مذكرات بنت بطوطه ... رأيي فيها ... !!!!!!!!!!

[حور24]

السلام عليكم ورحمه الله وبركاته


اولا وقبل كل شي ... انا احب اقول ان طبعي صريحه واحب ابدي رايي مثل ماهو ... فاتمنى تقبله ومناقشته ان امكن

رحت معرض الكتاب .. وانا كل مره اروح واشوف دار بلاتينيوم والزحمه اللي عليها واعلق (اعرفو منين يجون الكويتيين)

سوري بس اغلب الاصدارات افكارهم او النبذه عنهم سخيفه!!

قلت هالمره خلني اجرب واخذ لفه على جم كتاب وبشتري منهم....!!

مذكرات بنت بطوطه !!! رأيي فيها

قريت مذكرات ... وانا احب المذكرات ... بنت بطوطه... والنبذه اللي ورا الكتاب خلوني اتشجع صراحه انا احب اقرا عن الدول هالسوالف!! خذيت الكتاب وقلت يارب مااتحسف!!!!!!!!

وبديت اقراه اول ماركبت السياره ... وخلصته بساعتين تقريبا

صدمتي كانت في اول سطر قريته.... مذكرات من وحي الخيال!!!!!!!! بحسب عرفي ومعلوماتي المتواضعه ان المذكرات تكون عن حياة الكاتب او شخص معين حياته الخاصه ومواقف معينه واقعيه....!!!!

سؤالي للكاتبه : هل يوجد مذكرات خياليه ... انتي كاتبه وممكن تعرفين اكثر مني؟!!؟؟
يعني اعتقد لو مسميته بنت بطوطه وبس يمكن كان افضل!!

الكتاب بشكل عام ما اشوف منه فايده... ومالقيت فيه المعلومه اللي ممكن يأخذها القاريء او يستفيد منها

معلومات عامه معروفه جدا جدا ... ومافيها اي جديد

فريتي العالم وكل مره تمدحين الاسلام اقول هذا المجهول اللي ادورينه ممكن ... تردين تقولين مالقيت ضالتي مالقيت اللي ابيه!! وتأجلين المجهول للجزء الثاني اللي مااتمنى انه ينزل!! وما اعتقد بتأجيلج لمعرفه المجهول فيه شيء من التشويق ابدا ابدا ... قاعده تسحبين القارىء فقط عشان يقرا كل الكتاب وبس!!! واعتقد انتي اصلا مافيه شي ادورينه!! : )



مع احترامي لج الكتاب جدا جدا جدا جدا سطحي ... ومافيه اي اضافه للقارىء واي تشويق

كنت اتمنى تتغير نظرتي للكتاب الشباب الكويتين لكن للاسف انتي زدتي الامر سوء...


اختلاف الراي لايفسد للود قضيه

اتمنى لج اصدارات افضل ... ومااتمنى تنزلين مذكراتج في بلاد العم سام اذا كانت بمستوى هالمذكرات


الكاتب الحقيقي يتقبل النقد مثل تقبله للمدح والاطراء ... ومجامله الاعضاء : ) اللي اذا كان هذا رايهم فعلا في مذكراتج (انها عاجبتهم) فاحنا كنا ومازلنا نعاني من العقول السطحيه في الكويت

واخيرا : انا عرفت المعايير اللي دار بلاتينيوم يمشون عليها عشان يصدرون لاي كاتب كتاب للاسف معاييرهم معايير دار نشر تريد الربح فقط لا تريد انتاج فكر وكتاب بمعنى الكلمه

​

 

[عهود الحب]

رد : مذكرات بنت بطوطه ... رأيي فيها ... !!!!!!!!!!

أولااااااااه

:/


اشفيج معصبة !

 

[عهود الحب]

رد : مذكرات بنت بطوطه ... رأيي فيها ... !!!!!!!!!!

انا ما قريت رواية البنت للحين
بس

النقد البناء يبتعد عن الشخصانية البحته
و الفكرة يمكن بنظرج سطحية و يمكن بنظر غيرج عميقة
يمكن المعلومات قديمة بنظرج والبعض أول مرة يعرفها


انا ما قريت الرواية للحين ولا كنت ناقشتج وعطيتج رايي بصراحة
بس بوجهة نظري
المذكرات الخيالية
يمكن المقصود فيها انه البطلة شخصية خيالية
و هذه مذكراتها
فتصبح مذكرات خيالية


اما انتقادج لذوق البنات وعقولهم فهذي قوية صراحة
كلن راضي بعقله
واحنا نتناقش ونتبادل النقد والحديث للارتقاء بفكرنا
و دار النشر هي احق باختيار كتابها ومالنا شغل فيهم سواء يبون يربحون ولا لا
وشي اكيد الكل يبحث عن الربح مو الخسارة


طيب سؤال

قريتي باقي الكتب ولا بس كتاب ابرار ؟

 

[حور24]

رد : مذكرات بنت بطوطه ... رأيي فيها ... !!!!!!!!!!

