مساااااااعده عن اغراض المستشفى ل.........؟؟؟؟؟؟؟

[الشماليه 30]

السلام عليكم خواتي
والي يعافيكم ابي اعرف شنو بالضبط اخذ معاي بجنطة المستشفى حق الولاده طبعا لي وللمولود ابي الاعداد يعني جم تبان وجم مهادوجم......
الي يقولي اخذي جنطة وحده لج وللمولود والي يقولي لاتاخذين غيارات وايد والله تعبت انا مخي مقفل موعاررفه هالمره ارتب جنطتي وخصوصا اول ولاده لي بالشتاء وبرا الكويت عاد ابي مساعدتكم لاتخلوني الله لايخليني منكم وشــــــــــــــــــــــــــــكرا

 

[GaLbI t7aWaL]

والله ودي افيدج

بس آنا والده بآمريكا وزهبت جنطه شكبرها وما استعملت ولااااااا شي كللله منهم

بس استعملت البلانكت مالي وقت الطلعه اغطيها فيه

 

[بيتي بوب بس كويتيه]

مادري على حسب الديره
انا ولدت بالشفا خذيت للبيبي ٥ أطقم كامله وما استخدمو الا ٢ كل يوم واحد
وخديت لي بجايم ٢ وملابس داخليه
والباجي من عندهم حتى مشط عطوني

 

[ليمون ونعناع]

اول شي الله يهون عليج بالولادة الميسرة ويقومج وانتي والبيبي بالسلامه

الارتب ان يكون معاج جنطتين وحدة لج ووحدة للبيبي

جنطتج لازم يكون فيها الاتي:
١. قميص قطن للنوم مريح وفضفاض عدد٣
واحد حق اول ماتولدين وتريحين فيه
واثنين للنوم بالليل والراحه

٢.بنطلون قطن مثل اللجنج عدد٢
يدفيج عن الهوا

٣. ملابس داخليه ستيانات عدد٣
٤. ملابس داخليه كلوتات احتياطي لان عادة المستشفى توفره استعمال مرة وحدةdisposable
٥.روب يدفيج لان شتا

اذا المستشفى مافيها عدة سباحه اخذي معاج عدة السباحه و فرشاه اسنان
٦. مشط

٧. ميك اب
٨. شباصات وحجابات على حسب
٩.مناديل معطرة للاطفال تمسحين فيها جسمج اذا ما تبين تتسبحين
يستحسن تكون من مذركير او جونسون

١٠. ديودرانت سبراي برائحه الفانلا عجييب تستخدمينه بدال العطر

الحين حق طلعتج من المستشفى
١١. ملابس للخروج مقاسها وسيع نفس مقاسج بالشهر الخامس مع صندل
١٢. حجاب او شباصه مع باند على حسب
١٣.كوت او شال لان ولادتج شتا

جنطه البيبي
١. تبانات ٤ مقاسهم يعتمد على حجم البيبي في اخر سونار
٢. اوفرولات عدد٤
يستحسن طقم افرول مع كبوس و مهاد ودس للايد و دلاغ
٣. طقم بدله للطلعه من المستشفى مع لحاف ثقيل لان شتا وبرد
٤. كيسه للبيبي كشخه
عشان تشيلين فيها البيبي بالطلعه لان يكون وايد صغير نونو
٥. كحول وبودره لتنظيف سره البيبي
بامبرز ومميات عادة المستشفى توفرهم
وللسباحه المفروض اول اسبوعين البيبي يتسبح ماي فقط لان جلده حساس

ابي دعوه حلوة من الي تستفيد من الرد ان الله يرزقني بالذريه الصالحه و يسخر لي زوجي ويطول بعمر امي حبيبتي

 

[Zaina-al-zaina]

انا بساعدج

اغراض البيبي على حسب قعدج بالمستشفى

بعض المستشفيات تقعدين يومين وبعضهم ثلاث وبعضهم تطلعين بنفس اليوم

اذا قلنا تقعدين يومين اخذي الاتي :

3 الى 4 طقم مواليد كل طقم مع تبانه

"واقصد بالطقم لبس الياهل ولفته وخيط المهاد والكب والصدريه + التبانه"

واخذي فوط صغار للبيبي اذا شرب الحليب تنظفينه فيهم
او اخذي له صدريه مع الطقم ونظفيه بكلينكسات جونسون ...

اخذي بامبرز وغالبا المستشفى يبدلون للياهل بس احتياط اخذي عن كل يوم 6 بامبرز
بمعدل تبديل بامبرز كل اربع ساعات !!

اخذي بتانتين زياده لا احيانا التبانه تتوصخ اطرافها من دون لا يحوش لبسه

اخذي 1 سودو كريم دهني في الياهل من تحت كل مابدلوا له البامبرز ...

وخلي كل طقم بجيس شفاف بروح وكل مايتلج السستر عطيها طقم !!!

عموما لما تكونين بالمستشفى كله سهاله لان السسترات بيساعدونج وعندهم كل شي
بس يبي اللبس !!

وصدقيني اهم شي انتي !!!!!!!!!!

اذا يومين اخذي 3 دراريع ناعمه وكثري ملابس داخليه وغيارات واكرر كثري !!!
لان الدم اول جم يوم يكون وايد ويمكن تتوسخ ملابس الداخليه

اخذي 2 او 3 بنطلون قطن طويل مع 3 - 4 دلاغات قطن

اخذي ستيان قطن مع الحشوات الخاصه للرضاعه

واذا تحاتين مقاسج جم بيكون بعد ماتولدين !!!

ترى ماراح يفرق وايد بالبدايه وافضل شي تاخذين اول الايام ملابس
داخليه تكون وسيعه عشان ماتظغط ع بطنج ، والمقاس اللي يناسبج
راح يكون نفس مقاسج وانتي حامل بالشهر السابع وطااالع ...

وبالنسبه جم جنطه !!!

انتي وكيفج تبين تحطينهم بجنطه وحده واليمين ملابسج واليسار ملابس البيبي !!!
او توزعينهم ع جنطتين !!!

ونست اقولج اخذي جم لفه كشخه للياهل اذا يالج ضيوف ..

واخذي مفرش حلو لج تستقبلين فيه ...

واذا نسيت شي ان شاء الله البنات مايقصرون ...

 

[أأأميرة الورد]

ما شالله البنات ما قصروا

 

[|{ خـيـألْ }|]

أب
أب
أب
للإفآدة 

 

[auoma]

Up up up up up

 

[الشماليه 30]

الله يجزاكم خييييييييير خواتي وماقصرتوا وشكــــــــــــــــــــــــــــــــــــرا على الردود:eh_s(7):

 

[AVE.NJ]

اول شي الله يعينج ويهون عليج
انه نفسج ولدت بره
بصراحه وايد تعب
انه الياهل ماكانو يرضون ياخذون ملابس حقه
يعني بس لج كثري الصراويل الطويله و3 قمصان
واعتقد الكرسي اللي حق الياهل لانه مايطلع بدونه
هذا اللي اتذكره