مرض أبو الوجوه ساعدوني !!

[yasmina]

السلام عليكم
شلونكم بنات ؟؟

اللة يخليكم ساعدوني جدي موجود حاليا في أحد الدول الأوربية و مكان حلجة تغير وعيونه تسكرت ودو الدكتور قالو برد من المكيف بس أحنا شاكين ؟؟

ساعدوني شنو أعراض هذا المرض ؟

شلون العلاج؟؟

هل في ألم ؟؟

ناطرتكم

 

[حبنا الله عليه]

توقعي ابو الوجيه

وعلاجه بإذن الله سهل ومتوفر

وعشان تطمنين اكثر اعرف حالات شكثر تشافوا تماماً آخرها اختي

اذا تبين العياده اللي تعالجت فيها أسألج ان شاء الله وارد لج خبر اليوم

وتفضلي هالتقرير عن هالمرض عشان تطمنين .

.
.
.

أبو الوجيه شلل وقتي ناتج عن تيار هوائي بارد وقوي
أزهار البابونج تعالج من أبو الوجيه


تكون آلام عصب الوجه مصحوبة عادة بالتهاب في العصب وتعود سبب الإصابة في الغالب إلى تعرض جانب من جانب الوجه إلى تيار هوائي بارد وقوي يؤثر على العصب فيلتهب.

وقد ينتج عن ذلك شلل وقتي في نصف الوجه الذي يغذيه هذا العصب.

وفي هذه الحالة يكون الوجه على الناحية المصابة عديم الحركة فيضحك بناحية واحدة من الوجه وتختفي فيه التجعدات الطبيعية ويتدلى الجفن الأسفل وتبقى العين مفتوحة، وتكون زاوية الفم في الناحية المصابة في مستوى منخفض عن الأخرى ويسيل الماء من الفم وقت الشرب وقد يتأثر الكلام والمضغ إلاّ ان المرض يختفى ويشفى المريض في غضون أسابيع قليلة .

وبصورة عامة فإن التدفئة التامة للمريض تفيد كثيراً.

ويسمى مرض عصب الوجيه او أبو الوجيه أو اللوف.

 

[* مـذهـلـه *]

انا يوم كنت صغيره صار فيني ورحت للمستشفى و حولوني لعلاج

طبيعي و كنت اروح اسوي جلسات علاج طبيعي كانو يحطولي ثلج وتدليك

وكنت لما ارجع البيت امي كانت تلبسني غتره وتلفني فيها عشان ما تعرض

للهوى و كان يقول الدكتور اصك عيني ما افتحها واجد ولا اشوف التلفزيون

ولا اشوف الليتات .. بس الحمدالله راح مني مع العلاج الطبيعي الله يشافيه

ان شاء الله و يشافي كل مسلم ..

 

[الوسن]

الله يشفيه ويشفي مرضى المسلمين

 

[سفيرة العشق]

ويييييه الله يشفيه ان شاء الله
ذكرتيني انا ياني لمن كنه حامل بولدي وانا بالشهر الخامس ونفسيتي صارت زفت
رحت الطبيب ووصفولي علاج طبيعي وكمادات
واذكر كنت اروح حق وحدة بالمنقف اسمها ام عبدالله مصرية جزاها الله خير والله كانت تسويلي تدليك بزيت دافي وتقرى عليه والحمد لله ما طول اسبوع وراح ...

 

[عهود الحب]

اختي سفيرة العشق وين عنوانها ام عبدالله

نبي نودي وحدة لها جاها فجأة يمكن على قولتكم من التيار الهوائي

 

[شهدQ]

بعد هم العتيبي يدوس ع الويه زين صديقتي ياها وودها له وراح

ترى السالفه بسيطه والتكيف بلاويه بلاوي

الله يشافي كل مريض تطمني حبيبتي

 

[حبنا الله عليه]

الطبيب المختــص أضمن من اللي يدعون العلاج يا بالطق او الدوس .. الخ من هالخرابيط والطبيب اللي عالجت اختي عنده " مساعــد السعيـــد " مجمع الأطباء اللي صوب النقره الشمالي هواتفه بالوطن والحمدلله اختي تحسنت حيل عن اول وراح بنسبة 100% .

 

[yasmina]

شكراً لكم اخواتي الكريمات على هذه المشاركات

 

[نو نو]

اختى انا اصبت به حوالى 4 مرات بس عليج بقرآة القرآن ولا طالعين التلفزيون لبسى نظاره وعلاج الطبيعى واسبابا عديده ورا تشفين باذن الله

 

[بنت النـور]

فيه دكتور في السعودية يعطيك ابر
وبثلاث ايام يروح باذن الله
وتقدرين تشترينهم منه وتطقينهم بالمستوصف
نصيحة مجرب اتركوا علاج الكويت اللي كله كرتزون وغير جذي
جلسات التدليك تطول ويمكن يبقى لها اثر ..

