مركز "Physiomins " للتنحيف اللي بالجابرية .. لازم اقولكم سالفتي ...!

[**Jumana**]

قوة بنات شلونكم؟


وشخباركم؟



وشخبار الأهل؟



وشخبار السمن و الرجيم معاكم؟؟



خخخخخخخخخخخخخ ... انزين انزين ... نطروا كاني بدش بالموضوع...! لوووول




انا كنت شايف كذا وحدة بالمنتدى مسولفة عن الاماكن اللي يسون جلسات للتنحيف...

المهم انا مالي خلق رجيم و لا رياضة ... واساسا حتى لو ودي ..ما عندي وقت أروح...

المهم .. اني دقيت عليهم وسألت عن المكان و قالت لي انه اذا بس ابي اشوف ممكن اروح بأي وقت ... لكن اذا ابي اشترك و ابلس جلسات لازم موعد علشان الجهاز عليه زحمة...

المهم خذيت موعد من اسبوعين.. يعني مو السبت اللي فات لأ اللي قبله... رحت و المكان ما شاء الله مررررررررررررتب ... مع انه صغير لكن وايد مهمتمين فيه...

دخلت و شرحت لي الاخصائية الجلسات و تالي تخلتني بغرفة علشان قياس الدهون ..... والا فيني بلااااااااااااااااااوي دهون ... خخخخخخخخخخخخ

وطلعت احتاج 15 جلسة.... المهم.. رحت وتوكلت على الله واشتركت و بلشت معاهم من الاثنين.... و الجلسات كل يوم وترك...

الجلسة مدتها ساعة... و كل مرة جهاز غير .. بصراحة احسن من الاماكن الثانية اللي يحاسبونج على كل جهاز بروحه .... كل جهاز موجود بغرفة مسكرة .. و فيها ساماعات سوفت ميوزك.. و جنج قعدة بسا مو بمعهد تضعيف.... والله راحة نفسية...

والاخصائيات وحده رومانية والثانية فرنسية من اصل مغربي... بس كلهم حبوووبين و كل شوي يطلون علي بدار يشوفون اذا محتاجة شي ...

للحين كرشي و زنودي راح ربعهم... بس باقي لي 8 جلسات وان شاء الله تبين النتيجة عدل .. و قولكم شنو صار ...

بصراحة حبيت اقولكم عنه لأنه المكان صج صج نظيف و مرتي و مع انه وايد ناس مشتركين لكن ماكو زحمه ... لأنه كل وحده تروح بالموعد وتدخل غرفتها ويتسكر عليها الباب... هدووووووووووووووووووووووووووء بصراحة .. فما حبيت اني ما اعلمكم عنه ...


اللي عندها اي استفسار انا حاضرة

 

[New Mum]

تسلمين حبيبتي على الأفاده

 

[**Jumana**]

حياج الله يا عمري...

 

[sKyLiTeGirL]

مشكورا حبيبتى

بجم احسبولج الجلسه وليلحين عندهم الخصم؟

 

[**Jumana**]

سكاي لايت غيرل.... الكورس اقل شي 15 جلسة .. وامو 18جلسة و اكو 30 ... وطبعا كل ما زادت الجلسات يقل السعر ..

ال15 جلسة 225 دينار + 1 فري

 

[supermarket]

ممكن شرح عن الجهزة شتسوي وحق شنو

ونفاصيل عن المكان مساج والا شنو؟؟

 

[Alia]

اي والله نبي تفاصيل اكثر ورقمهم ؟

ويعور ولا لا؟

 

[**Jumana**]

هلا و غلا ..

الاجهزة ما تحسين فيها بالمرة ولا اكو عوار ولا شي... اصلا انا على ما تخلص الجلسة واكون شوي ونمت... ومع الموسيقى الهادية يبلاه نووووووووووم ...... لووووووووول

يعني هالمكان صج صج يصلح لي ويصلح حق الباديات اللي مثلي.... لا حركة ولا مطامر بالنوادي و الممشى ولا هم يحزنون....

الأجهزة كذا نوع والله.... انا للحين جربت 3منهم بس لأن الاخصائبة تقول ان الثانين لشد الجسم مو التنحيف... وان راح تستعملهم لي بعدين لمن اضعف وتالي تشد الترهلات فيهم...

ومادري بعد شنو تبون تعرفون انا حاضرة... المهم ان الكل يستفيد..

 

[Alia]

انزين وين مكانهم بالضبط وشنو جنسية اللي تسوي؟

 

[ii DareeN ii]

موفقه حبوبه ان شاء الله وان شاء الله كل الي المتن الي تبين تنزلينه ينزل انا اتوقع هالمركز اهو المركز الفرنسي الي تكلمت عنه الاخت بايويا جزاها الله خير وموجود رقمه في في دليل مراكز المساج مثبت الموضوع في القسم وقالو ان يم المكدونلد الي بالجابريه بس حبوبه بغيت اسالج اهو يصلح حق اي اوزان المتان حيل ولا الي متروسه شويه ولا متوسطه وان شاء الله بشرينا باحوالج اول بول عشان يستفيد الكل ومشكوره على ذكر تجربتك

 

[**Jumana**]

عالية..

مثل ما قالت دارين... هو نفسه اللي بالجابرية.. فوق ماكدونلدز..

