مزاجها بالاكل سوالها اسهاال !!

[aromsha]

السلام عليكم
بنات ابي مساعدتكم

قطوتي كرمكم الله فيها اسهال والسبب انها متليقفه ومتغافلتني وماكله بسبووووووسة :eh_s(14):

وديتها البيطري قال ماقدر اعطيها ابرة الا اذا مر اكثر من 3 ايام
نصحني بصدور دياي مفيوحة بدون بهارات

بس بما ان قطوتي وااااااااااااااااااااااااااااااااااااايد مزاجية ماعجبها !
سويتلها بطاط وكوسا وجزر هم ماااعجبها ماتبي
ماشاءالله تعجبها البسبوسة واللقيمات والمحلبيه ومايعجبها الدياي لووول

اساسا ماتاكل دراي فود او بالاصح انا ما اعطيها لان كل ماتاكله ترجعه عزكم الله او تقص فيه
من الكسل اللي فيها مالها خلق تطحنه
مع ان عمرها 6 شهور بس للحين اعطيها الاكل المهروس لان ما تعلج الاكل :krkrkr:

المهم الحين شسوي من الصبح مو ماكله ولاشي ماتبي الا اكلها المعتاد
شنو الشي اللي يهدي بطنها ويحبونه القطاوة

ويعطيكم العافيه وسامحوني عالقرقة

 

[hayzabona]

لاني يضيق خلقي اذا محد رد علي

برد عليج عشان ما تحتارين

لاتخربينها وتخلينها تمشي كلمتها عليج

انا قطوتي كانت تعاند وتاكل كاكاو زصار معاها سعال وترجيع عزكم الله


حاولي بالدياي المسلوق ولا تعطينها اي نوع مناكل العلب

الويشكاس يسوي ترا حساسيهعند بعض القطاوه

في انواع ثانيه زينه

انا افضل الدياي لان يحبونه وايد

 

[7қаӌӑт Ʒʂʜq]

جربي تطحنين الدراي فود مع بطاط و جزر مفيوح ..
و عطيها سيريلاك بالقمح جربي معاهاا ..

انا قطوتي مثل قطوتج مايعجبها اي شي
غرامها الكتكات و الكوكيز
بس جربت اطحن الدراي فود مع البطاط و الجزر و كلته بس هاا مو من اول مره بتاكل حاولت كذا مرره لين تعودت :rerrerek:
والسريلاك حاولت معاها مره مرتين ماتقرب صووبه.. بس مااستسلمت معاها لين صار غرامها
مشكللله اذا القطوه مزاااجيه واااي تعل القلب تتدلع بعددد .. :eh_s(4):
​

 

[aromsha]

hayzabona
مشكووورة حبيبتي
اليوم دعست الدياي غصب بحلجها وعجبها
بس المشكله العويصه انها مااااااااتعلج الاكل على طول تبلع مع ان عندها اسنان قوية ماشاءالله بس ليش هالكسل مادري
عاد كلته تالي رجعته كرمج الله

7қаӌӑт Ʒʂʜq
اي انا فكرت اطحنه
انزين اذا طحنت الدراي فود بروحه وحطيت معاه ماي يذوب نفس السيريلاك؟

وعادي تاكل سيريلاك بالقمح مايضرها؟ لان اول مرة اسمع فيه


مشكورين على مروركم حبيباتي