حبيبتي ... اللي ماقرا الكتاب شلون يعلق ويرد على موضوعي!!!!!!!!!!

انا ابرار ما اعرفها ويشهد الله اني ما قصدت شخصها بالمره ولا لي شغل فيها ويمكن لو اعرفها واقعد معاها راح احبها ويعجبني تفكيرها ... انا تكلمت عن كتابها بس ... ولو اشوفها وجها لوجه ما اعرفها ولا مره رديت عليها بالمنتدى ولا اهي


اذ (ن) نتناقش على الكتاب وهني نتفق

بعدين : وجهة نظري جذي! بنظري اللي يعجبه كتاب سطحي يعتبر تفكيره سطحي ... وين المشكله


على الاقل انا قلت رايي وكل راي يحتمل الصواب والخطأ من وجهة نظر اي شخص

 

[أم روعة]

اسلوبج مستفز بصراحه انتقدي على راحتج بس مو بهالاسلوب
وما له داعي تقولين وتكررين الكويتيين سطحيين وافكارهم سخيفه والعقول السطحيه بالكويت !!
انا ما قريت الكتاب ويمكن معاج حق باللي قلتيه ماقدر احكم .. بس اسمحيلي طريقتج بالنقد مو حلوه

 

[حور24]

رد : رد: مذكرات بنت بطوطه ... رأيي فيها ... !!!!!!!!!!

اسلوبج مستفز بصراحه انتقدي على راحتج بس مو بهالاسلوب
وما له داعي تقولين وتكررين الكويتيين سطحيين وافكارهم سخيفه والعقول السطحيه بالكويت !!
انا ما قريت الكتاب ويمكن معاج حق باللي قلتيه ماقدر احكم .. بس اسمحيلي طريقتج بالنقد مو حلوه

اولا احب اوضح شغله ... انا ماكنت ناويه انزل هالموضوع بس من باب اني ما أأثر بالراي العام وان ممكن تكون وحده تبي تشترين الكتاب وتتردد من بعد رايي!!! ...لان ما ابي أأثر على الكاتبه من اي ناحيه

وانا لا قلت سطحي رايي وانا حره فيه ...

وبعدين والله الموقف صار جدامي ... ولد تقريبا بعمر المراهقه قاعد يتفرج على كتب بلاتينيوم والبايع يطالع فيه جان يقول البايع للولد تبي كتاب يضحكك!!!!!!!!!!!!!!!!!!!!!!!!!!!!!! خذ هذا يموت من الضحك عن كتاب خفرنوش مادري شسمه!!!!!!!!!!! بالله هذا اسلوب بدال مايشجع الولد ويعطيه نبذه عن الكتب ويناقشه على طول يقطها بوجهه ويقول كتاب يضحك ......!!!! والله مصخره

 

[m9r83a]

حور

عن كتآب آبرار آانا مااقدر اتحجى لاني ماقريته وتوني مآزرت المعرض

لكن اتفق معآج بآن


واخيرا : انا عرفت المعايير اللي دار بلاتينيوم يمشون عليها عشان يصدرون لاي كاتب كتاب للاسف معاييرهم معايير دار نشر تريد الربح فقط لا تريد انتاج فكر وكتاب بمعنى الكلمه

 

[:: Diva ::]

سؤال واحد بس

الي كتبتيه وجهة نظرج ؟
و لا نقد هدام سلبي يكسر المجاديف ؟
في اسلوب أفضل في النقد و في المناقشه
و للأسف ما تتمتعين فيه




اختي بما انج غير عن الشعب الكويتي السطحي
و ما تعرفين تقنعين او تتناقشين باسلوب غير استفزازي
نزلي كتاب خنشوف مستواج انتي بالكتابه شلون
و نشوف الشعب السطحي شرايه باصدارج و شلون راح ينتقدونج ..
يمكن تتعلمين منهم الذوق و المجامله حتى بابدائهم الراي المخالف لما يرغب فيه الكاتب !



ان شالله ما تزعلين
لكن انتي عممتي على الكويتيين
و حبيت انصحج بس على طريقتج

 

[.]

انا قريت تقريبا 3\4 اهو اتوقع مو خيالي بحت لا عن الكاتبه نفسها ..