الاخصائيات 2 : وحده رومانية ..... و الثانية فرنسية من أصل مغربي.. كانت هي اللي ماسكة المحل نفسه بفرنسا... على كلامها..

بس وااااااااااااااااايد شطار..

وبعد شنو ودكم تعرفون؟

 

[**Jumana**]

دارين .... حبيبتي ... انا متروسة من الزند و من الكرش.... وبصراحة انا متبتبة... مو وايد متينه بس هم مو ضعيفة ولا جسمي زين ... لأ يعني علشان اوصل الوزن المثالي يبيلي 26 كيلو....!!!!!!!

بس مشكلتي ريولي ضعيفة و السمنة كلها بالكرش و الكتوف و الزند... يبيلي احك هالمناطق حك علشان اقدر انسق جسمي...

واكو بنات مشتركين بالمكان من جميع الاحجام... اصلا اكو وحده ماني فاهمة شلون تقدر تنام بالجهاز من السمنه اللي هي فيها تبارك الله..!

على كلامها انها مستانسه منهم و مرتاحة على المكان.. و اللحين ضعفانة 13 كيلو بشهر و نص... الفال لي ان شاء الله... بس لا تنسين ان المتان وايد بسرعة ينزل وزنهم و يبين الفرق لأن الشحم وايد واي رجيم حتى لو خفيف يبين عليهم...

آآآآآآآآآآآآآآآآآآآآآآآآآآآآآآآآآمين .... الله يسمع منج و اضعف... بموت من كرشييييييييييييييييييييييييي.


خخخخخخخخخخخخخخخخخ

 

[فتون علف]

مشكورة على المعلومات وان شاء الله عقب ماتخلصين الجلسات تلقين نتيجة حلوة
بس جنه غالي شوي!!
باقي المراكز على 10 دنانير الجلسة واماكن نظيفه وراقية مو اي شي

 

[**Jumana**]

فتون علف مشكورة على المرور،

لأ هذا المكان من مستوى جاك ديسانج والا اوباجي... مادري هذيل الاماكن اللي كنت مجربتهم من قبل... ايي وذكرت... بعد من زمان جربت ايليزيوم..

المشكلة مثل ما قلت لج ان هم مو اشتراك بس جهاز واحد مثل الاماكن اللي جربتهم قبل... لأ... هذيل احسن لأن كذا جهاز واحد يضعف وواحد يشد وواحد يكسر السليولايت وواحد يذوب الدهون.. وواحد صج عجبني اللي هو يطلع الماي الزايد المخزن بالجسم...

بصراحة مادر بس انا ارتحت منهم وبالنهاية مثل ما قلتي اختي الناس اذواق

 

[**Jumana**]

 

[فتون علف]

مادري والله
انا اللي شفتهم عندهم كذا جهاز يستخدمونهم للزبونة مو بس واحد وفوقه مساج وبخار بعد والجلسة ب 10 والكورس الكامل لمدة شهر يوم وترك ب 150 ومثل ماقلتلج نظاف وذرابه
عشان جذي حسيت هذا غالي

عموما بالتوفيق حبوبة واهم شي الواحد يروح لمكان يرتاح فيه ودام انتي مرتاحة هناك هذا المهم
وعقبال ماتضعفين وتروح كرشتج<<<<ترى الحال من بعضو ههههههه

 

[**Jumana**]

فتون وين هذا المحل... كل نطل عليه شوارنا؟ خخخخخخخخخخ

صاجة أهم الشي الراحة... وشطارة الاخصائية اللي تركب الجهاز و تشغله ... أنا توني ادري انه الاجهوة فيها كذا طريقة للتركيب... يعني اكو ناس يحطونه لهم حيل و ناس شوي شوي... استغربت الصراحة..

ومشكوره على الدعوة... الفال لنا ولجميع المكرشات يا رب هههههههههههه

 

[فتون علف]

وييييه وايد
عندج معهد دار الشفاء بالسالمية يم المطافي
والمسبح الصيني
ومعهد لافندر وكذا مكان بعد كلهم جذي حلوين ونظاف واجهزة وخبيراتهم فاهمين

 

[شيهانه]

انا كنت داقة عليهم من زمان لان بيتنا بالجابرية وما اشتركت لان الصراحة غالي ..
بس شجعتيني ..

ممكن سؤال ؟؟

شنو تلبسين ؟؟ حق الجلسات يعني يعطونك لبس معين لاني ما احب افصخ اهدومي بمراكز التدليك ؟؟ وايد استحي واخاف ؟؟

 

[**Jumana**]

هلا شيهانه.. هم يعطوني ملابس اللي تنقط يعني لبسة وحده و تنقط بالزبالة وانتي بكرامة... وطول ما انتي على الجهاز تكونين مغطية بفوط...

يعني ماكو احراج ولا شي... واذا ما تبين مادري سأي الاخصائية وشوفي شنو تقول؟؟ يمكن تقدريت تركبين الجهاز وانتي بهدومج... بس اكو جهاز انا متأكدة انه ما يصير لأنه هم يغطون جسمج بالاعشاب و يلفونه بالنايلون وتاي تقدين بالجهاز.... وتالي حرارة بس مو وايده لأ دفااااااااااااااااا وناسة بصراحة لأنه مريح و جنه فراش يتهفش و يدوخ مال نومه الصراحه

هههههههه ... وايد هذرت ادري... لوووووووول