مرت حماي يحبونها وانا لا ..!! انا محتره ..

[FeShinGoOo]

بتكلم عن موضوع وايد يمر علي والصراحه يبط جبدي ويقفع مرارتي ..


اتيج وحده ميته قهر من مرت حماها ..


والسبب


حمولتي يحبونها حمواتي يموتون عليها ويحطونلها الف اعتبار ومايقصرون معاها وكل مكان يعزمونها ويطلبون رضاها ورايها بكل شي وووووووو ... الخ ..

وانا محد معبرني ومايعاملوني مثلها واهي مطنشتهم وانا مدلعتهم ..


الخ من هالحجي المأخوذ خيره ..


اللي يحر بالسالفه شنو ؟؟


ان مرت الحما تكون بحال سبيلها ماضرتج ولاتدري عن هواج ..!!
ولا لها علاقه او ذنب ان حمولتج مايحبونج وكاشتين فيج ..!!
اذا اهم ماحبوج رغم طيبج فهالعيب منهم ..
اهم الي مايملي عينهم الطيب

بس مرت حماج شنو ذنبها ؟؟

اوكي ناس حبوها وحاطينلها اعتبار واهي مستانسه الله يديم عليها
بس ليش تحقدين عليها وتخلينها عدوتج ؟؟

حتى لو كانت كاشته فيهم واسلوبها خايس معاهم وسيئه لاقصى درجه

انتي شكو ؟؟

منو يا صوبج ؟؟

المره مالها شغل فيج ..!!

شكو محتره منها وحاسدتها ..؟؟

والله هالكلام اليوم قلته حق وحده تصيرلي ماعندها سالفه

محتره من مرت حماها ليش حمواتها يحبونها ..!!

قتلها من رداج صيرلي مثلها اتسنعي مو حاطه ريل على ريل وتحسدين والمره ماسوتلج ولاااااااااااااااااااااااااااااااااااااااشي ..!!

مو ذنبها انها محبوبه ..

ولا واجبها انها تتجنب حمواتها عشان انتي ترضين وعشان سواد عيونج

كل شخص وده يكون محبوب ويكسب الناس



غير شي بعد ..!!

والله بنات الي جذي تفكيرهم كبرو عقولكم عفيه ترى لوعتو جبودنا واللللللللللللللللللللللله ..!!


وسوري عالطواله بس حبيت افضفض وابي رايكم لان صج شي ينرفز ويدل على قلة عقل وجهل ​

 

[FeShinGoOo]

آآآآآآآآآآآآآآآآآآآآآآآآآآآآآآآآآآآآآآآآآب


اخيرن نزل الموضوع :<

 

[انا لحبيبي .]

مو بكل الحالات مرت الحما بتكون منيحه ، في ناس كتير بعرفهم مرت الحما بتحكي عليهم وبتذم فيها للمخلوقه

وبتسوي نفسها قدام الكل انها مسكينه ومنيحه ، والمسكينه التانيه بتبين حقوده فشي طبيعي تنقهر من مرت حماها

وهي اسلوبها منيح مع خوات زوجها ، عادي الكلام انتي يلي بتحكيه بنطبق على مرت الحما يلي بتكون منيحه وفي حال سبيلها

مو بوجهين

 

[لباسةالعقد]

المشكلة بعض الحريم تحس مرت حماها مثل الضرة
اختي تهاةوشت مع مرت حماها اللي تحتر منها باول تاشششش بينهم وبصراحة اختي غلطانة تحتر منها وماتكبر مخها للاسف

 

[أسيرة_أحزاني]

هههههههههههههههه مادري ليش حسيتج معصبه

عادي يامعوده

 

[pusy cat]

لا وهالايام موضه تجيج وحده تقول انا اغار من فلانه ههههههه خبري بالغيره والحسد احساس داخلي المفروض محد يدري عنه

لا وتقولج الغيره صفه بشريه الا والله الا صفة ابليس والعياذ بالله

الحسد اهو اللي طلع ابليس من الجنه واهو اللي خلا قابيل يقتل اخوه

الله يبعدنا عنه انشالله

 

[shak!shoka]

لا تلومينها تبين الصج في حموات ما ادري شلون اوصفهم يبالغون و يحبون يفرقون بالتعامل بين الجنات
وهالشي يسبب حساسيه بين الجنات طبيعي


و الموضوع يبيله وحده عقلها كبيييييير و صدرها وسييييع و هالشي نادر بهالجيل *

 

[pusy cat]

اي والله خلصنا من الخاله والحماة جتنا مرت الحما

ياخال ابوي حك ظهري

 

[LuLiTa]

اي و الله صاجه ... و خير يا طير يحبون مرت حماج ؟

طالما انج عايشة متهنية مع ريلج ..شـ تبين بـ حمواتج ؟ انتي ناطرة حبهم و تقديرهم مثلا ؟ حبوج و لا كرهوج و لا ماتو بـ دباديبج ما يهم .. المهم انهم يعاملونج بالاحترام اللي تستاهلينه و ما يطاولون عليج ..