وكنت اتمنى ومتوقعه انه عن ادب الرحلات وفيه صور بيكون امتع بس طلع لا مقالات مقاربه للي بمدونة الكاتبة كاسلوب..

وتوقعت انه له جزء 2 بس صدمه الصراحة :\

ودار النشر تولت امر توزيع الكتاب بس ..

اما بالنسبه لكتبهم اي مستواهم يعتبر عادي وغاليه واغلب كتابهم صغار واحس فئتها المستهدفه المراهقين اكثر ..

وبالنسبه لخنفروش اهو من الادب الساخر ..

ومشكوره..

 

[Simply_The_Best]

رد : مذكرات بنت بطوطه ... رأيي فيها ... !!!!!!!!!!

أنـا بعـد بقـول رايي دام إن كـل من ( هـب و دب ) قام يقـول رايـه

الكتاب خفــيف و سهـل لجميع الفئات ... ينقرا و ما تقـدرين توقفيـن !! صفحة تسحبج للثانـية غصب عشت بالثانية و الدقيقـة معاها حتـى تخيلتهـا وهي لابسه كوتهـا و تمشى بشوارع مصـر و كنت قاعـدة يمهـا بالباص في رحلتهـا لسويسرا .... وصفهـا دقيق و ممتـع .... أقـول يا صاحبـة الراي الحكيم ... أخاف ودج تـروحـين سويسرا عشـان جذيه إنهديتي عليها ؟


و بعـدين للي مو عاجبـه الكتاب نقولهم خـلاص وقفوا لا تقرونـه !! ما حد طقكم على إيدكم ... أنـا أول مرة أِشوف نـاس جذيه ! سطحـي و مو مستوى تفكيرنـا العبقري و مأ أدري شنـو !! و هم بعد يقرونـه ... و تـرا اهي مو كاتبته عشـان يرضي تفكيركم العبقري !! لووول آخر زمـن عشنـا و شفنـا

أقول بدل ( الثرثرة ) الزايدة قومي شيدي حيلج و ( أنجزي شي ) على الأقـل أبرار عنـدهـا حلم خاص فيها و حققتـه و حتـى لو كـان لذاتهـا ... بس حققتـه و لا مرة جرحت النـاس و غلطت عليهم

قـولي رايـج بس بطريقـة لطيفـة .... و على فكرة مشكورررررررررررررررررررررررررررررررة وايد وايد ... ترا سويتي خـوش دعايـة لكتابهـا مع إنهـا ما تحتـاج ....



الــزبدة : عيب الكـلام الي قلتـيه .. أدري !! بتقولين هذا رايي و أنـا حرة .... على عيني و راسي ... لكن الكـل يشوف و يشهـد إن كلامـج كـله إهـانــه للبنت .. إحتمـال هذا إسلوبج مع الـكل ... مـا ألومـج عيـل


موكـان أفضل لو سلمتي على البنت شخصيا ً باركتي لها على الإصــدار و بعدين نـاقشتيها ؟ بـدل ما قاعدة تكتبين من ورا الشاشـة

 

[rawona]

رد : مذكرات بنت بطوطه ... رأيي فيها ... !!!!!!!!!!

السلام عليكم ورحمه الله وبركاته


اولا وقبل كل شي ... انا احب اقول ان طبعي صريحه واحب ابدي رايي مثل ماهو ... فاتمنى تقبله ومناقشته ان امكن

رحت معرض الكتاب .. وانا كل مره اروح واشوف دار بلاتينيوم والزحمه اللي عليها واعلق (اعرفو منين يجون الكويتيين)

سوري بس اغلب الاصدارات افكارهم او النبذه عنهم سخيفه!!

قلت هالمره خلني اجرب واخذ لفه على جم كتاب وبشتري منهم....!!

مذكرات بنت بطوطه !!! رأيي فيها

قريت مذكرات ... وانا احب المذكرات ... بنت بطوطه... والنبذه اللي ورا الكتاب خلوني اتشجع صراحه انا احب اقرا عن الدول هالسوالف!! خذيت الكتاب وقلت يارب مااتحسف!!!!!!!!

وبديت اقراه اول ماركبت السياره ... وخلصته بساعتين تقريبا

صدمتي كانت في اول سطر قريته.... مذكرات من وحي الخيال!!!!!!!! بحسب عرفي ومعلوماتي المتواضعه ان المذكرات تكون عن حياة الكاتب او شخص معين حياته الخاصه ومواقف معينه واقعيه....!!!!

سؤالي للكاتبه : هل يوجد مذكرات خياليه ... انتي كاتبه وممكن تعرفين اكثر مني؟!!؟؟
يعني اعتقد لو مسميته بنت بطوطه وبس يمكن كان افضل!!

