مرت اخووووج وحماتج ومرت حماج

[*الدنيا حظوظ*]

السلام عليكم
شلونكم يا متزوجات
اشرايكم اليوم نطرح موضوع يديد وغير
نبي علاقتتكم مو مع الخاله أو الزوج
لا هالمره

شنو علاقتج مع اخت زوجج ومرت حماااج وامرت أخوووج

بالنسبه لي اخت زوجي اختي

مرت حمااي ----- لاااااااااااا خلك بعيد احسن

مرت اخوي --- رسميه

 

[لوازم العائلة]

رد : مرت اخووووج وحماتج ومرت حماج

ماعندي حريم اخوان ليلحين
حماتي وحريم حمواني علاقتي فيهم شبه منقطعه وانا مرتاحه جدي

 

[ايمان80]

رسمية جدا جدا جدا مع حماتي ومرت حماي

لكن مرت اخوي مثل اختي وعلاقتي فيها قوية لانها بالاساس بنت خالي

 

[!الجادل الصعب!]

رد : مرت اخووووج وحماتج ومرت حماج

كلهم اوكي والدنيا حلوه الحمدلله

 

[الـوايـلـيـة]

للاسف مرت اخوي اهيا اخت زوجي ....

ومن كثر ما كنت انا واهلي نحبها لانها مرت اخوي الكبير وما عندنا غيرها اخوي الثاني صغير ...

وافقت على اخوها اللي اهوا حاليا زوجي .... بس للاسف تطلعت مو كفو وما تستاهل الغلا والمعزه ....

كنت انا وخواتي نوقف معاها ضد اخوي واذا بجت دموعنا اربع اربع معاها..... واخر شي نطلع احنا وامي نسرات ومانحبها وشالت قشها عند اهلهاااا .... وفوووق هذا تحرش زوجي علي ....

الله يهديها بس صدمتنا صدمتنا صدمتنا.....

والباجي رسميه واكثر بس اسلم واقعد ولا كلمه لانها كلها نص ساعه عقب اروح بيتي....

 

[Sweetq8]

الحمدلله الكل علاقتي فيهم حلوه بس ماعندي حريم حموان

وكل ماكنتي رسميه ومستمعه اكثر من ماتتحجيين و ماتنقلييييين سوالف احد الامور طيبه واحنا بخير ^_^

 

[ماكنتوشه بنفسجيه 12]

رد : مرت اخووووج وحماتج ومرت حماج

علاقتي منقطعه والحياة حلوه


سبحان الله وبحمده

سبحان الله العظيم

 

[روحي تحبه غصب]

الحمدلله علاقتي مع حمواتي زينه

ومع حريم حمواني بعد زينه ضحك وسوالف الا مع وحده مالي علاقه معاها لانها عندها مبدا تحب تفرق الناس عشان ها مريضه نفسيا


وحريم خواني يهبلووووون الا وحده لو لا الدلع اللي فيها جان صارت خووووووش وحده

 

[صخر جلمود]

كلهم عـلآقتي فيهم حلووه

 

[نورهـ]

الحمدلله علاقاتي زينه وياهم

وبعدين كل وحده عايشه حياتها ليش نشغل نفسنا فيهم ؟؟

 

[{}{}{ سكرة }{}{}]

حريم اخواني ........ خوااااااااتي احبهم وامووووووووت عليهم


حمواتي ..... رفيجاتي واحبهم


كرت حماي ..... علاقة رسمية لاني مااشوفها وايد وفرق السن بينا

 

[سراااب]

توبة بعد من اللي شفته منهم صرت معاهم قوة وبس ولا كلمة اكثر نصيحة خلج تكلمين الغريبة ولا وحده قريبة الزمن تغير اعوذ بالله لو تتكلمين كلمة تخافين لها الف حساب عسي ربي يخلينة لا اري ولا اتكلم ولا اسمع بذات معاهم

 

[ولهااااانه]

حريم اخواني لاصقاااات لابعد الحدود يعني الواحد يضطر يمل منهم
واكبر دليل انهم الحين نازلين عندنا ساعه 12 ينطرووون الغدا >>>>وهم صاأاأاأاأيمين
واللـــــــــه لاصقه فجوا عنا شوي

 

[manhattan girl]

رحم الله من زار و خفف و ابعد حبة تزيد محبة و مشكورة عالموضوع و تقبلوا مروري

 

[فاقده ابوهاااا]

رد : مرت اخووووج وحماتج ومرت حماج

حريم اخواني اعزهم واحترمهم لخاطر اخواني لاني بصراحه امووووووووت باخواني ازعل حيل لما يزعلون علي وحريمهم حليوات ويعني تناجر بين الفتره والثانيه بس انرد مثل قبل واحسن وحماتي ما عندي الا حما وحده واحبهاااا حيل مع انها عايشه بامريكا بس بيني وبينها ايميلات واموت على ولدهااا ويفز قلبي لما اشوف صورته اما مرت حماي نو كومنت

 

[*peace*]

الحمدللة علاقتي زينه مع الكل

 

[cat_women]

رد : مرت اخووووج وحماتج ومرت حماج

للحين ماصار عندي مرت اخو

و اخت زوجي الحمدالله علاقتي فيهم زينه و اعاملهم مثل ماحبهم يعاملوني

و حريم حمواني الحمدالله علاقتي فيهم تهبل

 

[مواصله]

رد : مرت اخووووج وحماتج ومرت حماج

حريم اخواني وحده علاقتي فيها اقوى حتى من خواتي اموت فيها وهي تموت فيني والثانيه مالها وجود وكله تتصدد عنا

حمواتي علاقتي فيهم زينه الحمد لله لكنها رسميه شوي

مرت حماي مجرد سلام ومابيننا علاقه وسوالف

 

[DooLy88]

ماعندي مرت اخو - اخوي صغير
ماعندي مرت حما - اخو زوجي صغير

حماتي - رفيجتي اختي حبيبتي لووول
الله لايغير ان شالله

 

[سندبادة]

حريم اخواني لاصقاااات لابعد الحدود يعني الواحد يضطر يمل منهم
واكبر دليل انهم الحين نازلين عندنا ساعه 12 ينطرووون الغدا >>>>وهم صاأاأاأاأيمين
واللـــــــــه لاصقه فجوا عنا شوي

لوووووووووووووووووووووووووووووووول
والله نفس الحااااااله بالضبط وياليت بسنع بس خز ورجل على رجل
جان زين يقومون معانا وااااااااااااي الله يعين بس :23_asmilies-com: