مرقوقتي اللذيذه .. سهله ونااااطعه

[Model Look]

سلام عليكم بناااات

تشجعت احط طبقي المشهوره فيه انا هههههه المرقوقه العجيبه

وطريقتها سهله

اول شي اقطع بصل صغار وفلفل بارد مربعات واقطع طماط

ترا كله حسب الرغبه بما اني اطبخ لريلي وانا ولا انا واختي لوول اخذ يعني بصله فلفتين بارد و4 طماطات لوول

المهم احمس البصل والفلفل البارد لين يستوون وبعدها اذا استوو حطيت الطماط عالجدر

والطماط اهرسه بالجدر لما يذوب

واحط مكعب ماجي واضيف معجون طماط طبعا حسب الرغبه لما ينخلط كله صبيت ماي لي 3 اربعا الجدر واحط جزر وبطاط

تبدي تطبخ المرقه

واذوقها اذا تحتاج ملح واحط فلفل اسود

لما يستوي البطاط والجزر احط خبز الراب طبعا كميه خبز الراب حسب كميه المرقه انتي تقدرين

وخليها تطبخ نص ساعه تقريبا بالخبز ولا تحسين اوكي

تكون خلصت

https://dl.dropbox.com/0/view/r78tqe2wrn5xbc5/Photo 08-12-2011 00 43 34.jpg

بالهنا والشفا

 

[لعبير]

يسلمووووووووو انا دايما اسويها بس بخبز لبناني​

 

[أحلى الجياكر]

يبيله والله بهالبرد

مشكووووورة

 

[جارة القمر]

مشكووووووره



بس الصورة مو موجوده

 

[@ DLOO3TAH@]

يعطيج العافيه

 

[صابرة رغم الجروح]

ماظهرت لي الصورة للاسف

قواج ربي وتسلم ايدج

 

[زوجة عزيز]

يعطيج العافيه

 

[عطرالكلام]

تسلم اناملج
وبالعافية ...........

 

[سمسمة كويتية]

صج سهلة
يسلمو
بس حبيبتي وين الاقي خبز الراب؟؟

 

[@ DLOO3TAH@]

يعطيج الـعـافيه

 

[ABEER FLOWER]

تــسلم الأيـــادي

: )

 

[يا كويتنا]

حلوو بسما رديتي اختي خبز الرااب من وين

 

[الدانة-81]

تسلم الايادي---
خبز الراب اللي اهو الخبز الفاهيتا اذا اهي تقصده تلقينه بمركزز سلطان
او تقدرين تسوينها بخبز الصاج الكبير---تقصينه بمقص المطبخ شرايح و كلما تقطين شوي حوسي الجدر عشان ما يتكتل الخبز

 

[سمسمة كويتية]

تسلم الايادي---
خبز الراب اللي اهو الخبز الفاهيتا اذا اهي تقصده تلقينه بمركزز سلطان
او تقدرين تسوينها بخبز الصاج الكبير---تقصينه بمقص المطبخ شرايح و كلما تقطين شوي حوسي الجدر عشان ما يتكتل الخبز

مشكورة حبيبتي

 

[Model Look]

الدانه اي خبز الفاهيتا نفسه وشكر للرد

ومشكورين بناااات

 

[ملكه الحطب]

واشلون اذا احط خبز لبناني

 

[ضحكة الدنيا]

شكلها لذيذه
بجربها بخبز الراب
انا جربتها بخبز الصاج واطلعت لذيذه

مشكووووره وتسلم ايدج

 

[LaLi chocolate]

يعطيج العافيه حبيبتي .

 

[Hello_kitty]

ماشالله تسلم ايدج عاد اليوم مسويه مرقووووقه

بس انه اسويها بعجين بالطحين الأسمر وساعات اذا مالي خلق اخذ العجين من الخباز الإيراني واسويها

 

[ام شيخوه]

يسلمو