والله يشفي الجميع

 

[نو نو]

كلامج صح بس اعتقد الكويت وايد علاجها احسن

 

[حبنا الله عليه]

هذا رقم الدكتور مساعد السعيد وعنوانه بالضبط

حولي - مجمع الأطباء النقره الشمالي
طريق المغرب السريع
الدور الثالث
ت : 2666288

والله من وراء المقصــد

 

[coffee]

وعليكم السلام
سلامات .. والله انا لفت نظري الموضوع لاني قريت بالجريده عند الدكتور مساعد السعيد مال العلاج الطبيعي انه يعالج هالمرض .. فحاولي تدور ين دكتور علاج طبيعي
ما اتشوفون شر

 

[Om Khaloody]

انا يوم كنت صغيره صار فيني ورحت للمستشفى و حولوني لعلاج

طبيعي و كنت اروح اسوي جلسات علاج طبيعي كانو يحطولي ثلج وتدليك

وكنت لما ارجع البيت امي كانت تلبسني غتره وتلفني فيها عشان ما تعرض

للهوى و كان يقول الدكتور اصك عيني ما افتحها واجد ولا اشوف التلفزيون

ولا اشوف الليتات .. بس الحمدالله راح مني مع العلاج الطبيعي الله يشافيه

ان شاء الله و يشافي كل مسلم ..

عدل كلامج أنا أختي ياها وعمرها تقريبا 15 سنه .. المسكينه وجها كان على صوب حتى لما تضحك حلجها كله على جنب واعيونها وحده امسكره ... ما أنسى موقف امي وأبوي الي انزلت دموعهم عليها ( لأنه شيء صراحه محزن حيل الله يكافي كل مريض ) ... وديناها عند دكتور سوالها جلسات علاجيه بتيارات كهربائيه بالوجه تنحط وفلبيت كنا نلثمها بغتره ولا أتشوف التلفزيون ولا النور القوي ... والحمدالله مع الوقت والجلسات راح منها ولله الحمد ماله أثر

بس على فكره اذا تاخرتوا بالعلاج ماراح يخف بسهوله ولا خف يكون فيه أثر

 

[جكورة]

أنا جاني الصيف اللي طاف وقعد فيني تقريبا 20 يوووم مارحت لامطوووع ولاشئ ....
على الله وعلى مستشفى الهادي طقوني إبر وعطوني مضاد حيوي وكل يوووم جلسه تدليك وبالبيت أهلى يدلكوووني وإبتعدي عن المكيف البارد حييل وعن الإضاءه القويـه وإن شاء الله يروووح .

 

[Suki_Candy]

انا اختي الحين ياله بو يوه بس طول معاها

لازم يشرب زيت السمج
حبوب كالسيوم
انا معاكمم اختي كانت بالعلاج الطب الطبيغي مال الدوله مو شي الحين اهيا تعالج اب مستشفى الهادي احسن مايكون و وعلموها طريقه تدليك وحه
والحمداله صارت زينه

اختي يابت كتيب

بو جوه ايي من ثلاث حالات
الحاله: من فايروس اذا كان عندكم حيوانات و جهاز امناعه ضعف عنده و ضرب عصب الويه

اما الحاله الثانيه
الا وهي تكون مثل متسبح او من مكن حار لي بارد و سيدا الهوا البادر طق ويه هذا شي ثاني

هذا الي اعرفه

و السموحه على التقصير

ويارب يقوم يدج بالسلامة

و اهم شي النفسيه ولا يطالع ويهه بالمنظرة وايد

سلامات ولاباس لا باس

 

[جوري الكويت]

اعرف وحده صار فيها

بس تعالجت منه بال علاج الطبيعي و كانت تلف ويهها عدل و تدفيه

الله يشفيه يا رب و يشفي كل مريض

 

[سارا ديور]

الله يعينه بس إحتمال يكون ابو وجه وإحتمال يكون مرض الإم إس

لأن هالمرض منتشر بالدول الأوربيه أكثر والمرض هذا يصيب عصب بالراس

يأثر على اعصاب مختلف بالجسم

واعراضه تشبه أعراض ابو وجه .. والله يطمنكم عليه ومايشوف شر إن

شاءالله

اسأل الله العظيم رب العرش العظيم أن يشفيه
اسأل الله العظيم رب العرش العظيم أن يشفيه
اسأل الله العظيم رب العرش العظيم أن يشفيه
سأل الله العظيم رب العرش العظيم أن يشفيه
اسأل الله العظيم رب العرش العظيم أن يشفيه
اسأل الله العظيم رب العرش العظيم أن يشفيه
اسأل الله العظيم رب العرش العظيم أن يشفيه

 

[yasmina]

مشكورييييييين وايد وايد على الردود ما قصرتوا ... الله يشافي ويشافي كل مريض إنشاءالله