مربي أجيال إلا معقد أجيال حسبي الله عليه

[أم الفيصل]

أخواتي الكريمات / انا ولدي عمره 10 سنوات ولله الحمد بصحة جيده ولا يعاني أي أمور صحيه أخررى سوى انه بعمر الثلاث سنوات لاحظت عليه التأتأه بالكلمات وتروح وتجي المشكله حسب ما يكون خايف ووالله ما ادري ايش السبب لكن اشك بشغالتي الاولى المهم انا حريصه عليه زياده عن اللزوم وهو راح للمدرسه ولا تقبلها فترجع له التأتأه بعض المرات ولكن الآن مستمره معه من سنه ما ينطق الكلمات بسهوله وبعض الحروف يكررها كذا مره اتجاهلت الامر قلت يتحسن ولكن ما اشوف ذاك التحسسن والقهر انه اليوم بالمدرسه قال له الاستاذ اتكلم فهو ما قدر ينطق الكلمه واتلعثم وللاسف قام يقلده بطريقة سخريه والاطفال يضحكوو عليه بصراحه قطع قلبي :eh_s(2):
حسبي الله عليه من مدرس الله ينتقم منه كيف يعامل طفل كذا واللحين دخل البيت وزعلان والمشكله ليته يبكي يكتم بنفسه ويقول لي انا اكره استاذي هذا :eh_s(4):

بنات الله يخليكم انا بحثت عن موضوع ولدي كثير انا ادلعه احيان واقسى عليه احيان معيشته بكل الاجواء مثل اي طفل عادي لكن مشكلته محزنتني
ياليت اللي تعرف طبيب متخصص بمثل هاذي الحالات انا اروح له بأي بلد مو مشكله بس الاقي نتيجه لانه منظره وهو مقهور كسر قلبي ..
اما الاستاذ فحسابه مع مدير المدرسه :rgewrg:


فيدوني الله يخليكم

 

[miss_uk]

كتبت لج موضوووع شكبرة ونمسح

مستعيله لازم اروح بس لي رجعه

مبدأيا اقري
http://www.lakii.com/vb/a-9/a-152963/
او كتبي بقوقل

علاج التأتاة عند الأطفال
اعاني مثلج بس ولدي توة ٤ سنين
ومكلمه المدرسه والعايله والكل محد يعلق لانه علاجها انه يوثق ينفسه لين يتحكم بالتأتأه
وطلبت من اختصاصي يعالجه بالبيت انه الدكتوره رفيجتي ما يدري انها معالجه
بس طبعا هذا مو بالكويت انا ببريطانيا
ان شالله البنات ينفهونه لاني برجع الكويت وبستمر بالعلاج*

 

[أم الفيصل]

الله يرزقك ويسعدك ويخلي لك ولدك بصحه وعااافيه

آمين
وأخبرك أني والله مهتمه بكل التوصيات وأطبقها لكن للأسف يجي واحد وينكس كل المجهود اللي بذلته مثل هالاستاذ
لأنه بطريقته نبهه انه فيه مشكله عنده ولاهو مثل البقيه انا خوفي بكره الطلاب يمسكوها عليه ..

مشكوره أختي الله يحقق لك كل مبتغى يااااااااااب

 

[Ibelievein God]

يا تكلمين الاخصائية وتيبين لها ان قاعد يتعالج او تنقلين ولدج لان اذا كره المدرسه ماراح يتطور حسبي الله عليه اللي مايخاف الله

وانتي دايما رفعي معنوياته ولازم تثقين بنفسج لا تخلين واحد نفسه هذا يفسد عليكم ولدج مافيه شي وايد ناس نفس حالته بس ماشاء الله اتحسنوا والسبه الثقة بنفس وحتى لو احد يطنز عليه قولي له اضحك ماما عادي لانه اذا بينتي له هذا عيب فيه راح تتردد حالته

وان شاء الله يتحسن بسرعه

 

[miss_uk]

هلا فيج ويوفقً عيالج ويصلحهم

انا ولدي للحين ما يدري انه يتاتا لانه للحين واثق من نفسه ومنطلق وتلاقينه فترة يتاتا بس خفبف وفجاة يومين ماتكلم عدل

التوصيات كانت انه كل يون نقعد وياه بس ياخذ راحته والاهم انا قاعد اكلمه اهوا واخته بالبطيء

خايفه ارد الكويت والاهل ولا اليهال يقولوله شي مني مناك بعد مايصير امنعه من الكل بس بحاول اكون مراقبه من بعيد...

الله يسامح هالمدرس حتى لو ما كان مدرس اخلاقيا مايصير حمدالله والشكر

مايخصبق الطلاب الا اشكال هالمدرسين اللي ما يعرفون اخلاقيات المهنه الله يهديهم

 

[أم الفيصل]

Ibelievein God

miss_uk

مشكوره خواتي الله يسعدكن بالدارين يااااارب ويحقق لكن كل مبتغى آمين

أخبركم ايش صار

انا وابوه شكينا على مدير المدرسه وبصراحه انصدم جداً من اسلوب المدرس وانقهر اكثر منا خاصه انه دارس الجوانب النفسيه للطفل وبصراحه كان قمه في الايجابيه معنا وكلم ولدي وقال له كيف صار الموضوع وولدي اتكلم معه وتأتأ بكثير من الكلمات لانه كان مقهور لكن هو كان يهز راسه ويتفاعل معه وقال لولدي تحب تكون مدير مدرسه ؟
قال له ولدي ايوه احب .. قال له أن شاء الله يوم الأحد الجاي أنت مدير المدرسه وراح يكون قرار المدرس هذا بيدك يعني لو تحب ننقله او نخصم من رواتبه او اي عقاب ثاني انت أكتبه وانا اعتمده وراح اوقع واختم لك عليه بختم المدرسه ويرفق مع شكوة الوالد لان زوجي قدم شكوى فيه .

بصراحه ولدي فررررررررررررح مره وانبسط وقال لي ياماما انا راح انقل الاستاذ هذا .
كان المدير يتكلم بجديه وكان اسلوبه راااقي ومره متعاون والحل اللي قاله كان مفاجئ لي ولولدي
جزاه الله خير ..

بصراحه فيه شخص يرفعك لفوق ويحب مصلحتك ويراعيك وشخص العكس
الله يكثر من امثال هذا المدير ووالله اني ادعي له من كل قلبي الله يرزقه ويفح له دروب الخير قد ما ساعد ولدي وجبر كسره . آمين

وانتم يا خواتي الله يسعدكن ولا يحرمني منكن

 

[جناوي82]

كسر خاطري ولدج بس شوفي ابي اقولج شغله واهي دخلي ولدج نادي كراتيه او اي لعبه للدفاع عن النفس وانتظري عليه جم شهر وشوفي شخصيته شلون تتغير وثقته في نفسه شلون تكبر ماراح يتعلم الطق لا راح يتعلم الانضباط والجلد جربي

 

[miss_uk]

ام الفيصل وااااايد استانست من الكدير رد لولدج ثقته بنفسه اشهد انه هذا المربي الناجح

الله يكثر من امثاله ووفق ويرزق له عيال الحلال ويبارك في ذريته
روووح يا مدير يا ولد ام المدير الله يوفقك

حبيبتي لا تحاتين انتي ام واللي متعب نفسيتج انج شفتي ولدج بهالحاله

ولدج يبيله يعرف شلون يتعامل مع التأتأته ان شالله ولدي بعد يا عمري عمرهم

المشكله انه اهوا ما يقدر يتحكم فيها بعفويه معقده السالفه ماراح نحس فيهم لانه عمرنا ما تأتأنا

اللي قررته اللحين اني اتقبل ولدي واطبق اللي قالوه المعالجين وبخليه ثقته بنفسه عاليه الله يوفقه وليدي حبيبي
قسمن بالله من يبت هالولد واهو ينحط على الجرح يبرا ما عمرة اذاني ولا تعبت معاه سبحان الله لكن الله كاتبله هالشي ولنل متقبله نصيبي وهذي مو اخر الدنيا ان شالله يعيش حياته مرتاح مرضي رربه ووفقه
شفيني شطيت على وليدي فيني نقص لاني كلش ماحب اتكلم عنه بس اطالع واذكر الله

 

[بقلبي انت]

