مسأله زواج أبي رايكم محتاره فيه

[بنت الصواغ]

أنا عمري 32 تقدم لي واحد عمره 37 مطلق وعنده بنتين والبنات عند امهم عايشين وهو مليونير و احنا ناس على قدنا مو نفس مستواهم المهم انا مبدئين موافقه بس لما هلي اسألوا عنه طلع::0bee2e8d89:

1/ مطلق وعنده بنتين.:nocommint:
2/ راعي قعدات وخرابيط.:gathering:
3/متزوج بالسر هنديه.(بس مادري هو طلقها أو لأ ):eh_s(1):

المهم هلي ارفضوه بالمره اهلي مايفكرون بالفلوس يفكرون بالاخلاق والدين أنا أبوي مطوع وملتزم وهم اخواني متلزمين

وحده من رفيجاتي تقولي اخذيه مو لازم مالج شغل بحريمه وخرابيطه اهم شيء فلوسه وتجيبين اعيال وتعشين ببيت بروح عن حريم اخوانج أمج وأبوج مو دايمين لج

بتكثر المشاكل بينا ليش :j013:


بنات انا مع راي هلي انا مو مفكره فيه مابيه

بس هم ابي رايكم با حلوات؟؟؟

:bye22:

 

[بنت الصواغ]

تدخلون ماتردون ليش

 

[tolay]

اللي يدخل مايرد معناته مومسجل مشاهد فقط

موشرط كل اللي يدخلون اعضاء


وانا رايي ترفضينه بدون ماتفكرين وييييييييييييع شتببين بواحد راعي بنات وقعدات !!!

انتي تبين فلوس ولا تبين ريال خلوق يحبج يخاف عليج شاريج ونظيف !!!

لو لو تفكرين بالفلوس بس !! يمكن عنده فلوس بس ماراح يعطيج شي !!

لو انا منج ارفض وانا مغمضه شبي بالفلوس !!!

لازم تعيشين مع انسان خلوق محترم يخاف الله مايطالع الا انتي وبس ويحبج وتحبينه موراعي خرابيط

 

[tolay]

دام عمره 37 واهوه بعده على هالسوالف معناته ماراح يبطل هالسوالف الا لما يصير فوق 50

 

[أربيعينية]

الموضوح ما يبشر بالخير
انا اقول صبري يمكن الله يرزقك باللي أحسن منه

 

[منيرة خالد]

الله يهداج

اشلون ترضين تاخذين واحد خربوطي راعي قعدات وسوالف وفوق هذا عنده زوجه هنديه استغفر الله ، ما يندرى ليش متزوجها ؟؟

اللي ما يعرف ربه ابتعدي عنه والفلوس ما لها شغل يمكن بخيل على زوجته اللي قبل ونذل وشكاك وحقير وحسود >>>> ما فكرتي بكل هذا فكرتي بفلوسه !!!

ابتعدي عنه وان شاء الله ، الله بيرزقج بالزوج الصالح المصلى اللي ذاكر ربه

والله يوفقج

 

[اروى77]

الملايين تدور الملايين
مافكرتي ليش هالمليونير ياي يخطب وحده على قد حالها؟!!
لا وفوق هذا اهلك اسالو عنه ولقوه راعي خرابيط
خيره ياحبيبتي انكم ماوافقتو
الله يرزقك بالزوج الصالح والذريه الصالحه

 

[جروحي انزفت]

الحمد لله عرفتيه قبل لا تاخذينه

 

[دندنه23]

لا رفضيه شنو عشان فلوسه بالله حزر شلوووون ؟ ترى اهم شي الحب والراحه النفسيه والاستقرار التام مو الفولس كل شي تشترينه لاحبيبتي فكري عدل هذي مسالة زواج وعشرة عمر ولا يكف نده بلاوي مانتي مجبوره عليه وان شاءالله ربي يرزقج احسن منه

 

[أحبه موت]

حبيبتي انا عندي راي ماادري اذا اتقبلينه ولا لأ انتي حره الوحده يا اتزوج زواج صح ركزي على كلمة صح ولا لاتزوج خييييير شر أصوم أصوم وأفطر على بصله من غير تفكير أصلن رفضيه خلج ابيت أهلج معززه مكرمة ولا اييج واحد راعي سوالف وخرابيط باجر اتمنين لو كنتي ابيت أهلج ولا خذيتيه ومالج بكلام رفيجتج مبين عليها ماااااادية حيل الي تفكر بالفلوس شفايده الفلوس وانا بالي مو مرتاح الواحد يشتري راحته لاياحبيبتي العمر جدامج انشالله وبيييج نصيب أحسن منه بوااااايد فلا اتسرعين على بو إن تبين تتزوجين وخلاص هذا زواج ياقلبي مو لعب والله يكتبلج الي فيه الخير

 

[rehana69]

انا كنت بقول نفس كلام الاخت تولاي بالضبط =) والفلوس ياعمري موكل شي...الله يرزقج بالزوج الصالح انشالله اللي يفرح قلبج ويسعدج

ويعوضج عن كل الصبر الللي صبرتي وانشوفج انشالله احلى عروس قريبا =)

 

[لوووووونا]

والله الفلوس مادوم ماتسوى عليج لويخسر فلوسه ويطيح بجبدج ساعتها شنو بتسوين دام من اولها جذي ينعاف تاليها وبالنهايه الراي لج

 

[بنــت ** الشيخ]

هذا مو بس يرفض هذا ينشااااااات من صجج قاعده تاخذين راينا اصلن المفروض ترفضين وانتي مغمضه

 

[لاتينيـه]

من صجج الوآحد يشتري رآحته بعدي عنه
دآم فيهآ زوآج بالسر وهنديه !!
وقعدآت وخرآبيط !!
مآ عليه حسوفه يالغآليه
بآجر بييج اللي احسن منه
عسى الله يرزقج يآ قلبي

 

[موت وميلاد]

الله يرزقج الي احسن منه ان شاءالله

 

[عاشقة_الجمال]

ما عليج منه ولا تفكرين فيه اصلا
رفضي حبيبتي
شتبين بفلووسه اذا واحد ما عنده اخلاق ما راح يصونج ولا يحافظ عليج
خليج منه

 

[bent_ayawed]

صدقيني ربي خاصج او حابج انه بينلج هالشي وانتي على البر اول شي قولي الحمدالله انه الله ماطيحج فيه ثاني شي انا من رايي لاتستعيلين ولا يضيق خلقج ماتدرين الله شخاشلج جدام .. هذي ايام فضيله والدعاء فيها مستجاب بأذن الله جابلي جبلتج او انشاءالله يرزقج اللي يعزج او يرزج ولاتدور السنه الا وانتي متزوجه .. اللهم اميييييييين

 

[بدورة القمورة]

صدقيني هذااا مو مال زوااااج هذا يستااااانس بس مع الحريييم دااام فلوووسه وااايد تلقينااا كل يووم مع بنت!!
لا تخذينه و تحطمين مستقبلج خوذي واحد علي قد حاله بس اهم شي تعشيين بكرامتج,, عسي الله يرزقج برجال يقدرج و عزج!!

 

[noo7a]

شبتفيد فلوسه
لي خلاج تالي الليل بروحج انتي و عيالج

 

[hend6363]

لا لا لا ما تقبلي