الكتاب بشكل عام ما اشوف منه فايده... ومالقيت فيه المعلومه اللي ممكن يأخذها القاريء او يستفيد منها

معلومات عامه معروفه جدا جدا ... ومافيها اي جديد

فريتي العالم وكل مره تمدحين الاسلام اقول هذا المجهول اللي ادورينه ممكن ... تردين تقولين مالقيت ضالتي مالقيت اللي ابيه!! وتأجلين المجهول للجزء الثاني اللي مااتمنى انه ينزل!! وما اعتقد بتأجيلج لمعرفه المجهول فيه شيء من التشويق ابدا ابدا ... قاعده تسحبين القارىء فقط عشان يقرا كل الكتاب وبس!!! واعتقد انتي اصلا مافيه شي ادورينه!! : )



مع احترامي لج الكتاب جدا جدا جدا جدا سطحي ... ومافيه اي اضافه للقارىء واي تشويق

كنت اتمنى تتغير نظرتي للكتاب الشباب الكويتين لكن للاسف انتي زدتي الامر سوء...


اختلاف الراي لايفسد للود قضيه

اتمنى لج اصدارات افضل ... ومااتمنى تنزلين مذكراتج في بلاد العم سام اذا كانت بمستوى هالمذكرات


الكاتب الحقيقي يتقبل النقد مثل تقبله للمدح والاطراء ... ومجامله الاعضاء : ) اللي اذا كان هذا رايهم فعلا في مذكراتج (انها عاجبتهم) فاحنا كنا ومازلنا نعاني من العقول السطحيه في الكويت

واخيرا : انا عرفت المعايير اللي دار بلاتينيوم يمشون عليها عشان يصدرون لاي كاتب كتاب للاسف معاييرهم معايير دار نشر تريد الربح فقط لا تريد انتاج فكر وكتاب بمعنى الكلمه

​

أختي العزيزة

أولاً اتفق معاج بشغلة ان الكاتب يتقبل آراء الأعضاء الحقيقية وليس مجاملاتهم .. بالنسبة لي ما أبحث عن كلمات مثل " واو" " اينن" " عجيب" لأنها وعلى الرغم من انها راح تسعدني إلا انها ماراح تضيف لي ككاتب ولا تخليني ابحث عن نقاط الضعف في كتاباتي وأحسن من مستواي .. فالنقد البناء مطلوب أكيد وركزي على "البناء"


هذي نقطة ..


النقطة الثانية في التنويه اللي أنا كاتبته قايله فيه: المذكرات من وحي خيال الكاتبة واي تشابه بين الاحداث فيها والواقع فهو متعمد ومقصود ... شاللي تفهمينه من هالعباره؟؟


شخصية بنت بطوطة مستوحاة من شخصية الرحالة العربي المشهور "ابن بطوطة" وهي شخصية خياليه أكيد فمن الطبيعي تكون المذكرات فيها خياليه! لكن ما يمنع انها مستوحاة من الواقع ( يعني الكاتب من وين راح ايب أفكاره ؟ اكيد ياخذ بعض الاحداث اللي صادفها او عايشها بحياته او حياة المحيطين فيه ويغير فيها ويبني على أساسها شخصيات مختلفة)

بالنسبة للكتاب اهو طابعه "أدب رحلات" اذا تحبين تسمينه بهالمسمى وليس دليل سياحي .. علشان جذي تعمدت أخليه بس مقالات خالي من الصور لأني أبي أوصل احساسي .. افكاري .. مشاعري ككاتبة وحبيت أخليكم تعيشون مع الشخصية وتعايشون المشاعر اللي مرت فيها والمواقف اللي ضحكتها وزعلتها واوصلها لكم بالحروف والكلمات وليس بالصور ..

ويا اختي منو قالج ان كتابي موسوعة ثقافية أو علمية؟! اهي مجرد مذكرات حالها حال أي مذكرات انكتبت من قبل

عند أنيس منصور كتب كتاب 200 يوم حول العالم تحدث فيه عن تجربته الشخصية في عدة من الدول اللي زارها وكتبها باسلوب بسيط وحلو ودخل معلومات بسيطة عن هذه الدول بلغة مبسطة وسهلة يقدر الكبير والصغير يفهمها وما تكون حكر على فئة معينة فقط

وهم نزل مذكرات شاب غاضب

وفي كتاب غادة عبدالعال عايزة اتجوز هم عباره عن مذكرات تحكي عن مشكلة العنوسه انكتبت بطريقة حلوه وفكاهية بسيطة تدخل القلب

احنا في 2010 منو يقرا للعقادر والا ابي العلاء المعري والا المتنبي؟! انا اكتب لجميع الفئات العمرية وحاولت كثر ما اقدر ابسط الاسلوب واللغة علشان يصير مفهوم للكل .. للكبير والصغير .. وللكويتي والغير كويتي بعد

المعلومات اللي ذكرتها قد تكون معروفة لكن مو سطحية!! مو الكل أصلاً سمع بابن بطوطة والدليل في البعض ظن المذكرات تحكي يوميات فتاة "سمينة" !!

