مدرس الكيمياء يجبر بنتي انها تشتغل مع ولد باللاب

[الناعمه2010]

سلام
بنتي بمدرسه انجليزيه مختلطه
وهي متحجبه وما تحب تشتغل مع ولد
وبصفها بنات مو منحجبات ويشتغلون وقت درس المختبر مع بنات
ومدرسها يجبرها عل اجراء التجارب مع ولد
كلمت المسؤول الي اكبر من المدرس وماكو فايده
يقولون هذي مدرسه مختلطه

هل من حقي الشكوي

ووين

ثنكس

 

[كوكو لاتي]

والله مادري بس هذي المدارس المختلطه لازم تكونيني حاسبه حساب هالشي

بس المدرس شكله نحيس

 

[جوري وبنفسج]

السلام عليكم

أختي الغالية أسمحيلي بس اللوم مو على المدرس اللوم عليج أنج حاطتها بمدرسة مختلطة >> يعني ما تبينها تختلط ليش تحطينها بمجال أختلاط !

ونصيحتي حوليها مدرسة غير مختلطة عندج مدارس خاصة ما فيها أختلاط مثل الأنجليزية للبنات والأمريكية للبنات

أنا زوجة حماي أمريكية وغير مسلمة ومع هذا حاطه بنتها بمدرسة أمريكية للبنات فقط .​

 

[الناعمه2010]

انا اول سنه بالكويت

ويوم بسجلها ب اونلي كيرلز

سمعت انها مو زينه

المهم يعني الحين ما استفدت الا انتقاد

شكرا

ابي الحل

 

[mr000]

كلمي الناظر وشوفي شيقولج.. أذا أصر على كلامه أن مايحطها مع بنت.. مادري شقولج مالج ألا تغيرين مدرستها تودينها مدرسة بنات لأن ماأعتقد لو اشتكيتي بالتعليم الخاص بيوقفون معاج.. أكيد راح يقولون لج والله هذي مدرسه مختلطه وأنتي عارفه هالشي... شوفي آنا أقولج عن تجربه.. ترى التعليم الخاص تاركين المدارس الخاصه على كيفهم ألا أذا مشكله كبيره كلش أو راحوا لهم مجموعه من أولياء الأمور وأشتكوا من مشكله معينه..آنا رحت مره بسأل عن أحسن المدارس علشان بنقل ولدي واشتكيت للمراقب من مدرسة ولدي والتجاوزات اللي فيها والله ماشفت منه رد مقنع ولا أبدى استعداده أنه يتحقق من الموضوع.. وقالي ماشفنا أحد يي اشتكى..

 

[sereen]

اانزين اللى عرفته انج ماكلمتى المدرس و رحتى على اللى اكبر منه على طول , جربى المدرس يمكن يتفهم الوضع ؟؟؟؟
بعدين بصراحه اهو ادى ان ظروفج خلتها بالمختلط , لكن المفروض يصيرون متعاونين ومايكون عذرههم ان المدرسه نظام مختلط بالتالى تقبل بالوضع الحالى
بس هل انتى شايفه بنتج مضايقه من هالشى اللى بقوله انا عيالى بمدارس مختلطه بس ماحسيت ان يشتكون من الشغل مع الجنس الاخر
او مضايقين اهو الفكرة ان الاحترام يكون موجود بين الطلبه عشان الكل يرتا ح فى الشغل

 

[ابداع كويتيه]

آنا مع سيرين كلمي المدرس مباشره وقولي البنت مو حابه هالوضع ومتضايقه
ويمكن يتفهم ​

 

[G!RLooNa]

مدرسه مكس اكيد الطلبه بيتفاعلون مع بعض بالمختبرات والانشطه

لانه حتى لو لقيتي حل حق المختبر بتطلع لج شغلات ثانيه

فاذا مو عاجبكم الوضع نقليها

 

[bestchoise]

اذا خااايفة عليها وديهاااا مدرسة ثانية ما فيها اختلاط

وآنا اولادي كااانوا بمدرسة ثنائية لغة مو مختلطة بعدين تغيرت

ادارة المدرسة وصاااارت مختلطة فخفت عليهم معنهم صبيان ونقلتهم مدااااارس ثانية

 

[الصابرة المحتسبة]

هلا أختي

الحل بسيط وسهل يخليج ربي

نقل بنيتج لمدرسة بنات .

 

[سيدة الكويت]

نقلى بنتج الأمريكيه للبنات بسلوى...ترى قويه المدرسه

والله يوفجكم