انا نفسج بعد ولدي عمره ٥سنين وفيه تأتأه فجأه جاته كان يتكلم عادي بس مادري شصار فيه
بس انا متبعه معاه قاعده اني مااصارخ بوجهه ولا اهاوشه بصوت عالي واخليه ياخذ راحته بالكلام ما اقاطعه
واكلمه شوي شوي ومعلمه خواته نفس الشي ولا احد يضحك او يقلده
لما يتكلم معاي احيانا ينسي الكلمه ويوقف فأقوله قول اعوذ بالله او بسم الله عشان تذكر الكلمه
واخذها عاده لما يتكلم يقول بنص الكلام اعوذ بالله من الشيطان الرجيم
بس والله خايفه عليه السنه الجايه اولي ابتدائي اخاغ يضحكون عليه الطلاب وينتكس
يارب تشفي عيالنا يا كريم

 

[قطعة حلا2]

حسبي الله عليه من مدرس وعجبني المدير صراحه مع ولدج...

انا بعد اعاني من مشكله نفسكم لكن الفرق بيني وبينكم اني انا سبب هالمشكله وهي اني كنت اصارخ في وجهه ولدي وعمره كان سنتين يعني اول مابدا يتكلم وينطق وهالشي اثر عليه في النطق وحييييييييييييييييييييل زعلت من نفسي وعمر ولدي اللحين 4ونص
والله يابنات انه مؤدب وطيب بس انا خبله انا جننت ولدي لاني كنت تعبانه ذيك الفتره بس اللحين وليدي يتأت وماينطق زين وقلت
اما اني اعقل وامسك اعصابي ولا اخلي الولد يعيش مع ابوه لاني جد جد قررت اني ماعاد اصارخ فيه وجهه واللحين الحمدالله مدخلته حضانه خاصه انجليزيه والمعلمات يمدحونه وقالولي اني لازم اساعدهم وماصارخ عليه لانه الولد صار عنده خوف من الصوت العالي...وعسا ربي يشفيه ويشفي عيالكم,,,وتكفون خلونا نمسك اعصابنا شوي ونساعد بعضنا ...واختي تقول انه اكل العسل الاصلي يخلي الولد ينطق عدل,,,

 

[miss_uk]

انا عمري ما صارخت ولا طقيت ولدي وهم في تأتأه بس كنت وايد اركز عليه عشان كن ابيه يتكلم

 

[@ كويتيه @]

حسسسسسسسبي الله على المدرس الا على قولتج معقـد اجيــال مادري شلون وصل لهالمسستوى

والمديـر كفـو عليـه ..

وولدج لا تحاتين انتي والاخت مسك الثانيه ولد اختي كان جذي والله من كبر وبلغ صار طبيعي وترك التأتأه

وبالتوفيق :*

 

[أم الفيصل]

مشكورات اخواتي الله يجيب لكل وحده مبتغاها ورجاها من رب العالمين آمــــــــــــــيــــن
ولدي اليوم راح للدوام وسألته عن المدرس قال انه حضر وعادي معه بس لاحظت انه زادت معه التأتأه وصار يتكلم ويفضفض عن نفسه بكثير كلام وتركته على راحته وبكره راح يكون هو مدير المدرسه جهزت له اغراضه وكويت له غترته وان شاء الله ينبسط .
اللي لاحظته فينا يا اخواتي انه أحنا شديدات الحرص على عيالنا يمكن علشان كذا طلعو حساسين ولا يتاقلمو بسرعه خارج البيت ويعانو لكن داخلياً ؟؟
وان شاء الله منتظره العطله وراح دخله نادي كراتيه وبجرب فعلاً ايش يصير معه ..
قطعة حلا 2
حاولي تتحكمي باعصابك كثير لانه ياثر علي عيالنا وتراهم حساسين اكثر منا ويراعو لكل شئ بس ما يتكلمو ومعاناتهم داخليه انا كنت مثلك اول اصارخ واسكته لكن اللحين ازعل عليه لو سكت ولا كمل كلامه واشجعه ورب العالمين يعين

أختي كويتيه أن شاءالله تتحسن حالات عيالنا آمـــــيـــن




مشكورات يا اخواتي كلكم بدون استثناء
Ibelievein God

miss_uk

جناوي
بقلبي أنت

قطعة حلا

كويتيه

وعسى الله يهنيكم ويسهل درب كل وحده فيكم


آمين