مرت اخوي والبرص

[شوقي المحبة 1]

سلام عليكم
بنات انا صارلي يومين مومرتاح كلش مصيبه وطاحت فوق راسي
العام زوجت اخوي حق وحده اعرفها بس موحيل معاها وتم زواج وياليته ماتم وصار عندهم بيبي وامس طلعت حامل بثاني
المصيبه امي كانت شاكه ان فيهم برص بس انا قلت لا يمه ماعندهم وجذي
وقبل جم يوم مرت اخوي بالغلط قالت اخوي حرام جسمه صار كله برص انا اهني تمنيت الارض تنشق وتبلعني
يعني انخدعنا يعني شك امي محله
وماني عارفه شسوي
شلون اقول حق اهلي انه فيهم برص
اكيد الكل بيعاتبني
تكفون قولولي شسوي ماني عارفه وربي ضايعه ومالقيت غيرالله ثم انتم
قولولي شسوي
انخدعنه وقالو انه احنا ماعندنا هشي

عسى ربي يعدي هالمصيبه ع خير
وعسى ربي مايسامحهم

 

[ام عباير]

لاحول ولاقوة الا بالله
ترى مو مصيبه لاتكبرينها
اولا البرص مايعدي .. شلون اخوج صار فيه برص
وثانيا له علاج شكثر ناس تعالجت ... لاتكبرين الموضوع
سويته مصيبه وهو مو مستاهل ...

 

[الغاليه ام احمد]

لا حبيبتي البرص ماهو وراثي

 

[miss mama]

عفوا؟

وشنو يعني فيها برص او في اخوها او اهلها؟؟؟ شالمشكله؟؟

البنت ما ضرتج ولا ضرت زوجها وبينهم عيال الحين

وزوجها رااااض وعارف ا1ا فيها برص !!!

مو فاهمه شالمشكله؟؟؟؟؟؟

 

[سمبتيكا ~]

حتى آنا مو فاهمه شالمشكله ؟
وحسب علمي البرص مو وراثي ولا يعدي ..


​

 

[♥ąϻᴑŁ♥]

!!

مــآآفهمت ~.

 

[غـيوض]

رد : مرت اخوي والبرص

و ليش تقولين مصيبه ..

بسم الله ما فيها شي ..

و شنو يعني .. قدر الله و ماشاء فعل ..

و هذا دليل ان الله كاتبها من نصيب اخوج ..

حياتي لا تقولين جذي لا الله يبليج ..

كافي طيبة القلب .. يعني خايفه لا يكون ورااثه ... و لا شنوو ..؟؟


ترى مو شرط ..

الله يبلي اللي يبي .. ممكن ان البرص يطلع لشخص بدون سبب و ما يكون وراثه ...

و الحين ما خلوو شي .. البرص حتى لو ماله علاج .. في ابرة توحيد اللون ..

و ياما و ياما شخصيات كبيره و معرووفه فيها هالمرض و اللهم لك الحمد طالعين و طبيعين بين الناس ...

حطي فبالج البرص ...

مو مثل لمن يكون الواحد ما يتكلم و لا ما يمشي و لا ما يسمع و لا فيه مرض يأثر على حياته بالعكس انساان عادي و مشكلته بالجلد فقط ..

و اهم بشر ترى حالهم حالنا ..


الله يهديج وين المصيبه ..

 

[فديت منورة]

لاحول ولا قوة الا بالله

البرص مو معدي

 

[Natasha]

حبيبتي ام عباير البرص ما يعدي بس يتورث

يعني عيال اخوها كلهم راح يكون فيهم برص لان هذا شي بالدم يصير حتى لو ما طلع على بشرتهم

والرسول عليه الصلاة والسلام نهى عن تزويج المبروص والمجذوم اعوذ بالله


اختي شوقي المحبه الله يعين مادري شقولج بس كان المفروض تسألون عنهم عدل وتتأكدون 100% قبل لا تخطبون

بالنهايه عيال اخوج هذولي منكم وفيكم خلاص ماتقدرين تسوين لهم اي شي

 

[لورا آشلي]

الحين المره عندها ولد وحامل بالثاني وانتي تقولين برص !!

