مرت حماي!

[noochii]

السلام عليكم..

امممم ودي افضفض واسولف

بنات انا عايشه مع اهل ريلي والحمدلله كللللللهم زينين ويحبوني واحبهم وعمري ما سمعت حجي منهم يضايقني وخاصه خالتي تموت فيني والله كله تلملم فيني وتبوسني وحمواتي وحماي همم زينين معااي حيييل وانا الحمدلله ماعندي تنقل حجي وحش من ورا هذي وهذيك

اقعد بحالي ولا لي شغل بشي..

بس بنات احس من كثر ما انا بحالي صارل مالي وجود بالبيت

يعني خل اقولكم كذا مثال وابي رايكم

اول سالفه قبل سبوعين جذي مرت حماي ييت البيت (اللي اهوا بيت اهل ريلي) وياابت بطايق عرس حق حماتي اللي معانا بالبيت وحق حماتي الثانيه بس الثالثه ماتبي تروح فعشان جذي مايابتلها ويابت حق خالتي.. وخلت بنتها تطق علي باب الغرفه وتعطيني بطاقة عرس حق ريلي

بس انا مايبتلي بطاقه!! حتي ريلي قالي بتروحين العرس معاهم قتله ايي عرس قالي محد قالج قتله لا وجان يعفس بويهه وبس طااف ماناقشته بالموضوع ولا حتي احد قالي تيين ولاشي

انا مالي بهل سوالف ولا اعرف اذا لازم تيبلي بس حز بخاطري ان اذكرت ريلي وعطته بطاقه وماذكرت مرته؟

ويوم سألت رفيجاتي واختي قالولي لازم تعطيج ليش ماعطتج؟؟ واختي قالتلي دام انج معاهم بالبيت واهيا يايبه بطايق لازم تعطي اللي بالبيت كلهم المهم انا سكت ولاكلمت ريلي بالموضوع وطااف

واهوا راح العرس واهله وانا قعدت بروحي بس طبعا طلعت عقب مجمع .. المهم هل شي اللي سوته اهيا اعتقد غلط وكان عرس بنت خالتها

الموقف الثاني توها راده من السفر ويايبه صووغ حق خالتي وحمواتي وانا ماذكرتني بشي!! احس عييب يعني
انا قبل جم شهر كنت رايحه مع ريلي معرض وكان عندهم سوالف حلوه ورخيصه وريلي تشري حق عيالها اربعتهم وشرالها اهيا وريلها تماثيل وشرا سوالف واايد حق خواته والبيت لان كانت سوالف حلوه ومانساهم
واهيا ماذكرتي بشي ولا حتي حق ولدي؟؟

انا مابيني وبينها شي للامانه وعادي حيييييييل معاها وعلاقتي فيها سطحيه

بس مادري شفيها قبل فتره يوم كانت يايه وقاعده تحت ولا وحده من حمواتي مانزلت عاد صعدت تدور عليها ولا تلاقيها بداري ولا تقولها انتي هني واحنا ندورج تحت وزعلت عليها

وهمم مره شافتني انا وحماتي كانت رايحه معاي وقت ماكنت ازهم حق ولدي يوم كنت حاامل وهمم وصلني كلام انها زعلت لان اهما ولامره وحده فيهم راحت معاها وعندها اربع وانا اول وااحد وطايرين فيني!

وحتي خالتي يوم ردت من السفر وانا حامل كانت جنطه كامله بس اغراض لي وحق ولدي اللي فبطني اكثر وحده يابتلي انا

زين ممكن حاقده علي ليش حمواتي حييل معاي؟ بس انا شذنبي!
اهما مره تهاوشو معاها وصار بينهم زعل لانها وصلت حجي عنهم عند اخوهم واهما ابتعدو عنها شوي

بس اهيا عوده عمرها 37 موياهل علي هل سوالف

واخر فتره هذي لما ادش البيت واهيا مرات تكون موجوده وايي اسلم عليها ماتقوم توقف!! جني ياهل عندها

واهيا لما تدخل علينا اقوم لها احترام يعني عيب احد ياي يسلم عليج وانتي قاعده والله حتي بناتها بالمتوسط ليي يوني يسلمون اقوم اوقفلهم احسها عيب

بس حااز بخاطري ليش مومعتبرتلي ايي وجود! ..

 

[tmtmt]

وشلج فيها
خل تولي
وحتى لو مو معبرتج مو ضروري !
ماراح تنقصين شي ولا بتزيدين

اهم شي اهل ريلج
واهم شي مو قاعده تجرحج بالكلام بس خلاص

 

[ضايعة بدنيتي]

حبوبةانتي شعليج منها تراهي لاراح تزيد ولا تنقص منج ومو مهم تحبج ولا ترضى عنج

عليج من خالتج وحمواتج .. والله لا يحوجج لعزايمها . الي عليج خلج مثل ما انتي سطحية معاها وان كنتي تسلمين عليها وتقومين لها وهي قاعدة ما تقوم لج ف اعتبري هالشي من باب احترام الكبير وانتي عاملي الناس بأخلاقج مو اخلاق غيرج

واجرج عند رب العالمين ..

