مرت حماي (حدهم ماكو غيرهه)

[العقيق الأصفر]

السلام عليكم
شلونكم :eh_s(17):
ابي رأيكم
عندي. مرت حماي ماتستحي حدهاا تخيلو بنات شنو تلبس بالبيت تعرفون الملابس اللي تجي نص كم قصير والقصه مالت الصدر حيل كبيره وبدون ستيان وصروال حتى شلحه واللبس يكون قصير من كثر الغسيل والكرف وفوق هذا عندنا حموين بالبيت ومحد يكلمها حتى حمواتي لي جو عندنا ينامون مايلبسون هاللبس ودايم يقولولها بس هي تقول محد له شغل فيني وع فكره هي ضخمه مو ناعمه وقذره بعد شكليا انا ومرت حماي الثاني نكشخ بالهمكياج والدراريع لي نزلنا هي زوجها يقولها عادي هذيل اخوانج وانتو تعرفون بنات مابي زوجي يطالع عورة مره ثانيه وانا قلتلها لاتلبسين جذي صلاتج ماتنقبل قالت عادي وانتو عطوني رايكم شسوي لهالبنت :eh_s(22):​

ماكو غيره من زوجها لها بس انا ومرت حماي الثاني نكش منها

 

[سكوتي بذوقي]

الله يهديها يارب

وزوجها غلطان

قال الرسول عليه الصلاة والسلام ( الحمو الموت )

غلط يشوفون مفاتنها

 

[الزيـــــ^^ـــــن]

كل اللي عليج انج نبهتيهآ ونصحتيها،، خلاص اهي شايله اثمها بلعنتها
حتى لاتصير مشاكل ابعدي عن الشر وغنيله 

 

[صحكة الايام]

موفقه

 

[ام الحلوااات]

وااااااي مــــا تـــســتــحـــــي ذي
ويـــــن خـــــاااالــــتــــج عــــنــهــــا اـــيـــــش مــــا تــكــلــمــهـــا او تـــكـــلـــم ولـــــدهـــــا يــنـــصـــح مــــرتـــــه

 

[روان المطيري]

لووووول ذكرتيني بوحده اعرفها

اهي ماتخاف الله وزوجها ديوث

 

[ناتشوو]

اذا السالفة والوصف مثل ماذكرتي
ومحد قادر عليها
او قدر يقنعها
مابيدج شي
بس ليش غيرانة ضخمة ولبسها يفشل
بالعكس المفروض تستانسين
لأن زوجج كل مايشوفها بيكسر خاطره اخوه و بيحمد الله ع اللي عنده

 

[سبسيال]

الله يهداج حبيبتي انتي جذي اغتبتيها ..المفروض بينج وبينها اتنصحينها بأسلوب حلو ومو لازم تتكلمين فيها الله يرضئ عليج
(( ولا يغتب بعضكم بعضا))

الله يسعدج 

 

[حليلة نايف]

انا عن نفسي ماتحملىلووهي جيكره مارضى تلبس جي قدااام زوحي بس اذا اهي على نياتهاةماتغار لماتكشخين جدام زوجها فهني معناه ان المره لك عليها او تنها ع نيتها لبسته

 

[ماتغير شي]

امبيـه ماتستحي الله يهديهاااا بس انتي اللي عليج سويتيهـ نصحتيهاااا واهي ماشالله عاجبهااا لابسهاا وإذا عن ريلج إذا كانت عينه زايغه بيطالعها "

 

[" ام حمود "]

اذا اهيه ماتستحي من نفسها ومن حمواتهاا ،
عيل تبي تستحي منج من مرآه الا اهيه نفسج .. خليها ماعليج
انتي سويتي اللي عليج وربج راح يحاسبها مو معقوله ماتعرف الصح ولا غلط
ولا ماتعرف الحرام والحلال اكيد تعرف !!
خليها ماعليج منهاا والله يهديهاا

 

[العقيق الأصفر]

حبيباتي مشكورين
على قولتكم الله يهديها

 

[غنج اهلها]

مدام شكليامومقبوله علي شنو تغارين

نصحتيها وماقبلت النصيحه ربج فوقها

 

[منـآل]

-




قال رسول الله صلى الله عليه وسلم :
( من رأى منكم منكر فليغيره بيده , فإن لم يستطع فبلسانه , فإن لم يستطع فبقلبه , وذلك أضعف الإيمان )


