مرض الصرع

[ام صوغة]

مرحبا الغاليات




انا بنتي مريضة بمرض الصرع ... وعمرها سنتين وشوي واعطيها ادوية...وياينها المرض من عمرها خمس شهور ونص وللين الحين بس ما شاء الله عليها مراحل النمو كانت جدا طبيعية بس الكلام ما تتكلم غير شوي يعني بس كلمات... وعندي احد من اهلي من سنها يتكلم... فاللي عندها هذا المرض تقولي اذا عندها احد وراح عنه المرض وفي اي عمر... بليييييز شاركوني اللي عندها خبره عن هذا المرض او عندها نفس الحالة...

 

[الصابرة المحتسبة]

حياج الله أختي ام صوغة بينا: ولدي عنده تشنجات أو بمعنى أصح ( صرع) ولسانه ثقيل وعمره 7سنوات وياخذأدويه وربج يشفي عيالنا آمين

 

[الريادة]

أسأل الله العظيم رب العرش الكريم أن يشافي عيالكم ..
عاجلا غير اجلا.

 

[بنت الكويت1]

حبيبتي كل حالة تختلف يعني بنتج سبب الصرع شنو انا بنتي معاها تشنجات بس السبب انه عندها شلل دماغي اي ضمور بخلايا المخ عشان جذي تجيها التشنجات وعمرها 6 سنوات بس الحين صار لها 5 شهور الف الحمدلله ماجها شي بالمرة وانا سحبت الادوية بالكامل لانها كانت تاخذ 5 ادوية غير الفاليوم والله يشافي بنيتج يارب وجميع مرضى المسلمين اللهم آمين

 

[الصابرة المحتسبة]

أسأل الله العظيم رب العرش الكريم أن يشافي عيالكم ..
عاجلا غير اجلا.

جزاج الله خير يالرياده وكلج ذوق

 

[ام صوغة]

مشكورين الغاليات ...انا بنتي يقولون لي ما فيها شي بس لما كانت صغيرة وعمرها 5 شهور يتها حمى وتشنج وطيحتها في المستشفى اسبوع ومن يومها اتيها التشنجات بس صح الدكاتره يقولون انه بنتي راسها شوي صغير بس سوينالها اشعه طلع كل راسها صغير بس مو مأثر على الدماغ باي شي...

 

[نونا العتيبى]

أم صوغه ,كلام بنت الكويت صحيح الصرع يختلف من حاله لأخري ولازم تآخذين فحوصات كامله وتسوين تخطيط للمخ

لأن الأشعه مو كافيه وأفضل تودينها عند دكتور مخ وأعصاب والله يشافيها

 

[الصابرة المحتسبة]

رفع