ومو الكل يعرف عن الشعب الكوري والديانة البوذية او عن العادات والتقاليد المختلفة في تايلاند او حتى عن الاحتلال العربي للندن او غيرها انا كتبت "افكاري" انطباعاتي الشخصية ومو بالضرورة تروق للجميع!! الكتاب مذكرات حاله حال اي مذكرات ثانية لاهو موسوعة علمية ولا كتاب ثقافي ..

وبعدين انتي قلتيها مراهق جدامج ياي يشتري كتاب ( اول شي حلو لما تشوفين شباب من الجيل الجديد حابين يقرون ويتجهون للقراءة ) فما تروحين تكرهينهم فيها من البداية وتخلينهم يقرون مواد دسمة ولكتاب كبار!! كلنا بدينا نقرا بعمر المراهقة وما ابتدينا بقراءة كتب لطه حسين او للعقاد! صح؟

ومع احترامي لشخصج مثل ما قلتي الصراحة حلوة ومطلوبة أكيد بس ترى في فرق بين الصراحة والوقاحة .. وفي اسلوب حوار توجهين فيه فكرتج او نقدج باسلوب جميل ومهذب وانا انصحج تشترين بعض الكتب من هالنوع في فن التعامل مع الغير وفن الانتقاد واصوله من المعرض لأنه فرصة ووايد مكتبات مشاركة ..


وبعد حابه اوضح نقطة ..

انا طابعة وناشرة الكتاب على حسابي الخاص وما اتبع دار بلاتينيوم للطباعة والنشر ولكني أوكلت لهم مهمة التوزيع في المعارض فقط .. وكونه اول اصدار لي وتعبانه شوي عليه وما نمت الليل احيانا بسبب المحاتات اقل شي انتظرة كلمة " يعطيج العافية او عساج على القوة" ومافي مانع لو ارفقتيها ببعض الملاحظات والانتقادات اللي الهدف منها تطويري وتحسين مستوى كتابتي ..

انا كنت بصدد مجموعة قصصية وفعلاً بدأت فيها بس ما نزلتها لعدم انتهائي منها ولعدم قناعتي التامة بالمواضيع اللي كتبتها وفضلت تأجيلها لوقت لاحق بس بما اني كتبت في مدونتي بعض المواقف والطرائف من الغربة ولاقت استحسان كبير وحبوها الناس ونزلوها جريدة الوطن مرتين ، فكرت اكتب كتاب بنت بطوطة واشارك الناس افكاري وانطباعاتي عن بعض الدول وحرصت اني ابتعد عن الامور السياحية واركز على الجانب النفسي والمعنوي .. والحمدلله لحد الآن في اصداء حلوة عن الكتاب وصلتني عبر المدونة والايميل .. واسأل من العلي القدير التوفيق ..


قبل لا انهي كلامي .. في الجزء الثاني من كتابي راح أكتب عن أمور وايدة وراح اوضح المجهول اللي كانت تبحث عنه بنت بطوطة وباكتب المذكرات في بلاد العم سام وتجاربي اهناك .. واكيد لج مطلق الحرية في انج ما تاخذين الكتاب وتبتعدين عن الكتب اللي يكتبونها الشباب الكويتي وتقرأين لكتاب انتي ترتاحين لهم وتحبينهم أكيد ..

بس هم احب اقولج الشباب الكويتي يطلع منهم ومبدعين والجيل الحالي قاعد يتجه للثقافة والقراءة وكل جيل يحب يقرأ لجيله لأنه اقرب له بالتفكير والمستوى وهذا لا يعني ان عقول الكويتين سطحية او فارغة ولكن مو من الضروري انه "نتفلسف" على خلق الله ونبين ثقافتنا !

وبالاخير هذا موضوع للنقاش وان شاءالله اكون وفقت بالرد على جميع استفساراتج ووصلت لج وجهة نظري بعد

كوني بخير


​

 

[Tom ♥ Jerry]

.


حبيبتي الله يهديج / هاذا أول اصدار لها
و أول تجربه لها بالكتآبه ..
أوكي لأ تشجعينهآ بس على الاقل " النقد البنآء " !