خلآص أنتي سويتي اللي عليج ونصحتيها عن المنكر اللي تسويه بَ لسانج
تمنيت لو ماكتبتي موضوع عنها , وأكتفيتي بالدعاء لها
لأن بهالطريقه دخلتي بالغيبه
قال رسول الله صلى الله عليه وسلم : ( إن كان فيه ماتقول فقد اغتبته , وإن لم يكن فقد بهته )

,

وع فكره هي ضخمه مو ناعمه وقذره بعد شكليا

هل إعتراضج على لبسها لانه تعري وحرام وخايفه على زوجج , ولا لأن شكلها ما يساعد ؟
يعني لو كانت نعومه وجميله عآدي ؟

,

انا ومرت حماي الثاني نكشخ بالهمكياج والدراريع لي نزلنا

تدرين أن المكياج تبرج ؟
قال تعالى : ( ولا تبرجن تبرج الجاهلية الاولى )
وحموانج ماهم محرم لج , وضعهم مثل وضع الغريب , سواء قال زوجج هذيلا مثل خوانج أو لا

,

وانا قلتلها لاتلبسين جذي صلاتج ماتنقبل

منو أنتي , ومنو أنا , عشان نحكم على الناس أن الله ماراح يقبل عبادتها
مالج حق بالكلام اللي قلتيه , ماتدرين لو انها عند الله ارفع مني ومنج منزله

,


وبخصوص ماتبين زوجج يطالع عورة مره ثانيه
أتوقع لو ماشاف حماته بيشوف البلاوي اللي برا يعني وقفت الدنيا على حماتج وكتبتي فيها موضوع :eh_s(4):

,

واللبس يكون قصير من كثر الغسيل والكرف

وع فكره هي ضخمه مو ناعمه وقذره بعد شكليا

انا ومرت حماي الثاني نكشخ بالهمكياج والدراريع لي نزلنا

انا ومرت حماي الثاني نكش منها

من هالإقتباسات حسيت تبينا نصفق لج انتي ومرة حماج عفيه على السنعات
ونذم المره اللي مادرت عنج !
لأن من قبل لا تكتبين الموضوع وانتي عارفه ان الحل الوحيد النصيحه ثم النصيحه
لكن مااقول الا , لا حول ولا قوة الا بالله
انا من زمان اتابع كويتيات وترى مو كل سالفه ولا موقف ينكتب فيه موضوع

أخيراً
يقول الله تعالى : وما يلفظ من قول الا لديه رقيب عتيد

 

[[[ عيون جابر ]]]

الله يهديها وتصحى من الي اهيا فيه

 

[لمى...]

حرية شخصية

اتركيها لاتحرشين خالتج كلن بنفسه راضي...........!!

واذا عالحرام كا انتي تكشخين وتمكيجين وحموينج موجودين ........؟؟

 

[صدى الجروح]

الله يهدي الجميع ويستر علينا دنيا واخرة ويعفو عنا

 

[العقيق الأصفر]

مشكوره حبيبتي منال نصيحتج وكلامج حلو بس انا اعرف هاذي البنت من قبل لاتتزوج واعرف اهي شنو قصدها لمن تتعرى والله وصلت فيني بالاحلام يعني حييييل مضايقتني وزوجي قالي مره خل هالبنت تتستر يعني الله يستر
وعلى فكره انا ما امدح نفسي بس انا اقولج انا جمالي الحمدلله طاغي وكذلك اخلاقي بس انتي عارفه الغيره وش تسوي وهي ضخامتها يعني ملامح جسمها واضحه هذا اللي اقصده

 

[S & H]

لا حول ولا قوة الا بالله العلي العظيم

اللي مايخاف من الله وش بيدنا نسويله
كلامك هذا غيبه

وانتي تقولين انا وحماتي نكشخ بهالمكياج والدراريع وتنزلون يعني انتو كذا حلال على حموانك

مدري بعد اشوف مواضيعكم عادي بعد تتعطرون عند الحموان والغرب تدرون كذا وش تعتبرون عند الله ......
تعتبرون زواني

الله يرحمنا برحمته ويهدي الجميع
والله يهديك ويهديها يارب

 

[العقيق الأصفر]

حرية شخصية

اتركيها لاتحرشين خالتج كلن بنفسه راضي...........!!

واذا عالحرام كا انتي تكشخين وتمكيجين وحموينج موجودين ........؟؟

مكياجي رتوش وجدام حمويني مغطيه الوجه :yaaaaaarb:
وانا بقيت مساعده فقط لا انتقاد