مراهق ثلاثيني :@

[شاردة الذهن.~]

مرحبـا بنات اخبااركم ؟.!

ما راح اطول عليكم .. الله يسلمكم المشكلة تخص اختي الي اصغر مني
البنت عمرها 16 سنة و تدرس بمدرسة خاصة و نظام مدرستهم من الروضة للـ12 للبنات
و من الروضة لـللصف الخامس للصبيـان " مع بعـض "


تقول عندهم صبـي بخامس ابووة يجي ياخذة من الهدة و يودية الصبح بعد

بداية سالفتهـا شافها ابو هالطالب و اهي بالباص كانت مبطلة الدريشة و الابو كان صافط و معاة ولدة و تقول
الابو قاعد يأشر علي و يكلم ولدة و مبين يتكلم عنها و الولد يجاوبة و تقول مبين من طريقت خزة انة مو صاحي

عالعموم اهيا نست السالفة بعد اسبوع لقت الابو صافط برا المدرسة بس الغريب ان الولد كان غايب و تخيلو لحقها
لما وصلت البراحة الي تصفط فيها الباصات .!!!!!!!

تقول مرات الصبح اشوفة ورانا و بالهدة بعد .. استمر من بداية السنة ليومكم هذا
مع العلم ان مرات الولد غايب بس يلحقها ورا الباص للبيت مرات

انا كل هذا ما همنـي لان سوالف عادية و تحصل دايم بس قالت لي موقف خرعني
تقول لما راحت مرة البراحة مالت الباصات .. باصهم كان صافط اخر البراحة و كان لازم تمر بين باصين و بعدها تركب باصها
تقول لما مرت بين الباصين اهوا صكر عليها الطريق عشان ما تمر .!!!!!!!!!! تقول فجأة طلع ما انتهبت لة و بطل الجام
و قعد يحن عليها طبعا اهي ردت المدرسة من الخوف و اتصلت على البيت عشان نطرش السايق

فشرايكم اتكلم و اتصرف و لآ لانة ما تمادى اسكت خاصة ان ما مسكت علية شي .!!

مع العلم اهو مو كبيـر حيل حسب كلامها نص الثلاثينات :nocommint:

 

[Tom ♥ Jerry]

.


انا اقول خل توقفه عند حده !
خل تقول حق ابوها السالفه هاذي شكله مو هين و صج مو صاحي !
حمد لله و الشكر عمره بالثلاثين و هاذي تصرفآته :×
قليل آدب @@@@ !


.

 

[نهايتنا قبر و موت]

يبيلة احددد يوقفة عند حددة بسسس خوفج اتكلمين ابووج ويعصب لانة الرياجيل ما تنقالهم هسوالف ..~

نششششوف اراء البناات ان شاء الله تلقين حل

 

[بـ سـ كـ وتـ ة]

رد : مراهق ثلاثيني

لا حبيبتي لااااازم توقفونه عند حده

إذا كل هذا وليلحين ما تمادى عيل اشلون يتمادى

ديروا بالكم منه هذا شكله مو صاحي وساعدي أختج قبل ما يطيح الفاس بالراس

 

[~خطر~]

قليل ادب قطيعه

علمي اهلج

 

[ام الدرر]

أكيد لازم تقولين لامج او ابوج
وخلهم يروحون بالهدة ينطرون اختج من بعيد
ويراقبونه والاحسن يصوره ابوج عشان ماينكر
وعقب يتصرف وياه يايكلمه او يبلغ الشرطة​

 

[وصيّه جــــابر]

رد : مراهق ثلاثيني

من صجج خلي تقول لامج ولا لابوج..
وخلوا سايقكم مع الخدامة يجونها اول مايطق جرس الهدة اهم بره
والله خفت يضبط راعي الباص ولا شيء .. و يسوي باختج شيء بسم الله عليها

 

[ســتارز]

لازم احد يوقفه لانه قاعد يحلم ومو حاس بعمره

 

[سيدة الكويت]

رد : مراهق ثلاثيني

ريال شايب كبر ابوها لازم تبلغ عنه امها

 

[منال القلب]

رد : مراهق ثلاثيني

قولوا حق ريال عندكم يوقفه عند حده قبل لا تروح اختج بشربة ماي
من صجج بعد تفكرين تقولين حق أهلج او ما تقولين؟ اكيد لازم تقولين هذا شخص خطير وممكن بأي لحظة يسوي شي بأختج اسمالله عليها

 

[ضحـاوي]

اذا متأكده لازم تقول لاهلها

 

[pretty sarona]

خل تشتكي عليه بالمدرسه او تعلم اهلها

 

[Princes Fro7a]

بوالولد مبين عليه مريض نفسياً الله يشافيه ويصبر ولده عليه !

وياعزيزتي هالامور ماينسكت عنها وترى كثر الدق يفج اللحام يمكن يفر عقل اختج
هالشيبه مبين عليه موهين

قولي السالفه حق امج تتفاهم معاه لان لو دشو فيها ريايل بتكبر السالفه وايد
تدرجو بالهداوه اذا مانفعت وياه امج كلموا ابوج واخوانج
ديربالج تكلمينه انتي لان يعرف وين بيتكم خوفج تحاولين تكلمينه واتفاهمين وياه يحول عليج وتبتلشين فيه

 

[!الجادل الصعب!]

رد : مراهق ثلاثيني

يآشين هـ الاشكآل .. انا بمدرسة صبيآن واشوف اوليآء الامور الي كل يوم لآزقين بالابلآت يعني نحب عيآلنا وعيونهم تلآقط يمين ويسآر ..
آقول لا تسكتين عنه وعلمي الادآره هذا حقير والبنت صغيره لا يلعب بعقلها ..

 

[[[ عيون جابر ]]]

واي مالت عليه لاتسكتون عنه لازم يوقف عند حده مستهتر

 

[منيرة خالد]

لازم تكلم احد بالادارة وتبلغ عنه >>> ترا الادارة حريصين ويخافون وراح يراقبونه واذا صج متعمد راح يكلمونه


واذا ما صار شي بلغوا الابو او الام


صراحه هالزمن مرعب وينخاف من الكل ما تدرين عنه يمكن محشش والا مريض نفسي


الله يحفظ اختج

 

[*الشيـــهـانـة*]

مالت عليه
كثرو الذئاب البشريه يبيلهم ذبح​

 

[خيآليه]

رد : مراهق ثلاثيني

يمــه

هذا اول شي يراقبها والحين حكرهاآآ

اكيد لاتسكتيين , وقفيه عند حده قبل لايسوي فيها شي او يخطفها لا سمح الله

كثيير اللي ماعندهم ضميير الحين

 

[طموحه بزياده]

لازم تقول لأهلها



قبل لا يطيح الفاس بالراس

 

[al-musk]

رد : مراهق ثلاثيني

ديري بالج لا يتمادى على اختج من البدايه قولي حق ابوج او اخوج يروح وقت الهده ويوقفه عند حده ولا اشتكوو عليه