مدري فضفضه أو حيره أو ألم ..!

[سبحآن الله"]

السلام عليكم ورحمة الله وبركاته


.. بنآت أنآ وضعي مدري شوصفه او شالعنوان الي يناسبه انتم قولوا لي ..!
قبل كل شيء احمد الله على الصحه والعافيه .. والنعم الي رازقني اياها ,,
انا قبل سنه ونص كان حالي مختلف تماماً وفجأه تغير حالي بداية التغيير كان موقف بالجامعه ..
فجاه بالكلاس دخت وصار عندي هبوووووووووط بالضغط وكانت حياتي بخطر .. وانا الحمدلله ماشتكي من شيء واول مره ادوخ .. انا بنات ما امدح نفسي بس هذا كلام الناس وصديقاتي
ان انا جذابه وملفته للنظر و و و وكنت مهتمه بدراستي وكنت انا المنفذ الرئيسي للملخصات والمذكرات والكل ياخذ مني ويصور و وقت الاختبارات الاسئله تتوجه لي والحمد الله انا احب اساعد وحتى احيان ألخص المواد واعطيها صديقاتي من باب الفائده لان انا ماعرف اذاكر الا لما ألخص المهم اني انا ا هتم بمظهرررررررررري جداً واغلب مكافئتي على الملابس والتكشخ والعطورات والميك اب الخ من بعد مادخت واخذوني عند الطبيبه وحطت لي اكسجين وقاست ضغطي بنات اذكر قالتها لي بالحرف الواحد انتي رجفتك مو طبيعيه كنت ارجف يابنات رجف مو طبيعي يعني انتفض ورجلي اليمين بالاخص كانت السستر تمسكها لي من قوة اني مو قادره اسيطر عليها ف قالت لي لو ماوصصلتي بالوقت المطلوب كنت باخذك ع الاسعاف لان الاعراض اعراض جلطه انا لما قالت لي كذا خخخخخخخخخخخفت وزادت الرجفه عندي الله يهديها وقعدت اقول ابي امي ابي امي وصديقتي عطتني قران وجلست اقرا الملك ثلاث مرات وهدييييييييييييييييييييييت وغطتني ببطانيات عشان ادفأ .. المهم بعدها ما اقدر ادخل الجاااااااامعه ابداً وتحمممممممممملت التعب الي يحصل لي واروح اداوم :eh_s(*): وماحد حاس فيني الا الله .. تخيلوا بنات اول ماحط رجلي بالجامعه يصير على عيوني مثل الضباب او مثل القزاز الي عليه بخار ماتشوفين شيء واقعد اقرا الاذكار ويروح ادخل الكلاس اول ماتدخل الدكتوره فجاه بنات قلبي يصير بأذوني واحس بنبض خلف الرقبه ورجلي تعورني حيل ف اقعد كل شوي اقدم الكرسي او ارجعه الهي نفسي تخيلوا اتحمل ساعه وربع وعيوني تصير مشوشه ووجهي يصفففففففر وبعض الاحيان ماقدر خلاص بدوخ واقوم فجاه واسرررررع وانا امشي كاني اركض والبنات يطالعون فيني وماحد يعرف بحالتي سواء صديقاتي واوصل لحد الدكتوره واقول لها ممكن اطلع انا تعبانه تخيلوا وانا اكلمها امسك الطاوله بقوه عشان ماطيح وتقول تفضلي تفششششششششششلت حيل قدام البنات بس شسوي واطلع دورة المياه واصيييييييييييييييييييييح قعدت سنه كامله على هالحال تخيلوا ماحد صبر كثر صبري وبعدها بان على شكلي نححححححححفت صفر وجهي وصرت ماابدل بالملابس كثير لان مالي خلق وانا راحيه اصيح وانا جايه اصيح مع نفسي ماحد يدري وامي وابوي يقولون تحملي يابنتي بتعدي ان شاء الله وصديقاتي متفاجئين وضايقه صدورهم علي .. جت العطله الصيفيه وهديت وارتحت وصحتي ردت مثل قبل والحمدالله نجحت ومابعد الصبر الا الفرج وجلست اتسوق للجامعه واتفائل ان هالسنه بيروح كل شيء كان تخيلوا وجلست اتسوق من النت وجتني البضاعه واستانست فيها مر اول اسبوع من الدراسه ماداومت ع اساس ان مالي خلق اول اسبوع مر الثاني وانا الضيييييييييييقه زادت عندي واحس كاني بستفرغ كرمكم الله قررت خلاص بداوم واتوكل على الله لبست وتكشخت جيت بطلع من عند الباب رجليني ردت لهم الرجفه ركضت على غرفتي وفصخت ملابسي مثل المجنونه وانا افصخ مع كل قطعه افصخها اتنفس اكثر وكان شيء كان غامتني لين لبست ملابس البيت واجلس ع الارض وارتاح واهلي مصدومين واقول لامي اللحين تنفست ماقدر اداوم سامحيني وانا منهاره ابكي وكان صايرتلي مصيبه لو تشوفوني تقولون بطقاق الجامعه بس هدي على نفسك من الصياح حاولت مره ورى مره وكل مره ما اقدر قدمت اعتذار عن الترم وانا متقطعه على نفسي ومستقبلي وبين تعبي قلت برتاح بالبيت لعل وعسى الترم الي بعده ارتاح جاء الترم الي بعده وهم ماقدرت وكل ماشفت تنورة الجامعه وملابسي احسسسسسس بضيقه وحومة كبد وكره مو طبيعي لدرجه كل ملابسي مالت الجامعه خذوها خواتي مابيهم خلاص ..وقررت احول انتساب وحولت ..
الي قاهرني اللحين ماقدر اروح السوق اكره الملابس حيييييييل وماعاد يهمني اذا رحت السوق اقعد ع الكرسي واطالع خواتي من بعيد واشوف الملابس كانهم شيء منبوذ واذا دخلت المحل اتصبب عرق واحس احتتتتتتتتتتتتتتتتتتتتتتتتتتتتر واطلع بسرعه بالبيت ماحب انوع بالملابس حاصره نفسي بكم قطعه واذا لبست شيء جديد ماححححححححبه واكرهه واشوف شكلي بالمنظره شين وضيقه مو طبيعيه
جتني فتره ماحب اطلع من البيت وكان احد ماسكني من يدي واذا طلعت كله معصبه ومحتره وبسرعه بسرعه كان احد لاحقني


للعلم لما دخت بالجامعه قبل ادوخ بعشر دقائق فقدت البلاشر مالي وكانت شنطتي مفتوحه لان كنت رايحه دورة المياه ورديت ولقيتها مفتوحه ومو موجود بلشري ..
وللعلم ايضاً الان انا افضل بكثير الحمدالله بس الفقره الاخيره من المشكله هي الي قاهرتني الي هي اني ماقدر اغير وانوع واشتري هدوم ...

شسالفتي !

 

[M!SS.LOBY]

ما تشوفين شر


التزمي بالرقية الشرعية والاذكار الصباح والمساء الله يحفظج

 

[سبحآن الله"]

الشر مايجيك ..

 

[@أحلى بنوته@]

مأاحب أفكر. بهالطريقة واقول حسد وعين بس إنتي أحس جذي لأن سبحانة الله تغير حالج للأسواء معنا كل شي تمام بحياتج أمج وأبوج خواتج صديقاتج يعني ماصارلج موقف. من أحد
يمكن تكونين محسودة العين حق دائم أرقي نفسج وروحي لشيخ يقرء عليج بس يقرء ؤلا روحي مكة لا شيخ ؤلا شي مكة علاجج أن شاءالله

 

[نوف الصقعبي]

سؤال اتمنى تجاوبين عليه بصراحه وبكل امانه وتذكري ان رب العالمين بيحاسبج ان كان جذب



انتى ملتزمه بصلاتج وطهارتج ؟​

 

[نوف الصقعبي]

السؤال الثاني غرفة نومج معلقه صور حاطه تماثيل العاب ؟؟

تشغلين قرآن بغرفتج تسمعين قرآن كل يوم

تقرين سورة البقره ؟؟


غرفتج طاهره نظيفه ؟؟ فراشج نظيف ؟؟

هذا اللي ابي اعرفه​

 