و بعدين رآيج مجرد " رآي " لا آكثر و لا آقل ..
و لكل شخص وجهه نظره !
انا مآ قريت الكتاب ليلحين لأني مشغوله و مآ رحت معرض الكتاب اصلا .. !
آن شاء الله اروحله و اقول رايي بكتاب أختي أبرآر ..

حتى لو مآ عجبني مآ أنزل موضوع و اقول رآيي فيه بدون احترآم لمشآعر البنت
تخيلي أنتي كآتبه كتاب و أول كتاب تكتبينه .. يعني تبين ناس تشجعج
و اتييلج بنت تقول الكتاب فيه جي و جي و جي ×××
خطأ خطأ خطأ .. أوكي الكآتبه تتقبل النقد و صدرها وسيع
بس مآ تتقبل التجريح .. (= !
على الآقل جان قلتي رايج بكل هدوء و خليتي نفسج ريلآكس
و دزيتيلها رساله خآصه أو كتبتي الموضوع بطريقه حلوه
تقدر آلكآتبه تستفيد من نقدج بالمرات اليايه (=


.

مآدري شقول أكثر ..


آنتي حتى اسلوبج يبين أنج معصبه !!!!!

 

[**Fola**]

ما عندي زياده على كلام الكاتبه ...

وانا اقولج معلومه ... قبل لما نروح المعارض او ندخل
اي مكتبه نطلع ايدنا فاضيه !! لان اغلب الكتب الموجوده
لكتاب كبااار فطبيعي اسلوبهم يكون شوي صعب علينا كمبتدئين من
اول صفحه نقراها نسكر الكتاب لان مو فاهمين شي !!!

الي صاير الحين ان الشباب الكويتي كفو و وفو ...
صارت الكتب مسليه ومبسطه ... الكتاب صار بايد الكبير
والصغير اوك يمكن اسلوب الكاتبه ما عجبج او تشوفين الكتاب ما منه فايده
بس هذا عالمدى البعيد مفيد شوي شوي عقليه الشباب الكويتي قاعده تتفتح : )
ماشاء الله كل رواد المكتبات صارو من فئه الشباب ...

هذا اول كتاب لج ابرار و اكيد راح تكون في انتقادات بس ابصم لج عالمدى البعيد
عقب 5 سنين او 10 سنين اسلوب الكاتبه راح يكون غير مع الممارسه : )
واذا هاذي بدايتج وكتجربه اولى لج فاكيد مع الوقت راح تكونين من احسن الكاتبات : )
قريت مقتطفات من المذكرات ... وشكلها يشوق : ) بالتوفيق ان شاء الله
​

 

[BlAcK_Witch]

بنسبه لنقدج يا اختي بسطحيه محتوي الكتاب هذا ختلف من شخص لاخر انا رفيجتي اشترت الكتاب وقريته .. مشروع اني اقراه مره ثانيه لاء
بنسبه لرفيجتي استانست عليه تقول يناسبني لان خفيف
انا احب يكون معللومات وايد بالكتاب حتي للو كان مذكرات لان اغلب الكتب الي اثرت فيني مذكرات .. اذا اقيم الكتاب اعطيه 2 ونص من5 محاوله اولي من الكاتبه اعتبرها افضل من غيرها بوايد كونها دششت شخصيتين بن عاقول وبن بطوطه اذا دل يدل علي انها بتحاول تتميز بخط معين خاص فيها واتوقع مع الممارسه بتكون وايد افضل ع الاقل احسن من كتب(بس تحجي عن سوالف البنات وفضايح ماللها داعي جنه ماندري عنها )
اذا بتقولين بنت بطوطه او بنات رياض انا اقولج بنت بطوطه اكيد
واسفه ع المقارننه اختي الكاتبه بكتاب سخيف بس توضيح لفكره معينه
لان كتاب بنات رياض فتاح الباب لكتب الفضايح والسخافات المجتمعيه وسوالف القوسب والقيل والقال وهذا مو رأي بس الي تابع تحول مسار الكتاب وخروج كتاب وايد يديد فكرتهم الفضايح
فاا انا اشد ع ايد بنت بطوطه واقولها تتميز اكثر وتتعمق اكثر وانا متأكده بيطلع منها شي وايد حلو بس شوي تكون شخيه كتابيه اكثر ابتعاد عم افكار المجتمع السائده ودشش جم حبكه تاريخيه من تاريخ الدوله مثلا بالموضوع بدراما خاصه فيها
اما عن دار بلاتينيوم انا من قرأ الرعب وانا ممتنه لهم ان قاعد يوفرون هنوعيه ولهم ايد بانطلاقها بكميه كبيره جذي وصار لادب رعب كورنر خاص فيهم وقوي
اهيا دار نشر اكيد ربح موجود بحسابتها بس لاء تحكمين ع دار من كتاب لان في كتب رائعه نزلت منهم ومن افضل الكتب عندي
اقلها ع قولت الاخت زبده ان روايه دراكولا الي شجعتني اشتريها من ترجمتها تعتبر افضل ترجمات
اقدر انج اتخذتي خطوت نقد ... وكل انسان اكيد كا بدايه يرتكب اخطاء النقد البناء حلو وتكسير المياديف جريمه ادبيه
اذا حبيتي تقدرين تاخذين مقاطع او بند معين عشان تدعمين كلامج اكثر
وعطاري كتاب يضحك هذا نوع من التسويق نفس تسويق ترهيب
انا اذكر اول كتاب قريته عطتني اياه مدرسه قالت كتاب بيخليج تسرحين وايد ... وكانت قصه من المكتبه الخضرا وعلي ايده انا الحين من مدمنين القراءه

