في البداية أحب أشكر كل من قرأ حروفي .. كل من راسلني .. وأبدى اعجابه باصداري الأول "مذكرات بنت بطوطة" .. وكل من قدم لي نصيحة حلوة .. وكل من نبهني على شغلات كنت غافلة عنها ..
كل من شجعني وشد على ايدي ..
كل من انتقدني لتطويري واستمراري ..
كل من تعنى لي وياني .. وكل من ارسل لي كلمات رائعة .. معبرة وجميلة ..
أقولكم شكراً .. وأحبكم مثل ما حبيتوني أنا وبنت بطوطة .. وأسأل الله العلي القدير ذو المنة والفضل انه يوفقني ويسدد خطاي وان شاءالله روايتي القادمة تعجبكم وتحوز على رضاكم ..
لكم أقول شكراً .. ولبنت بطوطة شكر خاص اللي عرفتني على ناس وايد معدنها طيب وأصيل .. وردت علاقتي بناس انقطعت اخبارهم عني وفرقتنا السنين ..
كل الشكر والتقدير :e3::e3::e3:
:aha::aha::aha:
وايد تيني رسائل وايملات يستفسون مني وين ممكن يحصلون كتابي "مذكرات بنت بطوطة" بصراحة ما أدري متى الشركة الموزعة راح تنزل الاصدار في المكتبات .. بس ممكن تحصلونه عندهم عند دار بلاتينيوم بوك واهم عندهم خدمة التوصيل وهذا رقمهم
55583551
بعد النجاح اللي حققته مذكرات بنت بطوطة في معرض الكتاب ال35 على ارض المعارض بمشرف في اكتوبر الماضي ..
وبعد الاقبال الجيد في معرض الشارقة الدولي ..
تطير بنت بطوطة بإذن الله مع بلاتينيوم بوك الى الدوحة للمشاركة في معرض الكتاب الدولي القائم في الفترة:
من 26 نوفمبر - 4 ديسمبر
ثم تشارك في معرض بيروت الدولي للكتاب ابتداء من 4 ديسمبر
وان شاءالله اوافيكم بآخر الأخبار عن قريب ..
شكراً مرة ثانية والحمدلله رب العالمين ..
