مدي قدرتج على التسامح ... ونسيان الألم

[BRoOoNz^GiRl]

مبارك عليك باقي الشهر ....


ودي اعرف من كل وحدة فيكم مدي قدرتها على التسامح

يعنى مثلا لما يصير لج موقف مع وحدة غالية علييج وماتحس بقيمتج اكثر من مرة تقريبا كذا موقف يعنى فاتتها فرص وايد وبعد ماقررتي انج تنسين كل شي عنها مع انها بقلبج ... بس كرامتج تمنعج من الرجوع ....


تسامحينها اذا كانت ندمانة ... ؟؟؟

 

[Om_RayooMa]

اكثر من مره!!!
لا بصراحه ماقدر
خلاص اسكر الباب
اذا اهي ما تقدر صداقتي خلاص بلاها

وشكرا

 

[$الـــحـــلاوه$]

انا عن نفسي لا والف لاااااااااااااا

اذا كانت اكثر من مره مستحيل اسامحهاا
شاللي حادني عليها

والله يهدي هالاشكال

 

[حبــوبــة الكــويت]

انا ماقدر اذا صارلي موقف من وحده خلاص مافي امل ان نرد مع بعض لو شنو لان بوطبيع مايوز عن طبعه وجربت اني اسامح لكن بدون اي فايده .
والي يحبج ويقدرج مايضايقج بالاول عشان يطلب التسامح .​

 

[BRoOoNz^GiRl]

اشكركم بنات على الردود اللى تقريبا مثل ردي ... بس انا اقول على حسب الوحدة ومدي حبج لها ومدي تقديرج لظروفها اللى بعدتها عنج ....




بس انا خذيت القرار ..بقلبي مسامحة ومحللتها بس مابيها والله كريم يعوضنا خير انشالله

 

[نونو جين]

شوفي اذا عزيزه علي لا والله اسامحها لو شنو كان
يعني صارلي هالموقف مع انسانه قريبه مني وسامحتها
ومع رفيجتي الغاليه وسامحتها ولو يسوون اسامحهم
لانهم اغلى ناسي والتسامح ترى بحد ذاته يفشل الي غلط عليج
يعني لما شافوني سامحت وسويت نفسي جنه ماصار شي اهم استحو
بس هاااه قبلها عاتبت وبينت اني زعلانه مامررتها مرور الكرام

واذا انسانه عاديه لا والله هذاك الطريج

تحياتي للكل
والله لاييب الزعل​

 

[$الـــحـــلاوه$]

نونو جين...كلامج صح
بس الصراااحه مايصير كل مره تغلط وتسامحينها
حتى لو كانت قريبه منج
اذا كل مره غلطت معناتها ما تقدرج
وعلى قولت حبوبة الكويت
((بو طبيع ما يخلي طبعه))

 

[رفرف]

انا اسامح بسررررعة ...
بس في حالة وحدة اذا حسيت ان اللي جدامي حس بغلطه حتى لو ماعتذر كافي احس ان في مبادرة او شعور بالذنب وانا اسامح ..
بس مااااااااااااااااااااااااااااااا انسى ..
الصراحة هالشي عيب مو ميزة اني مانسى شي قلبي يشيل وايد وايد ولي صار موقف اتذكر اللي فات كله ...

 

[حامله القنديل]

مرررررررررررررررررررحبا
اسامح وانسى اذا كانت امي وخواتي فقط
اما صديقاتي على حسب الموقف والجرح الي مسببته لي يمكن انسى واسامح
او اقسى شكررررررررررررررررررررررررا

 

[جكورة]

على حسب الموقف اللي سوته إذا يستاهل أو لأ..يعني لو موقف جايد لاوالله إبعد عن الشر وغنيله وإذا موقف عادي وردت واعتذرت أسامح ليش لأ.. المسامح كريم

 

[ليالي الكويت]

تعبــــــــــــــــــت وأنــا أسامــــــــــــــــــح ..

بس المشكلــة فيه ناس ما يبين فيـها طيــــــب

 

[omneyaty]

النفس الطيبه المتسامحه الكاظمه الغيض هي اللي تدخل الجنه


والحمد لله ان رب العالمين هو اللي بيده المغفره لو بيد الانسان


جان محد دخل الجنه سامحوا وسهلوا الامور بس ما ترجع الامور

والصداقه مثل قبل المؤمن ما يلدغ من جحر مرتين


هذا راي ما اشين الويه واحتسب امري واللي سوووه عند رب العالمين

 

[أميرة الورد]

أهلي أسامحهم وأطوف حتى لو جرح كبير بس أبين لهم انه هالشي ضايقني بس بالنسبه لصديقاتي انا وايد متسامحه وساعات يقولون لي انتي وايد غبيه ليش اسامح اللي يجرحني بس مايهمني كلامهم لأني متبعه مبدأ بادل الأساءة بالاحسان بس وايييييييييييييد اطوف وبعدين فجاة تلاقيني بس ما أقدر أستحمل وعشان ما أخدع اللي جدامي وابين له انه ماكو شي وانا من داخل احترق فأفضل بهالحاله اني أبتعد عن هالأنسانه احسن وأفضل

 

[BaNooTa Q8TeYa]

إذا وااايد غاليه ورفيجتي من مده طويله اوكي اسامح
بس إذا كررتها متعمده او شي جذي ممكن اسامح بس مارد معاها مثل قبل يعني بس سلام

 

[caramila^q8]

مم اسامحها بس ما اطيح معاها يعني اكون سطحيه وياها

 

[dima]

ana asame7 bs etha 3adat elshay mara thanya la bs abt3eeed 3anha o bdon moqademat aw at7acha bs asaker babha lana kelshay lah 7dod o ana sama7t'ha awal mara lazim etqader o matkarer elshay mara thanya wetha 3adat elshay bs khalas wojod'ha mo mohem eb7ayati

 

[محتارة]

اسامح اوكي بس انسى صعبة

 

[LaSt WoMeN]

أقيم مدى تسامحي

6% هذي الدرجة الصعبة اللي ما اسامح فيها في المواقف الجايدة و أنواع البشر النذلة حاشاكم

50% احتاج وقت شوية على ما ارضى و اعتذار حقيقي من المجرم اللي زعلني

44 % أطوف و ازعل دقيقتين



طبعا هذي تعتبر تطورات كبيرة مثيرة في طبعي .. لأن قبل لما كنت ازعل حتى لو يعتذرون مني ما ارضى .. و ازعل مدة طويـــلة .. الحين تغيرت الحمدلله و صرت ما اقدر اطول وايد .. و تعلمت اطوف بينما كان هذا مستحيل بالنسبة لي قبل .. و الحمدلله على كل حال ..

 

[حبيبة أهلها]

اسامحها على طوووووووول لانة الدنيا ماتسوى بس احط بيني وبينها حدود وخطوط حمراء وافهمها وشو اللي يضايقني واذا مالقيت حل اوصلها بالمناسبات ومثلا كانت تعبانة المهم اوجبها واكون رسمية

 

[BRoOoNz^GiRl]

مساء الخير



اشكر ردودكم الحلوةةةةةةةةةةةةةةةةةة



شوفوا يا بنات انا وحدة الحمدلله قلبي كبير ويسامح بس لا احد يجرحنى او يجذب على او يتحجى عنى من وراي

انا عندى استعداد اسامح لما احس انة الشخص اللى جدامى ندمان على اللى صار وايد اسوي اختبارات ... عشان اعرف اللى احبها تستاهل حبي ولة لاء



التسامح صفة زينةةةة والله ورسولة أمر في هالشي بس مو كل من يستاهل تسامحة ......