السلام عليكم
اليوم جتني فكرة و ابتكرت ها الطبخة و ما ادري شنو اسمها برياني و لا مرق و عيش ؟؟؟ههههه عموما انتوا شوفوا و احكموا بنفسكم
اول شي جدر متوسط انحط فيه شوي دهن + بهارات عدلة ( لومي + دارسين + ورق غار + فلفل حب + كمون حب + مسمار + هيل ..)
بس اتشمين ريحة البهارات طلعت حطي كوب بصل مفروم ناعم + 2 ملعقة كبيرة ثوم مهروس + 2 حبة طماطم مقطعة صغيرة
و حركي جيدا الين يذوب الطماط و يصير البصل شفاف
بعدين ضيفي مكعبات لحم
حطي بهاراتج بدون ملح طبعا عشان لا يسكر اللحم و ما ينضج بسرعة
غطي الجدر و قصري النار على الاخر و خليه مدة 20 دقيقة / لا تنسين الملح حطيه الحين
بعدين جيبي علبة من الصلصة هاذي و ضيفيها على اللحم ..خلي مدة 10 دقايق تقريبا
سوي عيش ابيض مشخول ( طريقته معروفة طبعا ) بس لا تطبخينه واجد
جيبي جدر نظيف حطي اول طبقة عيش ابيض
وزعي فوقها مكعبات اللحم و الصلصة
جيبي نعناع شوي و قصصيه فوق
...حطي طبقة ثانية من العيش
طبعا ممكن اتحطين بطاط محموس و باذنجان او اي شي اتحبينه .....
جيبي حليب حوالي نص كوب و حطي فيه زعفران و شوي ماي ورد و زيت شوي و صبيه على الوجه
غطي العيش بسفرة بعد ما اتغسلينها طبعا و سكري الجدر و خليه على نار هادية مدة 20 دقيقة
و هاذي النتيجة النهائية
ممكن اتقدمينه ويا روب بالنعناع او دقوس ..بس ترى حاااار حيييييييييييل ممكن اتجيبين الصلصة الي باردة ايكون احسن
اليوم جتني فكرة و ابتكرت ها الطبخة و ما ادري شنو اسمها برياني و لا مرق و عيش ؟؟؟ههههه عموما انتوا شوفوا و احكموا بنفسكم
اول شي جدر متوسط انحط فيه شوي دهن + بهارات عدلة ( لومي + دارسين + ورق غار + فلفل حب + كمون حب + مسمار + هيل ..)
بس اتشمين ريحة البهارات طلعت حطي كوب بصل مفروم ناعم + 2 ملعقة كبيرة ثوم مهروس + 2 حبة طماطم مقطعة صغيرة
و حركي جيدا الين يذوب الطماط و يصير البصل شفاف
بعدين ضيفي مكعبات لحم
حطي بهاراتج بدون ملح طبعا عشان لا يسكر اللحم و ما ينضج بسرعة
غطي الجدر و قصري النار على الاخر و خليه مدة 20 دقيقة / لا تنسين الملح حطيه الحين
بعدين جيبي علبة من الصلصة هاذي و ضيفيها على اللحم ..خلي مدة 10 دقايق تقريبا
سوي عيش ابيض مشخول ( طريقته معروفة طبعا ) بس لا تطبخينه واجد
جيبي جدر نظيف حطي اول طبقة عيش ابيض
وزعي فوقها مكعبات اللحم و الصلصة
جيبي نعناع شوي و قصصيه فوق
...حطي طبقة ثانية من العيش
طبعا ممكن اتحطين بطاط محموس و باذنجان او اي شي اتحبينه .....
جيبي حليب حوالي نص كوب و حطي فيه زعفران و شوي ماي ورد و زيت شوي و صبيه على الوجه
غطي العيش بسفرة بعد ما اتغسلينها طبعا و سكري الجدر و خليه على نار هادية مدة 20 دقيقة
و هاذي النتيجة النهائية
ممكن اتقدمينه ويا روب بالنعناع او دقوس ..بس ترى حاااار حيييييييييييل ممكن اتجيبين الصلصة الي باردة ايكون احسن