[granted]

اختي قريتي الرقية الشرعية ؟
التزمي فيها واقترح تقولين لرفيجاتج بالكلاس ييبون لج ماي يمررونه على بنات الكلاس كله حتى رفيجاتج يقرون علية سورة الفاتحة وينفثون
لازم تتخلصين من هالاعراض ترى توج بشبابج والبنت اهم شي عندها مظهرها بعد راحتها النفسية
لاتخلين روحج حبيبتي

 

[سبحآن الله"]

مأاحب أفكر. بهالطريقة واقول حسد وعين بس إنتي أحس جذي لأن سبحانة الله تغير حالج للأسواء معنا كل شي تمام بحياتج أمج وأبوج خواتج صديقاتج يعني ماصارلج موقف. من أحد
يمكن تكونين محسودة العين حق دائم أرقي نفسج وروحي لشيخ يقرء عليج بس يقرء ؤلا روحي مكة لا شيخ ؤلا شي مكة علاجج أن شاءالله

جزاك ربي كل خير ان شاء الله

 

[سبحآن الله"]

سؤال اتمنى تجاوبين عليه بصراحه وبكل امانه وتذكري ان رب العالمين بيحاسبج ان كان جذب​

انتى ملتزمه بصلاتج وطهارتج ؟​

لا ازكي نفسي ولكن الحمدلله ملتزمه ..

 

[سبحآن الله"]

السؤال الثاني غرفة نومج معلقه صور حاطه تماثيل العاب ؟؟​

تشغلين قرآن بغرفتج تسمعين قرآن كل يوم ​

تقرين سورة البقره ؟؟​

غرفتج طاهره نظيفه ؟؟ فراشج نظيف ؟؟​

هذا اللي ابي اعرفه​

لآ غير معلق ولا فيه الحمدلله ..
نآدر اشغل بين فتره وفتره متباعده ..
قرأتها كم مره .. بس الحمدلله ماهجرتهآ ..
بصراحه ماقمت انظفها الا سريع سريع يعني مو بشكل اللازم لان بصراحه ماقدر انام على سريري تجيني كوابيس من بعد هالموقف .. بس هالفتره الحمدلله رجعت انام عليه واهتم بغرفتي .. الله يعيني ..
أحب أقول ان الشيء الايجابي الي استفدته من هالموقف اني تقربت لله اكثر الحمدلله واتمنى ان ربي يكون راضي علي والله لو ان مابي كُله لكي يقربني اليه سبحانه فما اجمل مابي كله ..

 

[سبحآن الله"]

اختي قريتي الرقية الشرعية ؟
التزمي فيها واقترح تقولين لرفيجاتج بالكلاس ييبون لج ماي يمررونه على بنات الكلاس كله حتى رفيجاتج يقرون علية سورة الفاتحة وينفثون
لازم تتخلصين من هالاعراض ترى توج بشبابج والبنت اهم شي عندها مظهرها بعد راحتها النفسية
لاتخلين روحج حبيبتي

لآ ماقريتهآ يجيني خوف ورهبه ..
الحمدلله صديقاتي لما عرفوا بحالتي ساعدوني ومسحوآ كراسي الكلاس بعد المحاضره مباشره واغتسلت فيه .. بس احب اقول شيء بعد الموقف الي صار لي تغيبت عن الجامعه ثلاث ايام اليوم الثالث حلمت في بنت بالكلاس جايه تسلم علي وكانت بالحلم حامل وتطالع فيني وعيونها مكحله وحاده ونظرتها تخوف سالتها ماشاء الله متى حملتي وسفهتني ومشت وهي بالواقع كانت تطالع فيني قايمه قاعده تطالع فيني لدرجه كنت مابيها بكلاسي وكانت صدفه كل ترم معي وانقهر مابيها لان تاذيني بنظراتها وصديقاتي لما قلت لهم قالوا صآدقه حنا نخاف من نظراتها .. عاد قلت لصديقاتي واخذوا اثر من كرسيهآ بعد المحاضره واغتسلت بس .. الحمدلله على كل حال .

