رد : رد: مراهقة !! 
على طول دمعتي على خدي ..
و على أي شي ابجي ..
و أحس بالنقص و ماكؤ لا ثقه بالنفس و ولا شيء
و تحرك العاطفه
والله مادري بعد شنو أقول
و مشكورين لأنكم رديتوا و الله يعطيكم العافيه : )
بقولج نصيحتي لج وان شاء الله تمشين عليها
انا اخيس ايام حياتي كانت المراهقه والله
لاني كنت نفسج دايما دمعتي على خدي والله على اسباب اتفهه من التفاهه نفسها
وكنت والله نفسج ما عندي ثقه بنفسي و كان اي شخص يمدحني ما اصدق
لاني ما عندي ثقه بنفسي
والصراحه بعد كنت بعيده عن اهلي و كان كل وقتي ارفيجاتي يوم كنت اقعد مع اهلي كان بالي مو معاهم مع ارفيجاتي حتى لدرجه اني ما عطيت لنفسي فرصه
اني احاول اقعد معاهم اكثر من رفيجاتي
وكان تفكيري الصراحه تافه والله اعترفلج كان تافه تفكيري سطحي واهتم بشغلات تافه مثل ( اشوف هاذي احلى مني - اتابع فنان شنو يسوي بكل تفاصيله - نقعد انا و رفيجاتي انقول عن فنان اشحلاته )
والله والله والله ثم والله اني حمدت ربي اني عديت من هالمرحله
و صج تعلمت منها شغلات وايد مثل انه اهلي فوق كل شي
فوق نفسي فوق ارفيجاتي فوق الدنيا كلها
لانه بالاخير والله انه ارفيجاتج الي قاعدين معاج الحين بيخلونج و بتبقين بروحج وماراح تلاقين غير اهلج مادين ذراعهم لج عشان يظمونج ويحمونج و يكونون معاج
قعدي مع اهلج اكثر ما تقعدين مع ارفيجاتج خلي اهلج اهم ربعج
حاولي اتحافظين على صلاتج
حاولي انج تثقين بنفسج وخلي عندج عزة نفس ولا ترضخين لحد لو مهما كان
ونصيحه نصيحه نصيحه من اخت ديري بالج من الرفيجات الي يشدونج لطريج الخراب والمصخره
لا تغارين من وحده اتقول انا هذا فلان معجب فيني ولا هذا فلان ما عطيته ويه
سوالف المصخره هاذي وتلاقينها مفتخره
هاذي والله وحده تكسر الخاطره وبعدين بتبجي على حظها
ادري طولت عليج بس من كثر ما ودي انصحج قرقرت وايد