 

[Simply_The_Best]

رد : مذكرات بنت بطوطه ... رأيي فيها ... !!!!!!!!!!

بنات
أحسن شي نسويه إن ما نشترك بهالموضوع و خلوه إليما ينزل ينزل ينزل تحت إلى آخررررر المواضيع و يختفيييي
لأن موضوع و راي تافه و لا يهم أحد
اووو نسيت ! يا صاحبة الموضوع إشرايج تدخلين بلقبج القديم
توها ما عدت ال ١٠ مشاراكات بالمنتدى و لسانها اشطوله لوووول

 

[law love]

اول شي انا ما قريت الكتاب

لكن الي حبينت اقوله ان انا احب ابرار كراونه عضوه معانا بالمنتدى لا اكثر و لا اقل يعني انا ما اعرف ابرار اعرف راونه بسس


اسلوب النقد الي كتبته حور ما اعتبره جارح لكنه لاذع بعض الشيئ


اسم الكتاب يوحي بان الكاتبه تذكر مذكراتها بعدد من الدول الي زارتها اهيا او البطله بالواقع ممكن تكون البطله اهيا نفسها الكاتبه و ممكن تكون لا لكن الي مو ممكن ان تكون المذكرات خياليه لان ماكو ذكرى من الخيال


النقطة الثانية في التنويه اللي أنا كاتبته قايله فيه: المذكرات من وحي خيال الكاتبة واي تشابه بين الاحداث فيها والواقع فهو متعمد ومقصود ... شاللي تفهمينه من هالعباره؟؟



جنج اتقولين ان الكتاب مزج بين الخيال و الواقع لكن هالشي ما ينطبق على مذكرات للاسف
و هالعباره دايما تستخدم للهروب من شيئ معين و جنه الكاتب يبرئ نفسه من بعض السطور الي كتبها



و مثل ما قلتي انا اصلا ما كنت ناطره ان الكتاب يحتوي على معلومات سياحيه او تثقيفيه لا لان ماكو مذكرات تثقيفيه
الي انطره من الكتاب ان يعيشني جوو مع البطله و يحسسني بمشاعرها مع اختلاف الزمان المكان و ممكن يكون وراء المذكرات هدف ترغب الكاتبه بايصاله او نصيحه محدده
و اتمنى يتحقق هالشي اول ما اقرى الكتاب



وارد و اقول ان هالموضوع لازم ما ينزل تحت مثل ما انتو تبون لا لازم يضل مرفوع عشان الكاتبه تسمع كل انواع النقد و تستفيد للمستقبل



و ناطره الكتاب على احر من الجمر

 

[Simply_The_Best]

رد : مذكرات بنت بطوطه ... رأيي فيها ... !!!!!!!!!!

لا؟؟؟؟؟ خوش والله تغلطون على البنت و تفهمون الناس انها تافهه و سخيفة و ان كل تعبها ما لا قيمة و تبونها تسكت ؟ على اساس اتعلم ؟ اشهالتعليم الي ما ايي من وراه الا القهر و الاحباط
والله لو وحدة منكم كاتبين عنها هالكلام جان قومت الدنيا !!!
تسمين التجريح انتقاد لاذع ؟

خلاص لا اتكرمون عليها و تقرونه خلينا حقكم الكتب الثقيلة !!

حبيتي الاستفادة تكون باصول الحوار و ادب مو بقلة الادب و الغيرة !!

 

[law love]

رد: رد : مذكرات بنت بطوطه ... رأيي فيها ... !!!!!!!!!!