بس المهم هم زوجك واهله والباقي مو مهمين .

الله يهنيج ويوفقك

 

[!الجادل الصعب!]

ليش تحبون تنكدون علا انفسكم يالحريم !!
الحين حمولتج كلها تحبج وطايرين فيج .. مضيقه روحج عشانها
لا وبعد مو ساكنه معاكم ..!
وليش تقولين مالي وجود بالبيت من كثر ما انا هاديه.. الناس من هالاسلوب
حابينج حليوه وطيوبه ..
واذا ماوقفت عادي .. مع ان عمرها مو كبير بس هي معجزه بنفسها..!
وانتي في غنا عن هدايا المجامله
يابنت عيشي حياتج ولاتوقفينها علا هذي طنشت وهذي وجبتني..!

 

[ام شووووق]

بس عطيها طااااااااااااف

اهم شي حمولتج

 

[j r o 7]

طاف حياتي يمكن غيرانه منج تشوفهم يحبونج ويحبون عيالج

ويعاملونج احسن منها جي غاارت والله يعينج على غيرتها

واهيه موصغيره الله يهداها بس مادري شصار بالحريم

على العموم سوي الي يرضي ربج والله يشوف ومصيرها ترد لج

وتعرف قيمتج والهداوه والطيبه احلى شي بالمره

 

[noochii]

مشكورين بناات على الردود

 

[خليفة العظماء]

طااااف شتبين فيها

 

[iLLuMinaTion]

طاااااااااااااف

 

[.،:"$الـعـوبــــة$":،.]

طاااااااااااااااااااااااااااااااااااااااااااف ،،
الزم ماعليك زوجك ،،
وبعدها أهله ،،
اما مرة حماه ! ومدري منو !
طاااااف عيشي حياتك لا تضيعين وقتك حتى بالتفكير بهالشغلات !​

 

[Miss Chanel]

ماعليج منها

 

[Tulips]

حبيبتي ايبلج ياها من الاخر

هذي مو طايقتج ولا تحبج

وانتي عشان تريحين راسج اسفهيها .. لاتحطينها فبالج هذي مريضه .. عيل تكرهج جذي بدون سبب وانتي واااضح انج طيبه وعلى نياتج عشان جذي الكل يحبج بس اهي مريضه واشكالها وايد استغفرالله

وليش ماتوقف تسلم عليج ؟؟ ترا السلام لله !! وانتي مو اصغر عيالها

امبيه انا منج والله لساني مايطيح على لسانها مو حاشمتني ولا حتى حاشمه ريلي شبي فيها ؟

السلام عليكم السلام وايد عليها بعد

 

[بدووورة]

صج حدها تحر

بس كيفها ريلج يحبج الحمدالله خالتج ةحمواتج يحبونج الف الحمدالله

ولا هي تغار نبين عليها يبا طنش تعش وخليها كيفها حبتج اهلا وسهلا ماحبتج ماتشوف شي

 

[شيخه و طيبه]

والله نفس اللي صارلي اول ما تزوجت وللحين يصير ٣سنين و نص و ما طخت بس انا من الاول فهمتها انها محتره ليش يحبوني و انا ماسويتلها ولاشي حتى عرسي مايت و لا باركتلي و اصلا تمر ما تسلم علي جدام الحموله كلها و حقرتها فشلتها عليها و الكل ناقد عليها و انا الحمدلله كافيه خيري شري و وصلني حجي انها تحش فيني بعد بس احلى طاف خل تاخذ ذنوبي و لا همتنية
احلى حل مع هالاشكال الحقران و اصلا اهيا منو كلها مرة حماي لا اهيا ريلي و لا خالتي و لا حمواتي
انا اقول عطيها اكبر و احلى طاف

 

[ام كوشه منكووشه]

حبيبتي الحمدالله داام حموالتج وريلج زينين معااج هذا اهم شي

اما حريم الحموان ماعليج منهم

 

[seedo]

ما نقدر نجبر أحد يحبنا غصب >>>>>خليها قاعدة

 

[UNICORNA]

خلها تولى وزوجك ماكان مفروض يروح العرس دام ماعزمتك

وكان بكذا ردلها الصاع صاعين

 

[*ريما*]

انتي خلك مثل مانتي في معاملتها
بس اهي خليها تولي مردها بتمل

 

[نادره في وجودها]

بصراحه من كلامج عليها احس نها مرا مو صاحيه ههههه الله يشفيها

اخاف يوم ما عزمتج يمكن وقتها فاقده الذاكره جان يوم جابت البطايق كافختها بالمقله او بالكوره على راسها ههههههه

يمكن ترد الذاكره

وسلمين عليها وحضرتها قاعده تخسي انزل راسي لها تقوم وهي (____)
وعذريني ع التعليق

 

[KOKO_284I]

طااااااااااااااااااااااااااااااااااااف ولا جنها موجوده اهي اتسوي جذي عناد تبي اتشوف رده فعلج تنقرين ولا لا

فانتي طااااااااااااااااااااف

اهي شغله اتضايفق بس اللي ما يبيج لا تبينه