مريضة تكيس

[كويت-حلوة]

السلام عليكم الله يعافيكم بنات انا نفسيتي زفت حشاكم تعبت انا عندي بنت وولد وحملت طبيعي وفيني غدة واكلت حبوب مانع سنتين وقطتهم صارلي ثلاث سنين ورحت دكتور مدحت الي بالعرف قالي فيج تكيس طبعا الدوررة لازم حبوب وبعدين رحت الدكتور احمد الانصاري وسواي سونار وقالي التكيس صغير وعطاني منشطات وبنفس الشهر رحت حق ام عايد ممرخة وعطتني تحاميل تنزل الماي الي بالرحم وبنفس الشهر نزلت بروحها والشهر الثاني هم انزلت بروحها بس مو تفس الوقت وطبعا الشهر هذا لاعت جبدي مارحت لا حق الدكتوز ولاحق ام عايد وتاخرت علي الدورة هذا الشهر تقريبا عشر ايام وسويت تحليل حمل بالبيت طلع مافي حمل للعلم انا بولدي سويت تحليل بول بالطبيب مافي حمل ورحت سويت دم طلع فية حمل بنات حدي تعبانة ما ادري وين اروح هل تتوقعون عشان ماخذيت تحاميل ومنشطات مانزلت علي الدورة هالشهر الله بخليكم ردو علي شسوي ونسبت اقول شي سوالي الدكتور تحليل عيينة من الرحم بعد الجماع بساعة وقالي فيج التهاب مادري شي حمضي مرتفع وعطاني مضاط حيوي انتو منو صار فبها ممثلي فيدوني لا تهيبون املي فيكم انتو خواتي واسفة علي القرقة

 

[قاهره عذالي]

اهم شي حبيبتي تنظمين دورتج بحبوب بريجليتون
زينين استعمليهم 3 شهور ورا بعض وعقب ابدي بالمنشطات عشان الحمل ان شاء الله
وروحي الدكتوره سوي تحليل دم للحمل احسن شي

 

[قلبك حلالي]

الله يشفيك تقريبا نفس حالتي تكيسات وعطتني الدكتوره منشطات للحمل ولا في فايده راح طلع بعد لي كيس
وبعد ماخذت منشطات تاخرت الدوره وسويت تحليل هرمون الحمل وطلع مافي حمل وانصحوني بالمنتدى هنا اخذ عشبة البردقوش
والحين انا استخدمها الله يرزقك ويرزقني بالحمل السليم عاجلا غير اجل يارب

 

[خيشة شكر@]

الله المستعان

 

[سعودية بالكويت]

الله يشفيك ويشفينا جميعا ويريحنا من هالتكيسات

ويرزقنا الذرية​

 

[دآنة آلرشآيده]

ماعند فكره
بس التكيس مايمنع الحمل
رفيجتي فيها تكيس وحملت عآدي​

 

[قاهره عذالي]

دانة الرشايده
التكيس يخربط الهرمونات فما تنتظم الدوره + انه يضعف التبويض فيمنع الحمل
هالاشياء هي اللي تخلي التكيس يمنع الحمل