مريومة ام 3سنين ونص .. تنفع حق سفر ولا اخليها عند احد ^_^

[om MaRyooM]

السلاااااااااااام






بنات احتمال ان شاءالله اسافر تايلند

ومحتاارة بمريوومة عمرها 3ونص واسمالله عليها نشيطة وحنانة وعنيدة بنفس الوقت هههه

اخذها معاي ؟؟؟
اللي مجربه يليت تفيدني تحسفت خذت بيبيها ولا سهالات ؟؟

انا اقدر اخليها عند امي .. بس بعد عمري احاتيها وودي تستانس بنفس الوقت
تايلند انا شبعت منها كل سنة بس محتارة اذا بروح هالمرة رح اتحسف ولا رح تونسني مع ابوها ؟؟؟

 

[رفرف]

اسم الله عليها مره دام تاكل اي شي ومالها رضعات بالليل وتروح تكرمين الحمام ماتبي بامبرز وتقعد بالعربانه خلاص سهالات ..
انا اخذهم معاي من سنتين وفوق دام تنطبق عليهم هالشروط �� وكلش مايأذون الا بالطيارة يتمللون من الحكرة ومقدور عليها جم ساعه

 

[Espinoza]

اسمالله عليها شايلة روحها و هالعمر زين حق سفر .. كبيرة و واعية وتفهم ..

وديها خل تستانس معاكم

 

[اميرة القصر المهجور]

كبيره اسم الله عليها اخذيها راح تونسكم وتعطيكم حو صدقيني انا تو راده من اوروبا وبنتي عمرها ٣ سنين ضبط ماخذتها معاي صج ونستنا وروتينا تغير عكس سفرتنا انا وياه بروح
دامج رحتي بروحج جم مرة خلاص اخذيها تستانس وتستكشف وتلعب لابد من التعب بس عادي مقدور عليه

 

[نـعـومـه]

اخذيها وخاصتا انج رايحه تايلند من قبل

 

[Nooo7a]

اخذيها معاج راح تستانس

و حرام راح تشتاق لكم ان هديتوها لان اسم الله عليها كبيره تفهم


و هالله هالله بالبضاعه الحلوه من تايلند لووول نبي فناتق للاصبيان مو بس البنات


 

[^LILY^]

اذا تبين تاخذون راحتكم خليها عند امج الله يطول بعمرها
وامج اكيد مرا ح تقصر

اما اذا عاادي ما في مشكله تاخذينها ... اخذوهااااا

 

[@ام يوسف@]

اخذيها معاج انا سافرت تايلند وولدي معاي وكان عمره سنه و١٠شهور

 

[KOKO_284I]

ماشاء الله يعني كبيره وما له ا اذيه اخذيها معاج حبوبه




واتروحين واتردين بالسلامه

 

[العيون الناعسه3]

خذيها وياج حبيبيتي انتي بتستانسين وهي بتستانس

لاتخلينها عند امج بتشتااق لكم وانتي مابترتاحين فالسفره ...

 

[مشتطـه]

مادري احس السفره اللي فيها ياهل تأذي

خصوصا انها عنيده

مادري احلى شي لما تكبر بعد شوي 5 سنين وفوق
تكون عاقلة وهادية
تايلند تخرع خوفج تزرررق والا شي


مادري لو انا منج اخليها عند امي

 

[om MaRyooM]

مشكورين والله مااقصرتو

 

[المها الابيض]

انا توني راده من تايلند
واستغربت من كثر اليهال اللي هناك ماشاالله
وايد يايبين عيالهم سواء عرب او اجانب
وبعد شفت يهال عمرهم بالاشهر
بس ترى الجو كان وااايد حلو في بوكت وبانكوك يمكن عشان شهر ٦ مافي رطوبه !!؟
وانتي ادرى ببنتج وطبعها اذا منتي مطوله بتايلند
خليها عند امج ترى ماراح تذكر شي من السفره توها صغيره اسم الله عليها

 

[نور83]

والله ام مريومً اذا امج فيها شده على مريومهً الله يحفظها خلاص سفاري واستناسيً انتي وريلجً وعيشواً شهر عسل بروحكمً و اهيهً انشاللهً بتكون عند امج الله يحفظها لا تحاتين

 

[احلى ديما]

اممممم انا.اقول.انتي ادرى في مريوم اذا.اهيا من النوع اللي تأذيج بالطلعات هني خليها أحسلج أما اذا مريحه اخذيها معاج تستانس

 

[أم حورية]

لو تاخذينها احسن لانها كبيرة وتفهم وراح تستانس

حرام انتي تستانسين هناك واهي هني خصوصا انها واعية وراح تفقدكم

حتى لو تأذي ،، العيال اكيد يتعبون بس اذا فيها وناستها تحملي شوي

سوري بس اللي تقول اذا كبرت ماراح تذكر السفرة

مو مهم تذكرها المهم تستانس الحين

الله يحفظلج بنوتاتج يارب

 

[PinkLulu]

حبيبتي كل وحدة نظامها غير عن الثانية

إنتي تعرفين نظامج وتعرفين بنتج عدل

وانتي أفضل وحدة تاخذين هالقرار


بس إذا تبين رايي

أنا مستحيل أسافر من غير ولدي...قلبي يتقطع...وناستي إذا كان معاي