حبيبتي القصه بالمرسم قصه خياليه فيها الوان و احجام و اشكال لازم تذكرينها وتناقشينهم بعدين باللي قلتيه من احجام و الوان و اشكال و تحركين ايدج مو بس تقولين بلسانج بس من غير مصورات قصه خياليه بالحجي والحركات بس و بعدين تورينهم المجاميع عاد كيفج تحطين مثلا غنيه ماشي قطاري ورا بعض وتشوفون الاركان ولا تقولين لهم وانتوا واقفين لفوا و شوفوا شنو باركانا او مجاميعنا
بعطيج مثال عالمجاميع
مجموعة طين يسون خبزه من الطين
مجموعة قص ولزق يقصون اشكال مرسومه ويلصقونها علي لوحات عاد انتي رسمي شغلات علي القص واللزق عشان يقصونها ويسون لوحه حلوة
مجموعة الرسم علي الزجاج
مجموعة الخامات الفنية حطي اي خامات فنيه عندج
مجموعة الطباعه حطي الوان اصابع وطباعات واوراق بيضا انا اذكر حطيت اوراق بيضا لزقتهم علي الطوفه وخليتهم يطبعون عليها وايد استانست المشرفه واليهال بعد خو اهما يموتون علي التلوين والخرابيط علي الطوفه بالذات
مجموعة التلوين حطي الوان انواع واشكال وتطبيقات
وجذي واذا تبين مجسم طبعن المجسم يكون مجموعة بروحه يشتغلون فيه الاطفال وانتي معاهم اما اذا تبين مشروع ترا في فرق
المشروع كل المجاميع يشتركون فيه يعني مجموعة تسوي شي مثل مجموعة تسوي تنور و مجموعة تسوي خبز من الفلين اللي يتحرك مو اليابس او من الطين او الصلصال و مجموعة تلوين صورة خباز ومجموعة تسوي العصايا مالت الخباز من اعواد الخشب الي مثل الطبيب
هههههههه والله خوش افكار انفع بالمرسم هههههههه وعليج بالعافية حبيبتي بالتوفيج عاد ان شا الله احد يرد علي طلباتنا الله كريم