 

[لمسات فتاة]

نصيحة ..

حافظي على سورة البقرة لو على الاقل كل 3 ايام تقرينها مرة
واهم شي صلواتج بوقتها
وتحافظين ع اذكار الصباح والمساء واذكار النوم

ولاتنسين تقومين الليل ولو بركعه ..

ولحي بالدعاااء .. وابشري بالخير :

 

[ورد الفلا]

ياحبيبتي ترا لازم تاخذين اثر كل الي وياج في الكلاس في هالحالة

حتى ولو مو راضين في حادثة صارت زمن الرسول والرسول اوجب على الشخص ان ياخذ وضوء الشخص الي شكوا انه رمى شخص بعين او حسده

لاتخلين نفسج جذي واستشيري شيخ موثوق فيه واشرحيله كل الاعراض الي صارت لج

والف الحمدلله على سلامتج والله يشفيج عاجلا غير اجل

الحسد مب زين ادعو لخواتكم بالخير والملائكة بتدعولكم بنفس الدعاء

 

[كنوشة 2009]

الظاهر اللي صار معاج عين والله اعلم والعين حق
وعليج بالرقية الشرعية اذا ما تقدرين تقرينها
سميعيها والله يحميج وترجعين مثل قبل واحسن

 

[سبحآن الله"]

نصيحة ..

حافظي على سورة البقرة لو على الاقل كل 3 ايام تقرينها مرة
واهم شي صلواتج بوقتها
وتحافظين ع اذكار الصباح والمساء واذكار النوم

ولاتنسين تقومين الليل ولو بركعه ..

ولحي بالدعاااء .. وابشري بالخير :

إن شاء الله بشروك بالجنه :eh_s(17):
جزاك الله خيراً :eh_s(7):

 

[سبحآن الله"]

ياحبيبتي ترا لازم تاخذين اثر كل الي وياج في الكلاس في هالحالة

حتى ولو مو راضين في حادثة صارت زمن الرسول والرسول اوجب على الشخص ان ياخذ وضوء الشخص الي شكوا انه رمى شخص بعين او حسده

لاتخلين نفسج جذي واستشيري شيخ موثوق فيه واشرحيله كل الاعراض الي صارت لج

والف الحمدلله على سلامتج والله يشفيج عاجلا غير اجل

الحسد مب زين ادعو لخواتكم بالخير والملائكة بتدعولكم بنفس الدعاء

انا اخذت واغتسلت وحالياً لي سنه من انتسبت وجالسه بالبيت .. الحمدلله اعراض الدوخه كانت تجيني بالجامعه فقط ومن بعد مافارقت الجامعه فارقت معها وبرى الجامعه فقط كسل ومدري كيف شيء شعور بالضياع .. وحالياً اهمال بسيط بنسبة 04%


امين جزاك الله خير :eh_s(17):

 

[سبحآن الله"]

الظاهر اللي صار معاج عين والله اعلم والعين حق
وعليج بالرقية الشرعية اذا ما تقدرين تقرينها
سميعيها والله يحميج وترجعين مثل قبل واحسن

اقرا البقره احيانا ارتاح واحيانا احس ب غثى مو طبيعي واقراها بسرعه ... :eh_s(*):

 

[سبحآن الله"]

اي احد يمر من هنا سواء رد او شاهد يدعي لي مابي غير دعوه اني ارجع مثل قبل
ويقربني ربي اليه اكثر ويقوي ايماني ويصبرني ويجعل اخر قول لي في هذه الدنيا اشهد ان لا إله إلا الله وان محمداً عبده ورسوله ويكتب لي الجنه .. ومشكورآت ..

 

[ظبية بوظبي]

كيف تاخذين اثر من الكراسي ؟

 

[ظبية بوظبي]

الله يشفيج يارب شفاء تام لا يغادره سقما اللهم امين

يارب اشفي جميع المرضى على وجه الارض سواء ان كانوا يعانون من مرض نفسي ولا جسمي ولا روحي اللهم امين