 

[ام زهقانه]

ما هموني حبوني والا لا

 

[بولندية]

صح لسانج بس غيرة حريم شتقولين بعد

عاد انا اول ما شفت عنوان موضوعج تنرفزت قلت ردينا عالطير ياللي ..

لاني صج ما قمت اصدق سوالف متزوجة عمن بيت حمووولتها ولا مرت حماها الا القليل من البنات

ومشكوورة حبيبتي عالموضوع اسلوبج عجبني

 

[انصاريه قمره]

صاااجه وتسويلج مأمرات على هالمسكينه انزين اهي واعليااا شعليهااااا صج حريم ناقصات عقل

 

[عـِرۈۈق قلبــه]

اب اب اب

 

[FeShinGoOo]

مو بكل الحالات مرت الحما بتكون منيحه ، في ناس كتير بعرفهم مرت الحما بتحكي عليهم وبتذم فيها للمخلوقه

وبتسوي نفسها قدام الكل انها مسكينه ومنيحه ، والمسكينه التانيه بتبين حقوده فشي طبيعي تنقهر من مرت حماها

وهي اسلوبها منيح مع خوات زوجها ، عادي الكلام انتي يلي بتحكيه بنطبق على مرت الحما يلي بتكون منيحه وفي حال سبيلها

مو بوجهين

اي اكيد في حريم حما اخس من ابليس بس انا موضوعي فقط عن مرت الحما الي بحالها ومالها ذنب


ثانكس ماي لوف :eh_s(7):

 

[FeShinGoOo]

المشكلة بعض الحريم تحس مرت حماها مثل الضرة
اختي تهاةوشت مع مرت حماها اللي تحتر منها باول تاشششش بينهم وبصراحة اختي غلطانة تحتر منها وماتكبر مخها للاسف

والله صاااااااااااجه

اعرف وحده مرت حماها اتدق عليها بشكل يومي بس عشان اتعرف اهي بتتيمع مع حمواتها ولا لا ..

اشكره تقولها انا اليوم ماقدر اروح لاتروحين من وراي وانا ماروح :/

 

[FeShinGoOo]

لا وهالايام موضه تجيج وحده تقول انا اغار من فلانه ههههههه خبري بالغيره والحسد احساس داخلي المفروض محد يدري عنه

لا وتقولج الغيره صفه بشريه الا والله الا صفة ابليس والعياذ بالله

الحسد اهو اللي طلع ابليس من الجنه واهو اللي خلا قابيل يقتل اخوه

الله يبعدنا عنه انشالله

واااااااااااااي صاجه ..

واللي يبط الجبد لما مرت الحما تكون عروس يديده تشوفين حريم الاخوان الثانين ميتين قهر ليش عروس ويديده والكل قايم فيها ومجابلها ولا جنه هالشي صارلهم فبداية زواجهم

عقووووووووووول

 

[مارشميلو..]

اووف صارت مرت الحما جاره بهالزمن

 

[tbola]

هههههههههه صاجه

 

[أم ميميتو]

والله معاج حق لو كل وحده اعتبرت مرت حماها مثل اختها جان احنا بخير الحمد انا عندي بدال الوحده ثنتين بس نحب بعض وكل وحده بحالها يعني مافي حقد ولا تنقل حجي ولا غيره و حسد الله يتمم علينا

 

[" ام حمود "]

صح كلامج .. بس حبيبتيء الاغلب يصير تنافس بينهم كل وحده تبي تسوي نفسها الاحسسن
شوفينيء أناا كنت اروح بيت اهل ريلي اقعد مع البنات ونسولف ونضحك
من تدخل مرت حماي اسلم عليها واسولف واضحك واهيه والله ماادري شفيهاا نفسيه معاي حييييل حييل
انا اطنش ومالي شغل فيهاا كلش
اتجاهلها اذا سولفت اشاركها بالسوالف اهيه مع خوات ريلي ، بوقت نفاسيء ع ولدي غبت عنهم فوق شهرين بعد شهرين رحت لهم امبييييييييه تخيلي والله العظيم من دخلت الكل منفس علي اسولف مطنشيني اسولف مع خالتي ام ريلي يبووووووي لاتشوفينها زين ترد عليج سلام
أخر شيء شنو صار انه مطلعه حجي علي انا ماقلت اني متكلمه ع اهل ريلي بشيء شين استغفر الله بس قلت لهم خلوها تواجهني وبينها القرآن تخيلي خافت قالت ماابي بس اللي يقهرج انهم للحين مصدقينها ونفسيه زايدة علي والله قطعت عنهم ولا رحت لهم كلشش