لا؟؟؟؟؟ خوش والله تغلطون على البنت و تفهمون الناس انها تافهه و سخيفة و ان كل تعبها ما لا قيمة و تبونها تسكت ؟ على اساس اتعلم ؟ اشهالتعليم الي ما ايي من وراه الا القهر و الاحباط
والله لو وحدة منكم كاتبين عنها هالكلام جان قومت الدنيا !!!
تسمين التجريح انتقاد لاذع ؟

خلاص لا اتكرمون عليها و تقرونه خلينا حقكم الكتب الثقيلة !!

حبيتي الاستفادة تكون باصول الحوار و ادب مو بقلة الادب و الغيرة !!

لا لا محد غلط على الكاتبه ومحد قال ان اهيا تافها و سخيفه !! و لا تدخلين الي قلته بالي قالته الي كتبت الموضوع انا مالي اي علاقه فيها و لا يبت طاري انها تافها او سخيفه

و اصلا انا مو واقفه بصف احد بهالموضوع

وبعدين ابرار لازم تواجه كلشي و محد طلب انها تسكت بالعكس المفروض تتكلم و ما تسكت عيل شبتسوي بالمستقبل اذا من اول كتاب وانتقاد بتحبط

وليش قهر و احباط يعني اهيا شنو كانت متوقعه الكويت كلها بتوقف و تصفق لها اكيد لا في ناس بشوفونه عجيب و ناس بتشوفه مو حلو كل واحد ورايه لا يمكن الناس تجتمع على راي واحد


وانا اصلا ما قريت الكتاب عشان اقيمه لكن انا قيمت ردها و بينتلها الواحد ليمه يسمع عن الكتاب شنو يتوقع منه و ان العنوان نص الكتاب برايي




و الله يسامحج انا قليت ادبي ؟ اذا اي بشنو ؟

الصراحه خليتيني اتحسف قد شعر راسي اني كتبت حرف بهالموضوع الله يسامحج كدرتيني باسلوبج بالرد

 

[حياتي فراغ]

رد : مذكرات بنت بطوطه ... رأيي فيها ... !!!!!!!!!!

اولا
في شي ابي اصححة

ابن بطوطة مو شخصية خيالية ...

عــفوا الكاتبة بالردود كاتبة أنها شخصية خياليه ...



ثانيا

أنا عكسج تماما
في البداية كنت اقول أن الكتاب العرب فاشلين
بس بعد ماقريت رواية 2012 للكاتب فوزي صادق تغيرت نظرتي
و قمت اشتري كتب لكتاب عرب
وانصدمت من قوة اسلوبهم و ثقافتهم و طريقة كتابتهم
بصراحة يستاهلون التشجيع
و على فكرة دار بلاتينيوم تشجع الشباب
و حتى لو كان في اغلاط فهذا شي عادي
نجيب محفوظ و احسان عبدالقدوس ترى ما اشتهروا إلا بعد سنين ...
و اسلوبهم تطور تدريجيا
انتي تبين الكاتبة من اول مره تصير باولو كويلور

ترى حتى الروائيين العالميين ... ما بدعو إلا بثالث او رابع رواية


أختي ابرار

قطي هذا الموضوع ورى ظهرج و استري و ابدعي ...
اذا في وحدة انتقدتج
ترى في عشرة امدحوج

 

[عيون منوعه]

في أساليب للنقد أرقى بواااااااااااايد من جذي

أول شي انتي ذكرتي السلبيات .. لكن ما ذكرتي الايجابيات الي فيه

آنا أحب و أعشق الكتب من الشباب الكويتيين الي توهم بادين في مسار الكتابه

و مافي شي كامل الا الله سبحااااااانه

بس انا قريت شووي اول باب !

و اهي مو مطالبه انها تحببج بالكتاب .. تاخذ راي الاغلبيه ^^

و الصراحه عجبني حييل و اسلبوها بالكتابه رااااقي

و اول ما شفتها الصراحه انسانه حبوبه و ما تغيرت نظرتي عنها بـ ورى الشاشه .. ..

لأنها فعلا .. نجحت و انا ما ابي احكم على الكتاب قبل لا اخلصه لكن رفيجاتي شرو الكتاب و حبو حيييييييييييييييل حييل

و آنا اشجعها انها تكمل لأنه بدايتها قمه ماشاءالله و أحب احي الكاتبه أبرار الغصاب على كل كلمة كاتبها

و الغلاف الصراحه شي شي ماشاءالله

و انا مااااا اشوف شي يحر بالموضوع .. ما عجبج ما عجبج و اذا في شي تبين تقولين لها " بالخاااااااااص " ماله داعي علني

و لا تشوفين الكتاب بـ عين الذبانه .. تشوفين كل شي مو حلو و غلط < اذا جذي اكيييييييد ماراح يعجيج

:>