شوفي حبيبتي التسريحه مو حلو يكون عليها كل الاغراض اهيا عباره عن طاوله عشان تعطي شكل جمالي للغرفه + انه اذا قاعده اتدهنين او اتمكيجين اتحطين شغلجعليها بسسسسسسسسسسسسسسسسس
يعني اول شي نزلي كل شي عنها ونظفيها
بعدين صفي عطورج بالوسط بس اخر شي لزقيهم بالمنظره يعني جدامهم فاضي عشان يكونن مرتب
واخذي الكريمات حطيهم صوب اليمين بشكل نص دائره
واخذي البودرات وسبريهات الجسم وسبري الشعر وهالسوالف حطيهم يسار هم بشكل نص دائره
صارت عندج التسريحه متقسمه ثلاث ومرتبه وشكلها حلوووووووو
الميك اب ماينحط على التسريحه من فوق كلش ينحط داخل الادراج
اذا بتحطين شي عالتسريحه بس شغله او شغلتين اللي اهما علبه الفرش وسله الحمر بسسسسسسس
وحتى الحمر اذا عندج لها علبه تدخل بالادراج حطيهم داخل (انا تسريحتي كبيره مفصلتها على مزاجي ) عشان جذي حاطتهم فوق اسرع لي
المهم بالادراج لازم تشترين القطع المقسمه او تكون سلال على طريقه مستطيله بس واطيه ومسطحه عشان تدخل بالدرج وتحطين كل قسم او كل سله فيها شي
يعني وحده فيها شدوت بس
وحده فيها بلاشرات
وحده فيها الكريمات اساس + الكونسيلرات
وسله صغيرونه حق اقلام التحديد ووحده ثانيه حق اقلام الكحل والماسكرات يعني حاطه شغل العيون بروحهم
مادري انا مسويه جذي واخذي من طريقتي اللي يعجبج ويناسج
اتمنى اكون فدتج