معنااها اخوج شايف وعارف والاهم انه رااااااااضي والا جان ماسكت طول هالمده

المهم لا تكبرين الموضوع وتسوين منه سالفه دام اخوج ماتكلم ولا جاب طاري حتى

 

[صآعده تحت}..]

رد : مرت اخوي والبرص

..

والله ماعندي فكره

بس دامكم سالتو قبل الزواج وقالو مافينا برص .. انتي مالج ذنب الحين باي شى

سويتي الي عليج واكثر .. واخوج شنو موقفه ؟!



..

 

[khawla&tito]

رد : مرت اخوي والبرص

سبحان الله وبحمده سبحان الله العظيم

 

[TamraBarney]

رد : مرت اخوي والبرص

البرص مايعدي

يمكن يتورث بالجينات بس مو متأكده من معلوماتي

وطالما جابت طفل والحين حامل بالثاني معناها اخوك عاجبته مرته وشاف وعرف كل شي

سو اخوك صاحب القرار الاول والاخير وانتوا طلعوا نفسكم من السالفه​

 

[Mona Lisa]

لا حول ولا قوة الا بالله

 

[aṕriliå]

رد : مرت اخوي والبرص

ماعندي فكرة

بس ان شاء الله ماكو الا كل خير ..

 

[Miss McDonald]

رد : مرت اخوي والبرص

.

آلبرص مو معدي بس يورث !

حتى لو مآ كآن بالجلد يكون موجود بالجينات لو تزوج وحده تحمل نفس جين عنده يصير بعيالهم برص !

وبعدين مآ آعتبره مشكله !

اهي زوجة اخوج يعني اهوا اللي بيعيش وياهآ مو آنتي !

خلج لبيتج وريلج وعيآلج وكفي شرج عن الأوآدم



!

 

[miss mama]

حبيبتي ام عباير البرص ما يعدي بس يتورث

يعني عيال اخوها كلهم راح يكون فيهم برص لان هذا شي بالدم يصير حتى لو ما طلع على بشرتهم

والرسول عليه الصلاة والسلام نهى عن تزويج المبروص والمجذوم اعوذ بالله


اختي شوقي المحبه الله يعين مادري شقولج بس كان المفروض تسألون عنهم عدل وتتأكدون 100% قبل لا تخطبون

بالنهايه عيال اخوج هذولي منكم وفيكم خلاص ماتقدرين تسوين لهم اي شي

قاعده ادووووووور الحديث مو لاقيته.........ممكن تحطينه؟ مع المصدر :hjy5jewf:

 

[ام خالدوعبود]

لاحول ولاقوة الا بالله العلي العظيم


الله يسامحج واذاااااااااا فيها برص استغفرالله هذا ابتلاء من الله وهالشي مو بيدها اهم شي عندها منه ولد وحامل واخوج مرتاح معها


ليييييييييييييييييييش تبين تفرقينهم يعني اتقي الله يابنت وراج حساب نهار الاخره

الله يهديج بسسسسسسس حنني قلبج

 

[pure-poison]

رد : مرت اخوي والبرص

والله ماعندج سالفه
على بالي صايره مشكله
وخير ياطير فيهم برص شالمشكله؟؟؟ ايدز اهو؟؟
قولي الحمدلله عالعافيه وانهم بخير ومرتاحين

 

[برواز]

حبيبتي ام عباير البرص ما يعدي بس يتورث

يعني عيال اخوها كلهم راح يكون فيهم برص لان هذا شي بالدم يصير حتى لو ما طلع على بشرتهم

والرسول عليه الصلاة والسلام نهى عن تزويج المبروص والمجذوم اعوذ بالله


اختي شوقي المحبه الله يعين مادري شقولج بس كان المفروض تسألون عنهم عدل وتتأكدون 100% قبل لا تخطبون

بالنهايه عيال اخوج هذولي منكم وفيكم خلاص ماتقدرين تسوين لهم اي شي

ياليت المصدر و هل الحديث صحيح او ضعيف , يرجى التاكد قبل الرد