ادش قلت يارب مو بقسم الاجتماعيات بس لالاسف طلعتي بالاجتماعيات

وترا يكدشونج كدش
ونصيحه روح القادسيه او الروضه كلهم يهبلووون
كلميه وحني عليه الموجه فوزي قولي له مابي وديني الروضه او القادسيه حاولي فيه
قولي ماعندي سياره اي شي

والله يوفقج يارب

 

[يمه فديت نفسي]

ماعرفها
واب لعيونج

 

[نونو_الحلوة]

ويييي مو بشارة ياغالية بس اشلون اغير الميداني ماتوقع بيرضى الموجهه ماسمعت وحدة غيرولها الميداني اتوقع صعبة
والي عنده معلومات يقولنا بعد ضاق خلقي

 

[نونو_الحلوة]

وشنو اسم متوسطة القادسية ؟؟؟؟؟
جنه القادسية مافيها متوسطة بنات

 

[غالية غاليها]

فيها اسمها مدرسه القادسيه متوسط

ومدرسه الروضه اسمها نسيبه بنت كعب جنه

يهبلووون

الروضه القسم يهبل وافدات وكويتيات يهبلون ويخدمونج بعيونهم انا كنت فيها تقريبا اسبوعين بس رئيسه القسم طلعت تقاعد وغيرو ميداني لي القادسيه وتهبل القادسيه الناظره ورئيسه القسم يهبلون

جربي كلميه قولي عليها كلام واجد انقلني القادسيه قولي له في شكاوي بالمنطقه عالمدرسه وجيبي ابوج ولا اخوج بس انتي حني عليه قولي ودني ياروضه او القادسيه

 

[نونو_الحلوة]

المشكلة باغالية والي باط جبدي ان منطقتنا فيها متوسطة بنات مادري ليش ماحطوني فيها

 

[( المـلاك )]

حبيبتي انا مادري عن قسم الاجتماعيات
بس رفيجاتي الكورس اللي طاف كانوا فيها ميداني بس مو اجتماعيات
ويمدحونها والله و ودهم يتوظفون فيها بعد

مادري هذا اللي سمعته منهم اربعتهم كلهم يقولون جذي
انا بس قلتلج اللي سمعته

 

[نونو_الحلوة]

والله مادري يالملاك احترت
كان ودي اقرب طريج كيفان كله اشارات والله ان شاءالله يكتبلي الي فيه الخير

 

[(كويتيه عسل)]

القادسيه وييييييييييييييييييييع ناظرتها خبله والمدرسة شكبرها 3 طوابق والطالبات يلعوزونج ماتقدرين عليهم لسانهم شطوله راح يخربون عليج

ونسيبه بنت كعب ادارتهم يديده وخايسه والكل مقدم نقل يبي ينحاش منها راح يظلمونج وماراح يعطونج تقدير سنع حرام تخربين على نفسج ومعدلج ينزل بسبتهم

 

[نونو_الحلوة]

لا صج احترت بس انا الي يهمني المدرسة الاولى والموجهه
حيرتوني يابنات

 

[غالية غاليها]

حرام
مدرسه القادسيه الناظره تهبل الله يشهد علي من تشوفينها تحسين براحه نفسيا وتهبل الله يشهد علي وحرام ينقال لها خبله تدرين ليش يقولون خبله لان لسانها حلو وطيبه ومعطتهم يتأخرون ربع ساعه
وربي تهبل تضمج وتبوسج جنها امج الله يسعدها وكلمه الحق تنقال ولسانها حلو وكله تبتسم الله يسعدها ويوفقها كانها اسعدت مدرسات واجد
نسيبه صح ادارتها جديده بس القسم يهبل وربي لين هاللحين اتواصل معاهم كلهم المدرستين
والله يكتب لج الخيره
بعدين يمكن تغير قسم الاجتماعيات بنائله بس انا قلت اللي سمعته والله يشهد علي
وانتي وكيفج انا حاسه فيج لاني كنت ميداني الكورس الاول وعارفه شنو تحسين فيه

الله يكتب لج الخيره

 

[نونو_الحلوة]

تسلمين ياغالية على ردج وتواصلج ماقرتي

 

[Meekakitty]

اخذيييي الحجي منييي عن تجربه شخصيه انا ماااقووولج ناس قالووولي ماقوووولج رفيجاتي قالولي لا اقوولج انااا كنت هناااك ضيييييييم ضيييم لي هالللحظه اقووول حسبي الله ونعم ااوكيل فيهم الهيلق الغجر حتىيوم رحت اشتكي بالوزاره قالولي الوزاره مالقيتي غير نائله حلايا ناظرتهم الخايسه حشاااج كل يوم اننت اتمشكل معاهم وبناتهم مايخافون راح تهزأييين تهزأ جان لج خاطر تحتفظين بكرامتج. لاتروحين معنه المدرسه يم بيتنا الا البعد بمدرسه مريييحه اشرف من القرب بمدرسة زبااله حشاكم. وانتي حره

 

[نونو_الحلوة]

انا الي باط جبدي منطقتنا فيها متوسط مادري ليش قالعيني ومادري على اي اساس يوزعونا

 

[معلمة ممتازة]

مدرسة نائلة المتوسطة بنات بكيفان روعة لا يقصون عليج وبناتها مؤدبين وناظرتها اذهبة ووكيلاتها يهبلون أخلاق ورقي في التعامل روعة توكلي على الله أنا كنت ميداني انجليزي وايد ارتحت وعطوني امتياز بلس والمديرة وايد محترمة
واعتقد اللي ذموا بالمدرسة هم طالبات صح كانوا اجتماعيات بس وايد كانوا يغلطون على رئيسة القسم وما يسمعون التوجيهات خلوا اتذكر رئيسة قسم الاجتماعيات تنقلهم مدرسة ثانية ،،،،، علشان جذيه يذمونها بس أنا أقولج والله لا تصدقينهم أنا كان معاي واايد تربية عملي كل الاقسام تقريبا كلنا خذنا امتياز عندهم الحمدلله لان الادارة تهبل ورئيسات الاقسام صج تتعلمين منهم وانا وايد اعجبتنى الادارة وكنت اتمنى اشتغل عندهم بس حسافة ما حصلي لما تخرجت بس بحاول اييهم ان شاء الله

 

[سارا ديور]

أنا صار لي 12 سنه بهالمدرسه

مدرسة نائله اتهبل وناظرتنا حبييييييييييييييبه والمديرات المساعدات ايهبلون

وقسم الإجتماعيات بالذات القسم الاكثر متعاون مع بعض وعلي قلب واحد ورئيسة قسمهم والنعم فيها خوش وحده

 

[سارا ديور]

مدرسة نائلة المتوسطة بنات بكيفان روعة لا يقصون عليج وبناتها مؤدبين وناظرتها اذهبة ووكيلاتها يهبلون أخلاق ورقي في التعامل روعة توكلي على الله أنا كنت ميداني انجليزي وايد ارتحت وعطوني امتياز بلس والمديرة وايد محترمة
واعتقد اللي ذموا بالمدرسة هم طالبات صح كانوا اجتماعيات بس وايد كانوا يغلطون على رئيسة القسم وما يسمعون التوجيهات خلوا اتذكر رئيسة قسم الاجتماعيات تنقلهم مدرسة ثانية ،،،،، علشان جذيه يذمونها بس أنا أقولج والله لا تصدقينهم أنا كان معاي واايد تربية عملي كل الاقسام تقريبا كلنا خذنا امتياز عندهم الحمدلله لان الادارة تهبل ورئيسات الاقسام صج تتعلمين منهم وانا وايد اعجبتنى الادارة وكنت اتمنى اشتغل عندهم بس حسافة ما حصلي لما تخرجت بس بحاول اييهم ان شاء الله

إنت ميداني وارتحتي عيل شقول انا اللي صار لي عمر بهالمدرسة
وكل ما اييني ترشيح رئيسة قسم ارفضه ما ابي أطلع من هالمدرسه
وناظرتنا عساها عالقوى دايرة المدرسة علي قدم وساق وتحب الشغل الواحد يفتشل لي قصر معاها من طيب أخلاقها

 

[سارا ديور]

وعلي فكره مدرستنا يطلبونها التوجيه بالإسم للتربية العمليه
من كثر ما هي زينه وإدارتهم متعاونه ورئيسات اقسامهم كفئ