- إنضم
- 15 سبتمبر 2009
- المشاركات
- 8,327
- مستوى التفاعل
- 25
- النقاط
- 0
بنات من اربع ساعات الله نجانا من مصيبه لله الحمد
كنت قاعده عالنت بأمان الله دق علي أخوي قال وين مرتي ادق عليها ماترد؟
خل تسويلي عشا..
طلعت من داري وقلت فلاااااااااانه
قالت هلا
قلت ريلج يقولج ردي على تلفونج.
ورديت شبكت بأمان الله
شميت ريحة حرق
جان اقب ابطل الليت هقيت انه بلاك بالدار او اي شي!
وأنا أدور والا الصرااااااخ بكل البيت
ركضت تحت
والله بنات الله لايوريكم الخوف اللي عشناه
نزلت ادور وين الصوت
واركض عالمطبخ من غير وعي
واشوف مرت اخوي(حامل بتدش الثامن)شايله سلندر الغاز وتحذفه برا المطبخ وتصيح احترقنا
واختي تطفي وتدق عالمطافي وتصيييييييح اشتياااااق قعدي البيت احترقنا
ياربي سترك
واركض فوق
واطق الباب على امي واشيل بنتي واقعّد اختي من النوم وشالت بنتها
واخوي النايم قب بالمكسر والفانيله ركض تحت يطفي اللي يقدر عليه
وامي تقول طلعوا برى البيت
ونقعد بالحوش
من الخوف لا ينفجر لان مو شايفين بعض من الدخنه السوده
ويقولنا ابوي روحوا بيت جيرانكم بسرعه
لان الناس متيمعه جدام بيتنا والمطافي بالطريج
وعيالنا والخدم كلنا برا
البنات كلنا رحنا بيت جارتنا
وابوي واخواني يطفون وينطرون المطافي
اللي على ماوصلوا الا كل شي طافي:eh_s(1):
والحمدلله الله ستر ولطف
واشوى تصرفت مرت اخوي اللي هقيتها راح تجهض او تولد من الخوف
وكنت اسحبها واهي تتل وايرات الشفاط وتحذف اسلندر الغاز برا
واختي افصلت الكهربا
المطافي يقولون تصرفتوا عدل :eh_s(14):
طبعا العنوان للفت الانتباه
وسبب الحريق:23_asmilies-com:
مرت اخوي واختي قعدوا يقرقون بالصاله :j013:
ونسوا المقلا اللي فيها الدهن الحار والغاز شاب عليها
واحترقت وشب السقف والشفاط والفرن
ردينا بيتنا عقب الخوف والرجفه والرعب
واخوي يضغط مرته يالرفله حرقتينا:eh_s(20):
لوووووووووووول
واهي تقوله لو تموت بعد ماطبخلك:23_asmilies-com:
ويقولها ياويلج باجر من امي حرقتي مطبخها خخخخخخخخخخخ
وانا واختي نواسي امي وحده تقولها الفرن علي والثانيه تقولها المواعين علي ولاتتضايقين:klhfl:
والمسكينه مرت اخوي من الربكه ويهها اصفر وصدرها وايدها محترقين واهي مو مستوعبه الا لمن نبهناها
الحمدلله الذي لايحمد على مكروه سواه
وهذي بعض الصور
صج لي قالوا الضنا غالي
اول شي شلته بنتي وركضت فيها ..سبحان الله أغلى من الروح ..
