مرينا صوب ياهل معنقز، حيل مضايقه

[Al shaikha 1]

سلام عليكم
الله يخليكم طمنوني مسويه استنفار ببالبيت
اليوم كنا نتمشى بمجمع ومعاي ولدي بو7 شهور
ولا نمر يم ياهل معنقز وكان بينا خطوتين ونص جذي
لان زحمه
وقطعنا طريج كانوا مارين صوبه
تكفون عسى مايعدي
وحده تقول بالهوا يعدي مولازم لمس
عاد خدامتي منحاشه ومافيني حيل اتعب مع ولدي
كافي شغل البيت

 

[Al shaikha 1]

للحين احاتي ناطرتكم

 

[Al shaikha 1]

شدعوه محد يعرف شي

استغفرالله واتوب اليه

 

[cute-pink]

يالغاليه انا اللحين بنتي الكبيرة حاشها العنقز وتعافت منه ولي اللحين ماعدت خوانها اللي لازقين فيها ٢٤ ساعه والله يخليه لج ويرزقج بخدامه سنعه

 

[مس دلال]

اذا ماحاشته سخونه ليلحين يعني مانعدى
بس انتي لاتوسوين

 

[@ دهن العود @]

يا بنت الحلال هونى الامور اذا ما عنقز الحين مصيره بعنقز

انا عيال اختى معنقزين وباجر باخذ عيالى وبروح لها واللى الله كاتبه لعيالى بصير مو انا اللى امنعه

وترا العنقز احسن شى بالصيف

 

[Al shaikha 1]

ان شاءلله ماينعدي
لان والله تعبانه ماعندي خدامه ووراي شغلي
ةماعندي احد اتركه عنده
وردودكم اطمن جزاكم الله خير
المهم احسكم معاي قاعده بروحي واحاتي
ماقصرتوا

 

[Om_Ksha]

الله يهديها اللي مطلعه ولدها في عنقز

 

[+بسبوسة+]

العنقز حق اليهال الصغير وايد يجي خفيف

انا جى لعيالي الكبار وايد اما الصغيرونه يمكن جم حبة وبس

 

[تذكر خافقي رمحك]

ترا مرده بيعنقز إذا مو اليوم باجر
ويعنقز الحين احسن من بعدين لأن كل ماكبر كل ماتعب معاه أكثر ​

 

[Al shaikha 1]

ايه والله الله يهديها مطلعه ولدها حرام تعدي اليهال
عاد مشالله اكثر مابالمجمع عربانات اليهال
بس صج عن اذا كان قبل السنتين العنقز يكون خفييف

 

[أنفاسي دخون]

العنقز ما يعدي الا اذا بدا يتقشر ويطب اما قبل ما منه مضره

والله يجيب لش الخدامة اللي تبرد قلبش

 

[مولاي الفرج]

بالعكس خليه يتعادى واهو صغير عشان تفتكين

لان لي كبر وحاشه بعمر مثلا ال 6 سنين راح اسم الله عليه يطيح بالمستشفى ماراح يتحمل

كلها فترة وتعدي وبتقعدين كل سنه تحاتين لما تشوفين ياهل في عقنقز عرفتي