مرت عليكم هالحاله؟؟حراره فوق الشهر ما تروح والسبب!!!

[ام جراح 2]

انا الوالدة صار فيها نفس الاعراض بالضبط حرارة ما تروح والم بالجسم طلع فايروس بالدم اسمة البروسيلا اظن والسبب الحليب والمنتجات الحيوانية بس الحمدلله صارت زينة

 

[سبائك]

ام جراح قالو لنا عن البروسيلا وسوت تحليل بروسيلا طلع ما فيها الحمدلله

 

[سمسميه]

سبائك
طمنينا عليها اشصار عليها؟

 

[سبائك]

سمسوم الحمدلله الحراره خفت بس عوار عضلاتها ايي ويروح

تصدقين متردده اقول لها تجندس راسها مثل ما قلتي اخاف اخرعها

 

[سمسميه]

اسم الله عليها
ما عليها الا العافيه ان شاءالله

 

[أمواج البحر]

الله بشافيها ويعافيها يارب

والحمدلله خفت حرارتها

واحد نعرفه جذي صار فيه حرارة وطولت معاه وبعدين - اسم الله على اختج - دش في غيبوبه

وعقب ما صحى فقد الذاكره حنت حيلي ولما شاف مرته فال اي هذي اعرفها خطيبتبي من ايام الجامعه

واهم صارلهم اكثر من 13 سنه متزوجين وماعرف عياله وولده العود انهار بعد قلبي

ترى مو قاعده اخرعج بس كاسر خاطري و حبيت اشاركم القصه

وان شاء الله ما عليها شر اختج

 

[شندوخه]

ماتشوفون شر الله يشفيها نصييييييييييحه اقروا عليها البقره كامله كل يوم

 

[شندوخه]

الله يسلمكم من كل شر حبيباتي وعسى ربي ما يوريكم مكروه يارب

نجد احنا بعد شكينا ان ممصوعه بس قالو لنا المصع يصير معاه كحه قويه واهي ما معاها كحه!!

سمسميه خرعتينيمعقوله كل هالتحاليل الي سووها ما يبين السحايا؟؟

لا مو شرط كحه انا نمصعت وانا ياهل ماكح ولا شي بس تحسين عظمه اللي عند الرقبه لارفعت ايدها تنط او تبرز دلكوها بزيت زيتون وشويه كركم وخل تتلحف لم تعرق يمكن عضلاتها ملتهبه ولاشي

 

[الفرفورة]

حبيبتى
نفس اعراض ولدى لدرجة حولونا لمستشفى الامراض السارية بشدة الامتحانات وهو بالثانوية وهناك سوو تحاليل مرة ثانية وثالثة ومافى شى بس الحرارة ما تنزل عن اربعين والحمدالله اخوى وايد يقرا كتب الاعشاب وقالى عطيه ملعقة صغيرة خل التفاح تصدقين والله مرة وحدة وكل شى راااااااااح والحمداللة..
المهم خل النوع الزين انا عطيته لونه بنى خل التفاح....
وما تشوفون شر وادعيلى الله يشفينى من الربو المزمن..........
اااااااااااااااااااامين

شفتو بنات هذي اختكم عالجت ولدها عن طريق اخوها اللي يقرا بكتب الاعشاب ترى الطب البديل وايد زين وما فية اعراض جانبية الحين امراض هالزمن صايرة شديدة ما ينفع لها الا الدوا الطبيعي من الطب البديل

 

[BlackRose]

الحرارة هذي لازم تسوين لها مزارع دم ومزارع بول وتحاليل دم كاملة

وصورة دم وتحليل الروماتيزم واذا احتاج الامر عينة من نخاع العظم

لان اسباب الحرارة كثيرة

احيانا تكون التهاب في الجسم وما يبين الالتهاب الا مزارع الدم والبول

واحيانا اسباب اخرى

فالافضل ان الواحد يحتاط ويتطمن على نفسه ويسوي التحاليل اللازمة

 

[xxx]

:0bee2e8d89:

لاحول ولا قوة الا بالله

ماتشوف شر ان شاءالله

 

[آل خزف]

ماتشوفون شر
بس خل تسوي اشعة مقطعية
لأن من اعراض السرطان كفاكم الشر حرارة بدون سبب

الله يشافيها

 

[نووووونا]

ما تشوف شر ,,,,,

اشلون اختج سباجه بشرينااااا عن صحتهاااااااااا؟؟؟؟

 

[الاسطورية]

اسم الله عليها مادري جنها اعرض حمى
انا مابي اضيق خلقج بس رفيج اخوي كله حرارته مرتفع مده طويله قالولها سفريه ماندري شنو الي فيه فايروس غريب منتشر
بس ان شاءالله اختج تقوم بالسلامه اقرو عليها

 

[سبائك]

الله يكافيكم وحبايبكم الشر ياااااااااااااااارب لا خلا ولا عدم ان شاءالله

الحين حرارتها خفت ربي لك الحمد بس عضلاتها للحين الالم يروح ويرد الله كريم

 

[<> إيلاف الكويت <>]

افا والله

خطاكم السو حبيبتي سباجه

الله يآجرها ان شاءالله

ويعطيها الصحه والعافيه و طولة العمر ياااارب

 

[ام جراح 2]

الحمدللة الله يشفيها انشاء الله بس اكيد مشكلة بالدم ما تشوفون شر

 

[Q8stylle]

الله يشافيها وماعليها الا العافيه ان شاء الله

 

[dan]

الله يشافيها انشالله